Alubad. 16:3 - Fanawbuid tagsibaliwas Fakayabian

³ Sabaliwa sangay taw at yud e malong tagbanwan sis talun Israel, gfauseganan au ayu.

Alubad. 16:3 ပူးပေါင်းရင်းမြစ်များ

2 Krunika 6:41

Yawi em Dius, alindugi, adasugi stie sam fagbanwanan, gasfuan fagsuadan am nasadian tagfatoglag te, mabalyanan o. Am nafili nangus fag ngay tagfon fanggalangun, lumag nu gfalangfe o anya fagayu, ay am ngay taw nangus at matuyan, guseganan sa am fagmasineun.

Alubad. 101:6

Gfili kban at matuyan fag ngay taw laman ban ku faudgufudan, ay kanya ban fagayu ku ngay tagfakamulun yangay.

Alubad. 116:15

Yawi maksvn nu kabalu at matuyan fag ngay taw nu nbul way.

Alubad. 119:63

Fagayu taw tagsuyu emu ay tagfaning am fagaloan; au wan at fagadgalangan.

Alubad. 122:8

Aroro kesug au ku ngay faduksay ay ku ngay fagadgalangan, katsi glong au sas furuan Erusalem te, “Fagmanabayanun si wa emu.”

Alubad. 30:4

Ngay taw at matuyan, alubadi sas Yawi ay segi at ngayan.

Fangatulun 12:26

At matuyan fag taw ggubuk tua at fagadgalangan, dewa katanya, at mauri fag taw gtaban way sas fagmauriun.

Fangatulun 13:20

Kabavn am fadgaloan nu sik taw tua at ke fagsafulun, umke fagsafulun yangay o, dewa katanya, am fadgaloan nu sik yud way mamatanganan, umfaurianan ban o.

Fangatulun 8:31

Guseganan au at nawat fagdaul daga, ay tagbanwan sanya fag ngay taw.

Sulumun at Alubad 7:10

Ku fakesugun fag mangama gagbilug wan angku, ay angku way lang at fakaylatun.

Isayas 62:4

Ay wa ban gfangayan ya emu te, “Sik mabaluanan” ay “Sik nafabayanan.” Nu bunway gfangayan tua ban emu te, “Dius at fagusegananun,” ay at “Kindadwa sas Dius,” aroro Yawi guseganan tua emu ay kata nu nangadadwa o sa anya.

Malakyas 3:17

Yawi at Mabalyanan nalong sa sangay tagafanud te, “Gina kban gfaurianan fag menit, gagbilug kban ayu, ay gtuyan au te, am wan ku ngay taw. Kwa gfaurianan ayu, kata sik mama nu yud gfaurianan at ngay sisian tagfaning anya.

Fakamulun 9:13

Ay Ananias gbalus te, “Ku Fun, ngayu ku nadungug sabaliwa kafag taw te, ngayu kanya at nafaidapan am ngay nafili sis Erusalem,

Galasya 6:10

Nu katanya, kaduge nu e buknga, fakamuluni tua at masine sas fagayu taw, kaugat wan sa tam ngay faduksay tagafanud.

Efesu 1:1

Au Pablu, tam Fun Isus at nasugu kata Dius at fakaylatun. Griruk au sa ayu, Dius at nafili fag ngay taw sanya sfuruan Efesu, at matuyan fia tagalo tam Fun Isus.

Titu 3:8

Matuyan kanya fag foyungan. Kaylat au nu gugatan o gfoyung takatanya sas fagayu tagafanud sas Dius, laman kanya fagayu maseganama nu gfakamulun at masine. Kata kanya at masine ay at ke tungkul sas fagayu taw.

Ebreu 6:10

Dius matuyan tua. Nu katanya, kanya di ban kalyam ay nafakamulun ay nu kesug am anya, ay dasug katsi gfataglayun tuam gfalag takatanya siginan nu ggubuk am at nafili fag ngay taw.