Alubad. 15:2 - Fanawbuid tagsibaliwas Fakayabian

² Ay Yawi gbalus te, “Ngay taw at manangakbang sa angku e ngay ugali takatatuy: Gugali at masine, ay glong at matuyan siginan at amatanganan at masine,

Alubad. 15:2 ပူးပေါင်းရင်းမြစ်များ

Alubad. 24:4

Tagugali at masine, ay tagamatangan tua at matuyan, ay at yud gseg tibak fagsegan, ay at yud gfatuyanan laman kamuagan.

Alubad. 84:11

Yawi em Dius, o wan em tagbalabag, ay em taggubuk, ay nafasik takadungug o emi, kata menit nu gyamag sa emi. Ay di o gsuksuk nusnge wain at masine sas fagayu tagugali at matuyan.

Fangatulun 20:7

Sik matuyan fag taw di e mauri. Ay at ngay sisian mauseganan tua nu nafaning tua anya.

Fangatulun 28:18

Sik taw tagugali sat matuyan, umlangfe siginans faurianan, ay sik taw tagugali sat mauri, gafaurianan wa vtv.

Isayas 33:15

At manamanwan sas Dius at salubangan, tagfakamulun tua at masine ay at yud kamuag, ay at yud galabian salapi, ay at yud get sik famayad. Ay at yud gfadiuganan tiba nu gfabul tibak taw, ay at yud gfakamulun fagayu nusnge wain at mauri.

Isayas 63:8

Yawi nalong te, “Matuyan kanya fagayu ku ngay taw, ay ku ngay sisian at yud nafamabo angku.” Nu katanya, Yawi nafalangfe anya fagayu.

Mikas 2:7

Ay wain, o nunda ban Yawi namaurianan wan Akub at kasugfunanan? O nunda we amatanganan ya gfalyam kafag ngay taw at asalanan? Ay o nunda at fakamulun wan tagfabul? Katatuy Yawi at famalus, “Ay fakamulun nu masine di, magbilug tua ban am ku ngay fatuyanan.

Lukas 1:6

Kafag dadwa matuyan tua sas Dius at daga salubangan, ay gfaning tam Fun at ngay longan ay at ngay faugali.

Fakamulun 10:35

Dius kaylat dewa ndaginan fag talun at taw nu gsuyu tua anya ay gfakamulun at matuyan.

Ruma 2:10

Dewa katanya, Dius ban gfon fagmasineun, ay famauseganan, ay fagmanabayanun, sas fagayu taw tagfakamulun tua at masine, taw Udyu taguna ay anggan yud Udyu fag ngay taw.

Galasya 2:14

Ay nu nalag au te, at ngay fakamulun wa matuyan ay wa gfaning at Masine fag Barita at fagmatuyanun, sis salubangan fagayu taw nalong au sas Pedru te, “Sik taw Udyu oma o, ay dewa katanya, gfaning yay o at yud Udyu fag ngay taw at faugali. Wain am fagfabulunun sas yud Udyu fag ngay taw te, faningi taw Udyu at faugali?”

Efesu 2:10

Dius nawat antam. Ay siginan tam fagmasadiun sa tam Fun Isus, ankawat tam laman gfakamulun tam at masine. Dius nafalganan takatanya sa antam siginan yay ebi taguna.

Efesu 4:25

Nu katanya, lag am kadkamuagan ya, nu bunway matuyani tua sas galay am at sadi, aroro fagayu tam masadi tam si sik bilug.

Kulusas 3:9

Lag am kadkamuagan ya, aroro naubun wam ay dan fag taw anggan ay dan fag ugali,

Ebreu 11:33

Ay aroro kanya fagayu gafanud tua sas Dius, kanya fagayu nababo tua tibak talun at ngay fun, ay gfakamulun tua at masine, ay nagbilug tua Dius at ngay nafatuyanan. Ay kafag ngay taw nafafagvm tua ngay liun,

1 Uan 2:29

Nasaful wam te, tam Isus matuyan, ay saful yangay am te, fagayu taw tagfakamulun at matuyan, kanya Dius at sisian.

1 Uan 2:6

nusnga sinu taglong te, “Gbanwan au sas Dius,” masine nu gugali kata Isus at ugali.

1 Uan 3:7

Ku ngay sisian, lag am gadayan nusnga sinu. Fagayu tagfaning at matuyan, kanya matuyan wan, kata tam Isus nu matuyan.

At Nafasure 21:8

Ay nusnga sinu tagfangalimu, ay at yud gafanud, ay at maksvn nu mauri, ay takamabul taw, ay tagfanugtug, ay at mabara, ay tagseg at yud matuyan fag ngay fagsegan, ay fagayu takamuag, kanya ban fagayu at fakadasugan saways afuy daul tagigang ay asupri. Kanya at faduak fakabulun.”