Alubad. 149:3 - Fanawbuid tagsibaliwas Fakayabian

³ Fauseganani anya siginan nu gfalelegan am ay ngay afud bilug, ay nu gfasfuan am gfawang fagfawangun ke ngay bakyang ay fagfadkalinganun.

Alubad. 149:3 ပူးပေါင်းရင်းမြစ်များ

2 Samwel 6:14

Dabid nasulun sik mafilian fag lanbung at fangawat at masine fag ramit, kata tagfon fanggalangun at lanbung, ay guseganan gfalelegan at afud bilug sis Yawi at daga salubangan.

2 Samwel 6:16

Ay tagbuba Fagsuadan Yawi at Nasadian gina gsakbo sas Dabid at furuan, Mikal, Saul at baguina, gbanawan sis fagbanawanan. Ay nu nalag fun Dabid nu gfalelegan at ngay afud bilug sis Yawi at daga salubangan, kanya ankuri.

1 Krunika 16:42

Eman ay Edutun tagfawang ngay budyung, fagfadkalinganun fag fagfawangun, ay tiba yak fagfawangun at fagagbilugun gina galubad sas Yawi. Ay nafili Edutun at ngay baguama laman tagulit sakbawan.

1 Krunika 25:6

Ay kanya fag ngay mangama at mama gfangguna anya fagayu laman gfawang ngay fagfadkalinganun ay fagfawangun ke ngay bakyang laman gfakamulun sis Dius at bale. Asaf, Edutun ay Eman gfakamulun gina fun gfangguna.

2 Krunika 20:28

Ay kanya fagayu nu ndasug sas Erusalem, nataglayun wan sas Yawi at bale, ay nafawang ngay fagfawangun ke ngay bakyang, ay ngay budyung.

2 Krunika 29:25

Ay fun Esekyas nafili ngay taw Lebi laman tagfawang fagfadkalinganun ay ngay fagfawangun ke ngay bakyang sis Yawi at bale. Kata Yawi at suguan sas fun Dabid, siginans Gad ay Natan fag ngay taglong.

Esra 3:10

Ay ngay tagfakamulun nu ntabu wan nu kawat Yawi at bale at fagtungkudan turuk, ngay tagfon fanggalangun nafalganan laman nanguyup at ngay budyung. Ay kanya fag ngay tagfon fanggalangun nasulun at ngay lanbung. Ay Asaf at ngay kasugfunanan fag ngay taw Lebi nafalganan yangay laman namawang ngay fagfadkalinganun laman gfauseganan Yawi, kata fun Dabid at foyungan sa sangay taw Israel.

Alubad. 30:11

Nafalyam tuo ku fakabaluun, ay natubus o sik fagusegananun. Nu katanya, gfauigan au ku bilug. Dewa maksvn ku fakabaluun, nafasun tuo angku, ay nafae lanbung tuo angku sik fagusegananun.

Alubad. 33:2

Nanseg am Yawi siginan nu gfawang am ngay fagfawangun at ke ngay bakyang.

Alubad. 81:2

Alubadi ay fawangi ngay fagfadkalinganun, gasfuan fagfawangun at ke ngay bakyang.

Alubad. 81:3

Uyupi budyung galay fagmafulun sabaliwa Magdanun nu Bagu Kasure, ay gina magdanun mabalulang.

Alubad. 87:7

Kanya fagayu nangalubad ay namalelegan at ngay afud bilug ay nanlong sas Erusalem te, “Si wa emu fagayu em fagayudanun nusnge wain.”

Nu Galin 15:20

Miryam fag taglong, Arun at faduksay, nanamul sik fagfawangun ay nafangguna ngay mangena nu gfawang ay nu gfalelegan at ngay bilug.

Eremyas 31:13

Ay siginan ban takatanya, at ngay baguina ay at ngay baguama ay anggan at ngay fagtainan guseganan gfalelegan at ngay afud bilug. Gtubus kban fagusegananun at fagwaywayun. Ay abat ngate ban kabalu, gfasun kban anya fagayu.

Eremyas 31:4

Gfadog kyay namalindug ayu kata sik baguina. Ay gdog yay ban am gfalelegan ay ngay afud bilug, laman guseganan am ay gfawang fagfadkalinganun.

Tagfangguna 11:34

Ay Efta nu noli wan sat bale sis Mispa, at baguina nafablang anya ay gfalelegan at bilug kaduge gfawang at famawangan. Kanya way fag sadi Efta at baguina.