Alubad. 143:2 - Fanawbuid tagsibaliwas Fakayabian

² Lag yap ginsaful angku am fagsuguan, aroro we taw matuyan sam daga salubangan.

Alubad. 143:2 ပူးပေါင်းရင်းမြစ်များ

1 Fun 8:46

“Am ngay taw nu nke asalanan sa emu (aroro we taw at yud e asalanan!) ay nu ndotama o ay namon anya fagayu sat ngay fawayan, at nantaban anya fagayu ay nangubung sit sadili talun, dewa ngayayu ay munakbang,

Ub 14:3

Nu katanya, Dius, wain am fakaylatun yay gulit emi, ay am fakaylatun yay namaurianan emi sa am fagfawabiluganan.

Ub 15:14

O nunda sik taw makatu gugali at yud e malong, o ay matuyan sis Dius at daga salubangan?

Ub 25:4

Setain ro sik taw nu manangalindug sis Dius at daga salubangan ay glong te, ‘Matuyan au’? O e taw at kinsalug yud e malong?

Ub 4:17

‘O nunda sik taw matuyan sis Dius at daga salubangan? Ay o nunda sik taw we malong sat nawat anya at daga salubangan?

Alubad. 130:3

Yawi ku Fun, nu nariruk ro wo em ngay asalanan, sinu ya ro at kumsawad si emi, sim daga salubangan?

Nu Galin 34:7

Gfalag au ku fakesugun sas ngayuk taw, ay gfalyam au at ngay fagmauriun, at fagyudun gfaning ay at ngay asalanan, dewa katanya, gfaurianan kban ke ngay asalanan anggan at ngay sisian ay at ngay fufu anggan sas fatulu ay faufatk kasugfunanan.”

Takamoyung 7:20

Sas fagdaul daga we taw tagfakamulun tua gugat at masine, ay at yud anke asalanan.

Ruma 3:20

Aroro Dius wa gtap nusnga sinu fag taw kata nu yud e asalanan, siginan nu gfaning Muisis at Faugali, aroro kafag Faugali gfasaful te, fagayu taw e asalanan.

Galasya 2:16

Dewa katanya, nasaful ami te, Dius gtap sik taw kata nu yud e asalanan siginan nu gafanud sas Isus tam Fun, ay bundi siginan at nafaningan Muisis at Faugali. Ay gafanud yangay ami sa tam Fun Isus laman Dius gtap emi kata nu yud ami e asalanan siginan nu gafanud ami sa tam Fun Isus, ay bundi siginan nu gfaning Muisis at Faugali. Aroro Dius wa gtap nusnga sinu fag taw kata nu yud e asalanan nu siginan way nu gfaning kafag Faugali.

1 Uan 1:10

Nu glong tam te, wa tam e asalanan, gfangayan tam Dius te, takamuag, ay wa si antam at longan.