Alubad. 135:4 - Fanawbuid tagsibaliwas Fakayabian

⁴ Aroro kanya nafili tua ngay taw Israel, Akub at ngay kasugfunanan, laman at ngay taw.

Alubad. 135:4 ပူးပေါင်းရင်းမြစ်များ

Alubad. 33:12

Mauseganan sik talun at ngay taw, at Dius nu Yawi tua. Ay mauseganan at nafili fag ngay taw aroro anya wa fia.

Isayas 41:8

Dewa katanya, Israel, o wan ku nafili ay ku fagsuguan, ku fagadgalangan Abrayam at kasugfunanan,

Eremyas 51:19

Dewa katanya, Akub at Dius di kata kafag ngay fagsegan. Kanya tua at nawat fagayu nusnge wain, ay kanya yangay at nafili ngay taw Israel. At ngayan Yawi at Mabalyanan.

Malakyas 3:17

Yawi at Mabalyanan nalong sa sangay tagafanud te, “Gina kban gfaurianan fag menit, gagbilug kban ayu, ay gtuyan au te, am wan ku ngay taw. Kwa gfaurianan ayu, kata sik mama nu yud gfaurianan at ngay sisian tagfaning anya.

Deuterunumyu 10:15

Dewa katanya, Yawi nafili ay ngay mangaguyang laman kesug ay nafili ayu at kasugfunanan sas fagayu talun, ay dasug katsi am yay gugat at nafili laman at ngay taw.

Deuterunumyu 26:18

Ay katsi fag menit Yawi gfasure yangay sa ayu te, am wan at nafili fag ngay taw kata at fatuyanan, ay faningi ban fia fagayu at suguan.

Deuterunumyu 32:9

Yawi nafili Akub at kasugfunanan, laman at ngay taw.

Titu 2:14

Kanya nafon at sadili laman gfalangfe antam siginan fagayu asalanan ay gfasine antam laman Dius tua tam at ngay taw takaylat gfakamulun at masine.

1 Pedru 2:9

Dewa katanya, am sik nafili tuam fag ngay taw, ay tam Fun tuam at ngay tagfon fanggalangun, ay sik furuan at mafasamanan laman sas Dius. Dius nafili ayu laman gfoyung am at nafakamulun fag ngay madulo. Ay nauro yangay ayu siginan sad fagmadulumun laman glo am sat fagmayamagun at maksvn nu madulo.

1 Samwel 12:22

Yawi di gfabayan ayu, aroro kanya nafili tua ayu laman at ngay taw.