Alubad. 132:9 - Fanawbuid tagsibaliwas Fakayabian

⁹ Am nafili nangus fag ngay tagfon fanggalangun, matuyan tua nu mabanwan, ay am ngay taw nangus at matuyan, kabavn galubad tua gugat guseganan.”

Alubad. 132:9 ပူးပေါင်းရင်းမြစ်များ

2 Krunika 6:41

Yawi em Dius, alindugi, adasugi stie sam fagbanwanan, gasfuan fagsuadan am nasadian tagfatoglag te, mabalyanan o. Am nafili nangus fag ngay tagfon fanggalangun, lumag nu gfalangfe o anya fagayu, ay am ngay taw nangus at matuyan, guseganan sa am fagmasineun.

Ub 29:14

Kabavn gfakamulun au at matuyan ay at masine, takata tagsi ku bilug fag lanbung at masine.

Alubad. 104:1

Gfauseganan au Yawi. Yawi ku Dius, mabalyanan tuo. Am fagmabalyananun ay am fagmasineun, kanya wan tuga am lanbung.

Alubad. 132:16

Gfasik ngay matuyan kban at ngay tagfon fanggalangun, ay kafag ngay taw ban at matuyan, kabavn galubad tua guseganan.

Alubad. 149:5

Am fag ngay taw at matuyan sas Yawi, useganani aroro nababo tuam, ay alubadi useganani dewa am si ay ngay fagtiugan.

Alubad. 47:1

Am fag ngay taw sas fagayu talun, fablangani ay mesa daluap! Fauseganani Dius ay alubadi uroi useganani.

Alubad. 68:3

Dewa katanya, at matuyan fag ngay taw guro tua guseganan sis Dius at daga salubangan.

Alubad. 70:4

Ay dewa katanya, fagayu nangus takakbang sa emu, guseganan tua aroro sa emu. Ay fagayu takaylat am famalangfe, guro tua nangus gugat te, “Dius mabalyanan tua!”

Alubad. 93:1

Yawi, o wan em Fun at ke fagmasineun ay at mabalyanan. O wan at nawat fagdaul daga, nu katanya, di gbadbalian.

Isayas 61:10

Guseganan au sas Yawi ku Dius, aroro kanya nafalangfe tua ay nafae fagmatuyanun angku, kata nu nafae lanbung angku. Ay ankata au sik mangama at nangadadwa at ke lanbung masine kata ngay tagfon fanggalangun, ay kata yangay sik mangena at nangadadwa at mafasinean.

Isayas 65:14

Ku ngay fagsuguan ban galubad tua guseganan, dewa katanya am ban gwayway wayam kabalu ay gidapan ay ngay amatanganan.

Sefanias 3:14

Sefanyas glong te, “Ngay taw Israel, useganani uroi! Ay am fag ngay taw tagbanwan sis Siun, fag furuan Erusalem, alubadi ay useganani sas fagdaul ay amatanganan!

Sakaryas 9:9

Yawi nalong te, “Ngay taw Siun useganani tua, ay am fag ngay taw Erusalem uroi sik fagusegananun, aroro ay fun kadasug wan. Kanya gfakamulun at matuyan ay Dius ggubuk tua anya. Kanya kamababaun tua, ay kadasug gsakayan sis riangan asnu.

Ruma 13:14

Suluni tam Fun Isus at nafon antam fag ugali, ay lag am gfaning ya ay bilug at fakaylatun.

1 Pedru 5:5

Ay am fag ngay baguama, faningi tua ay ngay fagtainan bale fakafulan. Ay fagayu am fadfababaunani tua, aroro marirukan sis Dius at Longan te, “Dius gsalag fagayu taw takamatungudun, ay ggubuk fagayu takamababaun.”

At Nafasure 19:8

Ay nafasulun wan sa anya at masine fag lanbung, at masulo ay at mabakbakan.” (At masine fag lanbung at masuad, Dius at ngay taw at ngay fakamulun at masine.)

Tagfangguna 5:31

Yawi, am ngay fawayan nangus umkamin wan. Dewa katanya, fagayu takesug emu, umkata nangus fia menit nu kasure at maksvn nu masulo. Ay anke fagmabayanun sis talun Israel kaduge ufatk safuluk banwa.