Alubad. 13:2 - Fanawbuid tagsibaliwas Fakayabian

² Seduge ya ban nu gidapan au gamatangan? Fagayu menit kabalu au. Seduge ya ban manga ku fawayan nu gbabo gugat angku?

Alubad. 13:2 ပူးပေါင်းရင်းမြစ်များ

Nemyas 2:2

Nu katanya, kanya nainto sa angku te, “Nataw am fakabaluun? Nu glag au emu di o e fakasaitun. E fagidapun way o siring?” Nu katanya, nafanawa au maksvn,

Ester 7:6

Ay Ester gbalus te, “Em fawayan, Aman fag taw mauri.” Nu katanya, Aman maksvn nu kalimu sas fun ay Ester at daga salubangan.

Ub 10:15

Anke asalanan kman ay kdi e asalanan, afanyuan kway gugat, ay grungan au kapla, ay maksvn nu gidapan au.

Alubad. 10:18

Fakamuluni at matuyan sa sangay taw at yud e kalongan ya ay sa sangay tagafalingunan, laman ban ngay taw mauri gfaragang wan nu gfalimu at iba, aroro kanya fagayu taw yangay.

Alubad. 116:3

Kalimu au ay gidapan gamatangan, aroro fakabulun munakbang angku, kata nu masiukan au.

Alubad. 17:9

Falangfei angku siginan ku ngay fawayan si ku ligung tagyafabulun angku.

Alubad. 31:18

Faragangi wan ngay taw at fakamuagun ay at fakamatungudunun. Aroro kanya fagayu gfalingun gugat at matuyan fag ngay taw.

Alubad. 38:17

Aroro munakbang wan nu gakataygilidun au, ay wa karagang nu ganini.

Alubad. 42:4

Gidapan au gamatangan nu namatang kway ebi gina au gfangguna ngayuk taw taglao sam bale, laman nangalubad ami nanseg ay nangudguroan namauseganan emu.

Alubad. 6:4

Yawi, afolii ay gubuki angku! Ay falangfei angku siginans fakabulun. Aroro gtuyan au te, kesug o angku.

Alubad. 7:2

Bunway o, we makatu gfalangfe angku, aroro ku ngay fawayan kata sik ngay liun kaylat namasadsamanan at nagamat at ngay afud bilug.

Alubad. 74:10

Dius, seduge tua ban em ngay fawayan nu gfalingun emu? Ay seduge tua ban nu gfauri am ngayan? O nunda ban kabavn wan?

Alubad. 74:18

Yawi, amatangi at yud e fagsafulun fag ngay fawayan nu gfalingun emu ay nu gfauri am ngayan.

Alubad. 8:2

Ngay ngenge ay sisian am nafalganan laman gfauseganan emu, laman am fawayan umkapla.

Fangatulun 15:13

Sik taw nu manabayan tua, gfangase tua, ay sik taw nu mabaluanan way, anggan at kamatan mabaluanan yangay.

Takamoyung 5:17

Kaduge tam gleleg ngayu tam fagidapun, fagmauriun, fakasaitun ay tam fakauriun.

Eremyas 15:18

Wain ku fagidapanun yay gugat? Wain ku ngay bangbang way kafia ya? O ay namae fakabaluun way lang o angku kata sik liskung at kinlanggang gina mangune?”

Eremyas 45:3

‘Nalong o te, sik mafanyuan way o lang, aroro Yawi nafamut am fagidapun. Kalufuy wo gfandeng ay wo e buknga ya gfiangalay.’

Eremyas 8:18

Sanya ginan, Eremyas nalong te, Wa kafalyam ya ku fakabaluun. Maksvn nu gidapan au gamatangan.

Takabalu 1:5

Ay at ngay fawayan nafagsuguan anya fagayu, ay anramraman. Maksvn Erusalem at asalanan, nu katanya, Yawi nafaidapan anya. Ay at ngay fawayan nataban anya fagayu.

Takabalu 1:9

Erusalem at fagmauriun andungug sas fagayu taw, ay kanya wa nasaful at fakadasugan. Maksvn nu malimu at kindasug sanya fag furuan ay we nagubuk ya anya. Nu katanya, kanya nalong te, “Yawi, damai ku fagidapun aroro ku ngay fawayan nababo wa angku.”

Takabalu 5:20

Wain am fagyudun gamatang ya emi? Wain faglugoun nu gfabayan o emi?

Mateu 26:38

Ay kanya nalong sat ufud fag tulu te, “Katsi maksvn nu kabalu au kata kwan nu mabulan au. Ste yap am ay mataganani tua kata angku.”

Lukas 22:53

Kayu menit si koma gugat Dius at bale magamut ayu, ay wam nagamat angku. Dewa katanya, katsi ya ay buknga gina fagmadulumun tagfunan.”

Uan 16:6

Ay maksvn nu kabalu am aroro nalong au sa ayu takatanya.

Ruma 9:2

kabavn kabalu au maksvn ay gafanawa.

Filipus 2:27

Matuyan, kanya anke fakasaitun ay arvs anbul wan. Baliwan tam Dius anfanyu tua anya ay anggan angku, aroro siginan at nafian, nalyam tua nu kabalu au maksvn.

1 Samwel 18:29

Saul kaugat nu kalimu Dabid. Ay kaduge gleleg, gfawayan gugat Dabid.

1 Samwel 24:19

O sik taw nu nalag at fawayan, gfabayan way lang? Yawi nangus namon sa emu at masine aroro sa am nafakamulun sa angku.