Alubad. 13:1 - Fanawbuid tagsibaliwas Fakayabian

¹ Yawi, seduge ya ban nu yud o gamatang angku? O kabavn tua ban? Ay seduge ya ban nu gsuksuan o gugat angku?

Alubad. 13:1 ပူးပေါင်းရင်းမြစ်များ

Ub 13:24

Wain am fagsaruyanun angku ay am fagtuyanun angku te, am fawayan?

Alubad. 10:12

Yawi, ku Dius, alindugi ay faurianani wan at mauri fag ngay taw. Ay lag gfabayan tagafalingunan fag ngay taw.

Alubad. 35:17

Ku Fun Dius, wain am fagdamaun lang angku? Gubuki angku siginan kafag ngay taw takamauri, kata ngay liun tagfangagat nu kaylat wan nanyukfu. Falangfei angku, aroro ku leleg sadi way!

Alubad. 44:24

Wain am fagsuksuanun emi, ay am fagyudun kasalag em ngay fagidapun? Wain am fagyudun gfaragang ngay taw nu gfaurianan emi?

Alubad. 6:3

Yawi, maksvn nu gafanawa au. Ginain ya ban nu gfafia o angku?

Alubad. 74:1

Em Dius, wain am fagtalyuyanun gugat emi? Ay wain am fakadotamaun am ngay taw, dewa kanya wan am ngay fagagbilugun?

Alubad. 80:4

Yawi, at Mabalyanan fag Dius, Seduge ya ban nu kadotama o gugat emi? Ay ginain ya ban nu gbalus o em darangin?

Alubad. 85:5

O nunda ban kaduge ami gleleg kadotama way o gugat emi, anggan sas fagayu em ngay kasugfunanan?

Alubad. 89:46

Yawi, O nunda ban kabavn wan nu gsuksuan o emi? Seduge tua ban nu kadotama o gugat emi takata sik afuy nu girug?

Alubad. 90:14

Galay balabag, falagi sa emi te, mafangesug o, laman kayu menit guseganan tuami gugat galubad.

Isayas 59:2

Ay ngay asalanan wan tagfayayu ayu siginans Dius ay kanya wan at malong at faginyayuun ayu ay at fagyudun gbalus ay darangin.

Takabalu 5:20

Wain am fagyudun gamatang ya emi? Wain faglugoun nu gfabayan o emi?

Deuterunumyu 31:17

Ginanya ban fag menit, nangauri au ay nangaiyan anya fagayu, ay gtalyuyan kban laman ban kanya fagayu umkamin. Ngayu ban fag faurianan ay fag fagidapun takadasug, ay kanya ban fagayu ginto te, ‘Ay wain? O nunda Yawi wa gufud ya antam at fagindasugun sa antam takatatuy fag ngay fagidapun?’