Alubad. 128:2 - Fanawbuid tagsibaliwas Fakayabian

² Nu katanya tua nu gbanwan o, o tua ban takon am nainlufuyan, ay umke ramraman ban o, ay e fagmanabayanun.

Alubad. 128:2 ပူးပေါင်းရင်းမြစ်များ

Fakasigadan 3:19

Ay maksvn ban nu gidapan o gfakamulun laman e fakonun o yakmay am bilug anfoli sas daga, aroro at fangawat emu daga yangay.”

Alubad. 1:3

At matuyan fag taw kata sik fun kayu tagsis tigyangan liskung, tagrawvg tua gina fanrawvgan fag buknga ay at ngay don di kalangke. Ay nusnga setaw at fagnamakamulunun kafasludan tua.

Alubad. 109:11

At fagbedanan ban nangus mul wan at ngay ramraman, ay at fagyudun toglag fag ngay taw nangus mul wan at ngay nainlufuyan.

Takamoyung 8:12

Sik taw at nasalan sadik sandan ginan, ay dewa yay ngaduge nu gleleg, nasaful au te, amasine yap ban sik taw takalimu tua Dius at fakadasugan.

Isayas 3:10

Nanlong am sat matuyan fag ngay taw te, “Anud, mauseganan am, aroro gbul ban am ay nainlufuyan siginan ay nafakamulun at masine.”

Isayas 62:8

Yawi nafatuyanan te, namakamulun takatanya siginan at fagmabalyananun. Ay kanya nalong te, “Kwa ban gfon ya ay ngay trigu sa ay ngay fawayan tagsiginan tibak talun. Ay kanya ban fagayu wa nanginum ya ay ngay wat ubas at mamam, ay nainlufuyan.

Isayas 65:13

“Nu katanya, au ay Fun Yawi, glong au te, Ku ngay fagsuguan ban gfangon tua ay ginum, dewa katanya, am ban kalunus wayam ay kadanum. Ku ngay fagsuguan ban guseganan tua, ay am ban kapla wayam.

Eremyas 22:15

O nu glong ro wo sik mabalyanan wo fag fun nu nafawat wo am bale at mawatan siginans sidru? Wain am fagyudun gfaning am mama? Kanya at ngay nafakamulun matuyan tua ay masine, nu katanya, am mama nu nabanwan manabayan tua ay di e fagayudanun.

1 Kurintu 15:58

Nu katanya, ku fakesugun fag ngay faduksay, faksvni ay amatanganan, ay dangay glamlamangan. Ay kabavn maseganamai tua nu gfakamulun am tam Fun at fakamulun, dakngani saful am te, wa ban umfangulan fagayu ay nainlufuyan.

Efesu 6:3

“Nu kesug tuam ay mama ay ay mina, manabayan tuam ay ngaduge nu gleleg am ste swa daga.”

Deuterunumyu 28:11

Yawi ban gfon sa ayu nusnga setaw gina ban am gbanwan sit nafon ayu fag talun, at nafatuyanan sa ay ngay mangaguyang. Kanya ban gfayu ay ngay sisian, ay ngay fagbaugun ay anggan ay gutluan.

Deuterunumyu 28:39

Gtanum ban am ngay wat ubas ay galaga am maksvn, dewa katanya, wa ban am e gutluan nusdi alay, ay wa ban e nainum mamam malangu siginan at rawvg, aroro ngay ulud ban kon way.

Deuterunumyu 28:4

Kanya ban gfon sa ayu ngayuk sisian, ngayuk gutluan ay ngayuk fagbaugun.

Deuterunumyu 28:51

Kanya ban fagayu gfamin ay ngay fagbaugun ay ay ngay gutluan yakmay ban am anbul. Kanya ban fagayu we fasawadan ay ngay trigu, mamam malangu ay langis ay anggan ay ngay fagbaugun yakmay ban am ankamin.

Deuterunumyu 28:8

Ay Yawi ban gfon tua ayu nusnge wain, sas fagayu ay nafakamulun, ay gfapnu ban ay gutluan sa ay ngay bale famoy. Ay gfon ban sa ayu nusnga setaw gina ban am sit nafon ayu fag talun.