Alubad. 128:1 - Fanawbuid tagsibaliwas Fakayabian

¹ Mauseganan tua ngay taw tagsuyu Yawi, ay tagbanwan kata at balyawvtan.

Alubad. 128:1 ပူးပေါင်းရင်းမြစ်များ

2 Samwel 22:22

Gfaning ktua Yawi at fakaylatun, ay kdi natalyuyan anya.

Alubad. 103:1

Gseg au Yawi. Nafatuyanan au te, gseg kban gugat anya sas fagdaul ku amatanganan, aroro kanya matuyan.

Alubad. 103:13

Nu setain sik mama nu kafanyu at ngay sisian, katanya yangay Yawi nu kafanyu fagayu tagfaning anya.

Alubad. 103:17

Dewa katanya, di e fakatabuan Yawi nu kesug ngay taw tagsuyu ay tagfaning at nasadian, ay tagamatangan tua gugat at ngay suguan. Ay gfataglayun yangay ban at fagmatuyanun anggan sa kafag ngay taw at ngay kasugfunanan.

Alubad. 112:1

Segi Yawi! Mauseganan sik taw tagsuyu tua Yawi, ay taguseganan gfaning at ngay suguan.

Alubad. 115:13

Kanya gfasik mauseganan tua nusnga sinu fag taw tagsuyu anya, dewa ngay sisian ay ngay fagtainan.

Alubad. 119:1

Mauseganan sik taw nu masine tua at ugali, ay nu gfaning Yawi at faugali.

Alubad. 119:3

Kanya di gfakamulun at mauri, nu bunway gfaning tua Dius at ngay fakaylatun.

Alubad. 120:1

Gina au anke fagidapun, nadarangin au sas Yawi, ay kanya nabalus tua angku.

Alubad. 121:1

Gbanawan au sa sangay buksul, ay ginto te, “Daginan manga ku taggubuk?”

Alubad. 122:1

Guseganan au, nu nadungug au ngay taw nu glong te, “Bastam wan sas Yawi at bale.”

Alubad. 123:1

Yawi, gdarangin au sa emu, o wan at malunggung sim faglunggungan sis banwa.

Alubad. 124:1

Ngay taw Israel, setain ro Yawi way nagubuk ya antam?

Alubad. 125:1

Fagayu tagafanud sas Yawi, di kauig kata Buksul Siun, ay katanya tua gugat.

Alubad. 126:1

Yawi gina gfafoli at ngay taw sas Siun siginan at fagatabananan, kata way sik taginfan.

Alubad. 127:1

Yawi yaman nagubuk takawat bale, kanya ro fag ngay taw wa nakatu kawat. Ay kanya yaman gdiri furuan daul, wa ro e masuad at ngay tagulit.

Alubad. 147:11

Dewa katanya, kanya guseganan tua ngay taw tagsuyu anya, ay tagafanud te, mafangesug tua.

Alubad. 81:13

Nu nafandungug di long am angku! Ay nu namanwan di am kata ku balyawvtan,

Lukas 1:50

Ay kanya kafanyu fagayu kasugfunanan tagseg anya.

Lukas 1:6

Kafag dadwa matuyan tua sas Dius at daga salubangan, ay gfaning tam Fun at ngay longan ay at ngay faugali.

Fakamulun 9:31

Siginan ginanya, ngay tagafanud sas fagdaul talun Udea ay Galilea ay anggan Samarya, anke fagmanabayanun ay ankaksvn yangay nu gafanud ay gbanwan gfaning tam Fun. Ay at Masine fag Falad nafabitsug at ngay amatanganan, nu katanya, ngay tagafanud anfamut yay.

Deuterunumyu 28:3

Kanya ban gfaramraman ay ngay furuan ay anggan ay ngay fagtanuman.

1 Tesalunika 4:1

Em ngay faduksay, ebi nafoyung ami sa ayu te, fakamuluni at mauseganan sas Dius, ay nafakamulun tuam takatanya. Katsi, gurungan ami glong ayu te, sa tam Fun Isus at ngayan, faugati yap takatanya ay fakamulun.