Alubad. 123:3 - Fanawbuid tagsibaliwas Fakayabian

³ Yawi, afanyui emi, aroro maksvn wan nu gafalingunan ami.

Alubad. 123:3 ပူးပေါင်းရင်းမြစ်များ

2 Samwel 6:16

Ay tagbuba Fagsuadan Yawi at Nasadian gina gsakbo sas Dabid at furuan, Mikal, Saul at baguina, gbanawan sis fagbanawanan. Ay nu nalag fun Dabid nu gfalelegan at ngay afud bilug sis Yawi at daga salubangan, kanya ankuri.

2 Fun 19:3

Ay kanya fagayu nu ndasug sas Isayas, nalong anya te, “Esekyas glong te, ‘Katsi maksvn nu gidapan tam, ay nu gafaurianan tam ay gafaplan. Kata tam sik mangena tagafasalugun at yud e bitsug ya gfasalug at ngenge.

Ub 19:15

Ku ngay betaw ay anggan ku fagsuguan fag ngay mangena wa toglag ya angku, ay nu glag angku kata kway lang tagsiginan tibak talun fag taw.

Alubad. 4:1

Dius, o wan taglong te, sik taw ktua matuyan. Balusi angku galay au gdarangin. Gina au sis fagidapun nafalangfe tuo angku. Katsi afanyui angku ay balusi ku darangin.

Alubad. 57:1

Dius, afanyui angku, aroro o wan ku fagsarirungan. Gsarirung au si emu kata sik riangan manuk sit mina at daga fakfak yakmay fagmauriun anlangfe.

Isayas 53:3

Ngay taw nafalingun ay naiyan anya. Ay andasug sa anya at masait ay at maidap. Natalyuyan tam anya ay nafalingun, ay wa tam nasuyu ya.

Takabalu 3:30

Nu e nafalang at sadi am fingi fasalubangi yap at sadi am fingi. Ay aylati way am ngay fawayan dewa gfalingun emu.

Esekyel 36:15

“ ‘Kwa ban kaylat ya tibak furuan nu gfalingun ay gfapla ayu ay nu grasras ay talun. Au, Fun Dius Yawi taglong tuy.’ ”

Esekyel 36:6

“Nu katanya, taw at baguama, nanlong o sas Israel ay sa sangay fungsu ay sa sangay buksul, ay sa sangay datag, ay sa sangay fagfamiluganan mamam te, ‘Au, Fun Dius Yawi, glong au te, nagwanta tuam tagligung ayu fag ngay talun nu gfalingun ayu. Nu katanya, maksvn nu kadotama au kafag ngay talun.

Lukas 16:14

Ay ngay taw Fariseu nu nadungug Isus at nalong, kanya fagayu nafalingun anya aroro kanya fagayu kesug salapi.

Lukas 23:35

Ay ngay taw malindug ngayu sanya gdama. Ay ngay tagfangguna gfalingun Isus te, “Ebi kanya nafalangfe tibak taw, ay mafalangfe yangay nangus at sadili nu kanya tua Dius at nafili fag Fun.”