Alubad. 12:2 - Fanawbuid tagsibaliwas Fakayabian

² Kanya fagayu kamuagan way sat ngay faduksay, ay gfantabugan way laman gdaya at iba.

Alubad. 12:2 ပူးပေါင်းရင်းမြစ်များ

1 Krunika 12:33

Ay siginan Sebulun at kasugfunanan: limak safuluk libuk tagsaful gfawayan ay kanya fagayu ngayu at famawayan ay at ngay famalabag. Ay mafalganan nanggubuk ay nangabul aroro sat fagmasadiun sas Dabid.

Alubad. 10:7

Kabavn at ngay nalong mauri, kamuag, ay kamalimu. Ay kaylat glong mauri laman gfamomuy at ngay iba.

Alubad. 116:11

Ay aroro siginan ku fagafanawaun, nalong au te, “Fagayu taw wa masine fagfatigwanan.”

Alubad. 144:11

Falangfei angku siginan ku ngay fawayan tagsiginan tibak talun, aroro kanya fagayu kamuag. Dewa kanya fagayu gfatuyanan te, at longan matuyan, kamuag way.

Alubad. 144:8

Dewa kanya fagayu gfatuyanan te, at longan matuyan, kamuag way.

Alubad. 28:3

Lag o gfaurianan angku gasfuan at mauri fag ngay taw. Kanya fagayu masine at aringang, dewa katanya, mauri way at ngay algan.

Alubad. 38:12

Ngay taw tagyafabulun angku gfasangdawan laman ggamat angku. Ay fagayu takaylat gfauri angku gkamatoan sabaliwa nu gfalyam angku. Ay fagngabak menit, kanya fagayu e algan laman nandaya angku.

Alubad. 41:6

Ay gina kanya fagayu nansibo angku, gfalagan way lang. Ay aroro mangaro wa matuyan. Ay kanya fagayu nu nalo wan, namadungug sa tibak taw at nafanlonganan mauri sabaliwa angku.

Alubad. 5:9

Ku ngay fawayan at ngay nalong wa mafanud, ay kabavn at fagamatanganun tagfauri way at ngay iba. Ay at ngay longan malimu kata sik fagfolian nu maluangan, ay at ngay algan gfalingun way at iba.

Alubad. 55:21

Kanya nu garingang maylat ay mafalukmeanan kata sik deut, dewa katanya, at nananadan wan takamawayan, kata sik fiso at maglat.

Alubad. 59:12

Aroro at ngay nalong mauri way ay kamatungudun, e gumamat ban nangus anya fagayu. Ay aroro kanya fagayu kamalingun ay kamuag,

Alubad. 62:4

Ay ngay algan namalin am angku siginan ku fanambagun. Ay kamuag am gugat gfanagsag, kata nu gfauseganan, ay aroro mangaro, sa ay amatanganan, kauri wayam angku.

Fangatulun 20:19

Sik taw nu mabarisan way, glong wan dewa at fagsuksukun fag longan, nu katanya, saruyani takatanya fag taw.

Fangatulun 20:6

Ngayuk taw taglong te, matuyan ami, dewa katanya, sinu nunda si anya at matuyan?

Fangatulun 29:5

Sik taw tagfalagan te, gfauseganan at iba, kanya gfaurianan way at sadili.

Eremyas 7:28

Nu katanya, nanlong yakman o sanya fag ngay taw te, ‘Am fag gaban taw at yud gfaning ay Dius Yawi ay at yud kaylat gfayfoyung. We si ya ayu fagmatuyanun ay wam e gfoyung ya at matuyan.

Eremyas 9:8

Aroro at ngay leplep kamabul kata sik ngay godun. Ay at ngay longan fakamuaganun way lang. Kanya fagayu nu gfakamatoan at iba, masine mandi, dewa katanya, sat amatanganan, at algan mauri way.

Esekyel 12:24

Matuyan, si ban sfuruan Israel we gtaginfan ya at yud matuyan, ay wa ban e glong ya at yud matuyan fag foyungan.

Mikas 7:2

Ku longan at masuad, sis talun Israel, kwe nalag nusdi sadi at matuyan sas Dius. We taw ya matuyan, ay galay at sadi grvbvy at buknga laman namabul at iba, kata sik taw nu gfalganan litag at fanggamat mangilafang.

Ruma 16:18

Takatanya fag ngay taw at fagfaningan bunwa tam Fun Isus nu bunway at sadili way. Kafag ngay taw gdaya ngay taw at mamomuy at amatanganan, siginan takamaylatan ay at masine nu kadungug fag ngay foyungan.

1 Tesalunika 2:5

Saful wam te, em fakamoyungun bundi siginans famaylatan fag longan ay bundi siginans famuagan fag foyungan laman kae ramraman ami. Dius wan tagfatuyan takatanya.

Santiagu 1:8

Aroro tagawabilugan at amatanganan gaduanun way nusnga setaw at fakamulun.