Alubad. 113:5 - Fanawbuid tagsibaliwas Fakayabian

⁵ Sinu at mafasud Yawi tam Dius? Kanya malunggung sit mabalyanan fag fagmalunggungan sis banwa,

Alubad. 113:5 ပူးပေါင်းရင်းမြစ်များ

Alubad. 103:19

Yawi nawat at faglunggungan sis banwa, ay gfunan sas fagayu.

Alubad. 11:4

Yawi gbanwan sit bale, sit faglunggungan sis banwa. Ay kanya ginsaful ngay taw at amatanganan.

Alubad. 35:10

Sas fagdaul ku amatanganan guro au te, “Yawi, o wan tagtungud sas fagayu. O wan ngay taw at yud e kwa ay tagafalingunan at tagfalangfe siginan takamalingun fag ngay taw.”

Alubad. 89:6

Yawi, o nunda e mafasud emu am ngay awatan tagsis banwa? Ay sinu fag tagbarita at mafasud emu?

Alubad. 89:7

Am ngay tagbarita at yud e malong gina maful gsuyu emu. Ay amabalyanan yap tuo ay amalimu sas fagayu tagsim ligung.

Alubad. 89:8

Yawi, Dius at mabalyanan, we gfasud emu. Ay matuyan tuo sas fagayu am fakamulun.

Alubad. 89:9

Si wayam daga fagmabalyananun taglugwak fag dagat, ay gfaragang o at maksvn fag lugwak.

Nu Galin 15:11

Yawi, sinu ya fag dius tagtungud emu? We gtungud ya emu sam fagmatuyanun ay sa am fagmabalyananun. Ay fagayu am nafakamulun madulo.

Isayas 16:5

Ay Dabid ban at kasugfunanan at sadi nanfunan ke fakesugun ay ke fagmatuyanun. Kanya ban matuyan nu gfawabilugan, ay maseganama nu gfakamulun sat masine.

Isayas 40:18

Nu katanya, dada nu mafaladlabian am Dius? Ay dada nu mafafaningan am anya?

Isayas 40:25

At yud e malong fag Dius glong te, “Dada ya nu namaladlabian am angku? O nunda e kata angku nu mabalyanan?”

Isayas 57:15

Ay Tiba Tungud fag Dius at yud e malong ay tagleleg kabavn, glong yay fia te, “Gbanwan au sa tangabat ay yud e malong fag buknga, dewa katanya, gbanwan kyangay maful si sangay taw takamababaun ay at naubun at asalanan, laman gfabitsug au anya fagayu.

Eremyas 10:6

Yawi, we mafasud emu; mabalyanan tuo ay am ngayan kadungug.

Deuterunumyu 33:26

We gfasud taw Israel at Dius. Siginan at fagmabalyananun, kanya gsakay sis tungud linyabu laman ggubuk ayu.