Alubad. 113:4 - Fanawbuid tagsibaliwas Fakayabian

⁴ Yawi gfagtainan fagayu talun at ngay taw, ay di e mafasud at fagmabalyananun.

Alubad. 113:4 ပူးပေါင်းရင်းမြစ်များ

1 Fun 8:27

“Dius, o manamanwan o ste swa daga magamut ngay taw? Dewa si tiba tungud fag banwa ya kasakan sa emu, ay kaugat wan ste ku nafawat fag bale!

Alubad. 148:13

Fagayu am segi Yawi, aroro kanya tua tiba tungud sas fagayu, ay at fagmasineun gtungud tua sas fagayu at awatan tagsis banwa ay tagsis daga.

Alubad. 8:1

Yawi, em Fun, am fagmabalyananun kalag sas fagdaul daga! Ay am fagmasineun kalag anggan sas banwa.

Alubad. 97:9

Yawi, o tua tiba tungud fag fun, tagfunan sas fagdaul daga. Nu mabalyanan o gtungud tua tibak fagsegan.

Alubad. 99:2

Yawi wan at mabalyanan sis furuan daul Siun, ay gtungud tua sas fagayu talun.

Isayas 40:15

Sas Yawi, ngay talun at ngay taw kata way sik anting si sik fagsuadan, ay kata sik dafug sis famabudbungguan; ay tagsis wabilug dagat fag ngay talun kagan way sik dafug.

Isayas 40:17

Sas Dius, ngay taw sas fagayu talun kata way nu yud e tungkul.

Isayas 40:22

Dius malunggung sit fagbanwanan sis tungud fagdaul daga ay gfunan, ay nu glag at ngay taw ste swa daga kata way sik ngay fitfit. Kanya nawat banwa kata nu narafad sik umut, ay kata nu kawat sik bale ramit laman ngay taw at fagbanwanan.

Isayas 66:1

Katatuy Yawi at longan: “Banwa ku faglunggungan, ay fagdaul daga ku fagsiadan. Nu katanya, tain ban ay fagnangawatun fag bale laman sa angku? Ay dada ban fag furuan nu namafiangalay am angku?