Alubad. 112:1 - Fanawbuid tagsibaliwas Fakayabian

¹ Segi Yawi! Mauseganan sik taw tagsuyu tua Yawi, ay taguseganan gfaning at ngay suguan.

Alubad. 112:1 ပူးပေါင်းရင်းမြစ်များ

1 Fun 18:3

nu katanya, Akab nafauro Ubadyas, tagfangguna sit bale. Ubadyas gfaning fia Yawi.

Alubad. 111:1

Segi Yawi! Gfauseganan au anya sas fagdaul ku amatanganan sit matuyan fag ngay taw at fagmafulan.

Alubad. 111:10

Nu kaylat o kae fagsafulun, suyui tua Yawi. Ay fagayu tagugali takatanya, saful tua gtogdungug. Kabavn segi anya!

Alubad. 119:14

Nu guseganan au gfaning am ngay foyungan, aksvn yap tua nu gfanagsag au ku ngay ramraman.

Alubad. 119:143

Ngay fagmauriun ay fagidapun andasug sa angku, dewa katanya am ngay suguan nafon tua angku fagmasunun.

Alubad. 119:16

Guseganan ktua ban gugat am ngay foyungan, ay kdi ban kalyam am ngay longan.

Alubad. 119:35

Gubuki angku nu gfaning au am ngay suguan, aroro kanya gfae fagusegananun angku.

Alubad. 119:97

Kesug au am faugali. Nu katanya, fagayu menit gamatangan ktua gugat.

Alubad. 128:1

Mauseganan tua ngay taw tagsuyu Yawi, ay tagbanwan kata at balyawvtan.

Alubad. 145:19

Gfon tuo sa sangay taw tagsuyu emu at ngay fakaylatun, ay gdungug tuo nu guro get gubuk, ay gfalangfe tuo anya fagayu.

Alubad. 147:1

Segi Yawi! Masine nu galubad tam gfauseganan tam Dius. Maylat tua gfauseganan anya.

Alubad. 150:1

Segi Yawi! Segi Dius sit bale. Am tagsis banwa, segi anya sit fagbanwanan at mogat.

Alubad. 40:8

Dius, kaylat au gfaning am fakaylatun. Ay gfasi ktua gugat ku amatanganan am ngay suguan.

Nu Galin 1:21

Aroro kafag dua gfaning tua Dius at fakaylatun, Dius nafon sa anya fagdua at mesa talanan.

Takamoyung 8:12

Sik taw at nasalan sadik sandan ginan, ay dewa yay ngaduge nu gleleg, nasaful au te, amasine yap ban sik taw takalimu tua Dius at fakadasugan.

Isayas 50:10

Sinu am takalimu Yawi ay tagfaning at fagsuguan at ngay foyungan? At masine, afanudi tua sas Yawi dewa am sit madulum fag dalan at yud e yamag.

Lukas 1:50

Ay kanya kafanyu fagayu kasugfunanan tagseg anya.

Ruma 7:22

Sas fagdaul ku amatanganan guseganan au sas Dius at Faugali.

Ruma 8:6

Tagamatangan gugat sabaliwa at bilug at fakaylatun, at fakadasugan ban sa ways fakabulun. Ay tagamatangan tua gugat sabaliwa at Masine fag Falad, kanya ban e leleg tua ay e fagmanabayanun.

Deuterunumyu 28:3

Kanya ban gfaramraman ay ngay furuan ay anggan ay ngay fagtanuman.