Alubad. 11:7 - Fanawbuid tagsibaliwas Fakayabian

⁷ Yawi matuyan tua. Kanya kesug tua ngay taw tagfakamulun at matuyan. Ay fagayu tagugali takatatuy manangalo tua ban anya.

Alubad. 11:7 ပူးပေါင်းရင်းမြစ်များ

Ub 36:7

Kanya di gfabayan ngay taw at matuyan, ay kabavn kanya gfauseganan anya fagayu gasfuan at ngay fun.

Alubad. 146:8

Yawi gfasik taglag ngay yud glag, ay gfabitsug fagayu at kinmomuy, ay kesug fagayu at matuyan.

Alubad. 17:15

Ay au, matuyan ktua, ay lumag au emu. Nu nfulo kwan, lumag au am fagmasineun, ay nu katanya umke fagmanabayanun au.

Alubad. 21:6

Yawi, Tiba Tungud fag Dius, nafon o anya ngay famonun at yud kamin, ay nafamanabayan o anya sim day tigyangan, aroro kanya gafanud tua sa emu. Ay siginan nu mafangesug o, kanya di kataygilid.

Alubad. 33:18

Dewa katanya, Yawi gulit tua fagayu taw tagfaning ay tagafanud te, kanya mafangesug.

Alubad. 33:5

Yawi at fakaylatun at matuyan tua ay kanya tagsaful gfawabilugan. Ay kanya nu mafangesug kalag sas fagdaul daga.

Alubad. 34:15

Yawi gulit tua ngay taw at matuyan ay gdungug tua at ngay darangin.

Alubad. 37:28

Yawi kaylat fagmatuyanun, ay di gfabayan ngay taw at matuyan sa anya. Dewa katanya, at mauri fag ngay taw at sugfun umkalyam wan.

Alubad. 42:5

Wain yay ku fakabaluun ay ku fagafanawaun? Umke fagsegun ktua nangus sa emu. Ku Tagfalangfe fag Dius, gdog kyay gfauseganan emu.

Alubad. 45:7

Kesug tuo fagmatuyanun, ay kauri o at mauri. Nu katanya, Dius nafili emu, ay nafon emu at mauseganan, gtungud tua sam ngay iba.

Alubad. 45:8

Nafatayuk sam ngay lanbung tuluk famaebebanglu tagsaman. Am bale daul masulo ay masine, ay sanya e gfawang fagfawangun laman gfasun emu.

Alubad. 5:12

Nafamanyun o sat ngay matuyan, ay siginan am fakesugun galaga o kanya fagayu, kata sik famalabag.

Alubad. 7:11

Dius wan at matuyan fag tagwabilug, ay kayu menit gfalag at dotama sas fagayu taw tagfakamulun mauri.

Alubad. 7:9

Faragangi wan fagayu taw nu gfakamulun at mauri, ay fae fagmanabayuni sas fagayu at matuyan. O wan at matuyan fag Dius, taginsaful em ngay amatanganan ay em fakaylatun.

Alubad. 99:4

Kanya mabalyanan ay matuyan fag Fun. Nu gfawabilugan, di e fagfili, ay kabavn at fakamulun sas Israel, masine tua ay matuyan.

Fangatulun 15:9

Yawi kauri way nusnga sinu fag taw at fakamulun nu mauri way, dewa katanya, kesug tua nusnga sinu fag taw tagugatan gfakamulun at matuyan.

Isayas 61:8

“Au, Yawi, guseganan ktua at matuyan. Kauri au ngay tagfangkamul ay tagfakamulun at mauri. Ay siginan ku fagmatuyanun, namon kban sa ku ngay taw nusnge wain, ay nangawat kban sa anya fagayu sik nasadian at yud e fakatabuan.

1 Pedru 3:12

Tam Fun at fagdamaun at matuyan tua fag ngay taw, ay kanya masakit nu gdungug at ngay darangin. Dewa katanya, fagayu tagfakamulun at mauri, at fawayan way.”

1 Uan 3:2

Ku ngay fakesugun, katsi Dius tua tam at ngay sisian, ay ya tam fia saful nu setain ban tam. Ay saful tua tam te, gina ban tam Fun Isus andasug, fagayu ban tam kata tua tam anya, aroro lumag ban tam fia anya.

At Nafasure 22:4

Ay kanya ban fagayu lumag at mata, ay marirukan ban sit ngay dangasan Dius at ngayan.