Alubad. 11:4 - Fanawbuid tagsibaliwas Fakayabian

⁴ Yawi gbanwan sit bale, sit faglunggungan sis banwa. Ay kanya ginsaful ngay taw at amatanganan.

Alubad. 11:4 ပူးပေါင်းရင်းမြစ်များ

1 Krunika 17:5

aroro siginan ebi nu gfaduksun au ngay taw Israel siginans talun Igiptu kya batang gbanwan si sik bale at mogat. Ay dasug katsi gadgalinan kway gugat sa sangay bale ramit.

2 Krunika 16:9

Aroro Yawi gdama sas fagdaul daga laman gfabitsug ngay taw at matuyan sa anya. Wa matuyan am ngay nafakamulun. Nu katanya, siginan ban katsi namawayan way ban o gugat.”

Ub 24:23

Dius kaylat way kanya fagayu nu gbanwan manabayan, ay aroro mangaro gulit way at ngay fakamulun.

Alubad. 103:19

Yawi nawat at faglunggungan sis banwa, ay gfunan sas fagayu.

Alubad. 113:5

Sinu at mafasud Yawi tam Dius? Kanya malunggung sit mabalyanan fag fagmalunggungan sis banwa,

Alubad. 139:23

Ku Dius, damai tua gugat angku, ay insafuli tua gugat ku amatanganan. Faskudi angku ay asafuli ku ngay fagafanawaun.

Alubad. 14:2

Siginans banwa Yawi gdama te, o e ngay taw yay tagtogdungug ay tagrvbvy yay anya.

Alubad. 18:6

Gina au e fagafanawaun, nauro au sas Yawi ku Dius te, “Gubuki angku!” Ku darangin andasug sat bale, ay nadungug tua angku.

Alubad. 2:4

Dewa katanya, Fun Dius at malunggung sis banwa kase gfalingun kafag ngay taw at ngay algan.

Alubad. 33:13

Siginans banwa, Yawi glag way fagayu taw.

Alubad. 44:21

o wa ro wo saful? At matuyan, saful way o dewa ngay taw at fagsuksukun sit amatanganan.

Alubad. 66:7

Siginan at fagmabalyananun, kanya gfunan kabavn ban. Ay kanya gdama gugat ngay talun. Nu katanya, lag e kamabo anya.

Alubad. 9:11

Alubadi useganani sas Yawi, Erusalem at fun! Ay foyungi sa sangay talun at taw at ngay fakamulun!

Fangatulun 15:3

Yawi glag way nusnga nday fag talun, ay glag yangay at mauri ay at masine fag ngay taw at fakamulun.

Isayas 66:1

Katatuy Yawi at longan: “Banwa ku faglunggungan, ay fagdaul daga ku fagsiadan. Nu katanya, tain ban ay fagnangawatun fag bale laman sa angku? Ay dada ban fag furuan nu namafiangalay am angku?

Eremyas 17:10

Dewa katanya, au Yawi, saful kway taw at basad ay at amatanganan. Namakamulun kban sas galay sik taw kata at ugali ay at nafakamulun.

Eremyas 23:24

We taw masuksuan angku dewa snga nday fag furuan at masuksuk. O nunda wam saful te, si au sbanwa, ay sis daga ay nusnga nday? Au, Yawi, taglong tuy.

Mikas 1:2

Fagayu am tagbanwan sas fagdaul daga, dungugani. Aroro Fun Dius Yawi nangaringang sabaliwa ayu siginan at Bale yud e malong.

Abakuk 2:20

Dewa katanya, Yawi gbanwan sit bale at yud e malong. Nu katanya, fagayu taw sas fagdaul daga maragangani sit daga salubangan.”

Sakaryas 2:13

“Fagayu am maragangani sis Yawi at daga salubangan, aroro kanya kadasug siginan at fagbanwanan at yud e malong.”

Mateu 23:21

Ay nusnga sinu tagfatuyan at longan nu sa way baliwa Dius at bale, at masuad kanya gfatuyan sas Dius at bale ay anggan sas Dius, aroro kanya gbanwan sanya.

Mateu 5:34

Ay katsi glong au ayu te, nu gfatuyanan am, lag gfaksvn ay longan. Lag sak glong te, ‘In yay banwa,’ aroro banwa Dius wan at faglunggungan.

Fakamulun 7:49

‘Tam Fun glong te, Banwa ku faglunggungan ay daga ku darafa at fagsiadan. Nu katanya, setain fag bale am fagnangawatun laman sa angku? Ay inda nunda at masine ku fagfiangalayan?

2 Tesalunika 2:4

Kanya ban kamatungudun sas fagayu fagsegan, ay gsakbo sas Dius at bale ay malunggung sanya ay gfoyung te, “Au wan Dius.”

Ebreu 4:13

We taw masuksuk sas Dius. Aroro fagayu nusnge wain masure way sa anya, ay kanya glag way fagayu. Ay sa ban anya nu namoyung tam tam ngay nafakamulun.

At Nafasure 4:2

Ay arodi at Masine fag Falad antayuk sa angku, ay nalag au sis banwa sik fanfun fag faglunggungan ay at malunggung sanya.