Alubad. 103:7 - Fanawbuid tagsibaliwas Fakayabian

⁷ Kanya nafoyung sas Muisis ngay balyawvtan, ay nafalag sa sangay taw Israel at ngay fakamulun.

Alubad. 103:7 ပူးပေါင်းရင်းမြစ်များ

Nemyas 9:14

Nafoyung o sa anya fagayu sabaliwa at fakamulun sis Famiangalay fag Menit. Ay siginan am fagsuguan Muisis, nasugu o anya fagayu te, faningi am ngay suguan, am ngay foyungan, ay am ngay faugali.

Alubad. 111:6

Kanya nafalag at fagmabalyananun sat ngay taw, siginan at ngay fakamulun, ay siginan nu gfon sa anya fagayu tibak talun at taw at ngay daga.

Alubad. 147:19

Yawi nalong at ngay longan ay anggan at ngay faugali sas Akub at ngay kasugfunanan fag ngay taw Israel.

Alubad. 77:20

Nataban o am ngay taw kata sik tagalaga tupa, ay nafili o Muisis ay Arun laman tagfangguna.

Alubad. 78:11

Ay kanya fagayu wa namatang Dius at nafakamulun fag ngay madulo.

Alubad. 78:5

Kanya nafon at suguan sa sangay taw Israel, Akub at ngay kasugfunanan, ay nasugu yangay sa tam ngay mangaguyang te, foyungi sat ngay sisian,

Alubad. 99:7

Yawi gina sis linyabu takata sik turuk, nafakamatoan at ngay taw, ay kanya fagayu nafaning at ngay faugali ay at ngay longan.

Nu Galin 19:20

Yawi andaga ay nasas tungud Buksul Sinay, ay nauro Muisis laman gundaud sas tungud buksul. Ay Muisis naundaud.

Nu Galin 19:8

Ay fagayu taw gasfuan gbalus te, “Gfaning ban mi Yawi at ngay longan.” Ay sanya ginan Muisis nalong sas Yawi ngay taw at famalus.

Nu Galin 20:21

Ngay taw malindug sis fagngayayuan kaduge Muisis nangakbang sat madamvl fag linyabu nu inda Dius.

Nu Galin 33:13

Nu mafanud tua te, guseganan o angku, foyungi sa angku ku fakamulun laman gtoglag au emu ay laman gtaglayun nu guseganan o angku. Amatangani te, tuy fag furuan am ngay taw.”

Tap 12:7

Dewa katanya, di katanya nu gfakamatoan au ku fagsuguan Muisis, takamangguna ku ngay taw.

Deuterunumyu 34:10

Siginan ginanya, we takamoyung ya sas Israel at mafakamatoan Yawi, kata Muisis,