Alubad. 103:5 - Fanawbuid tagsibaliwas Fakayabian

⁵ Kanya nafon yangay sa angku fagayu nusnge wain at masine, nu katanya, ku ngay fakaylatun anfasludan. Ay kaduge au gleleg, kata ktua gugat sik mabaguama, ay mabitsug ktua gugat kata sik bio.

Alubad. 103:5 ပူးပေါင်းရင်းမြစ်များ

Ub 33:25

Nu katanya tua, umfoli ban at fagmabitsugun, ay at bilug umkata yay gina mabaguama.

Alubad. 104:28

Gfon o ngay fakonun, ay kanya fagayu kon ay kapsug.

Alubad. 107:9

Kanya nafainum tua takadanum ay nafon tua sa takalunus at mayayum fag ngay fakonun.

Alubad. 23:5

Gfafalganan o laman sa angku sik yafun daul si ku ngay fawayan at salubangan. Ay naugwag o sa ku alfuyu langis, laman famatoglag te, kaylat tuo ay guseganan angku. Ay ku taya at bilug gsawe tua gugat.

Alubad. 63:5

Guseganan au kata sik taw at napsug at mataba fag ngay fakonun. Ay gfauseganan au emu, siginan sik ngay alubad at mauseganan.

Alubad. 65:4

Mauseganan am nafili fag ngay taw, ay am nataban sam bale laman namanwan. Nafon o emi at masine ay at kasakan nusnga setaw sim bale.

Isayas 40:31

ay dewa katanya, fagayu tagafanud sas Yawi gdog yay fia umke fagmabitsugun. Kanya fagayu glayug tua kata sik bio. Dewa gtarung, wa kalufuy, ay dewa glao, wa kamomuy.

Usea 2:15

Nu nfoli ban mi, gdog au namafoli sa anya at ngay tanuman, ay datag Akur, nangawat au sik sakbawan tagfon fagsegun. Ay kanya ban gbalus angku kata at nafakamulun ebi, gina au gfalfas anya siginans talun Igiptu.”

2 Kurintu. 4:16

Nu katanya, di kamomuy em amatanganan. Ay em bilug dewa garimanan wan kamomuy, kayu menit kabitsug tua em amatanganan.

1 Timuteu 6:17

Foyungi sat ngay maramraman at ke fagagbilugun nusnge wain ste swa daga te, lag kamatungudun, ay lag gseg takatabu fag ramraman, nu bunway segi tua Dius tagfon antam tam fagayudanun yud e fakatabuan, tagfae fagusegananun antam.

Uswe 14:11

dewa katanya, ku fagmabitsugun kata yay gugat ebi gina Muisis gsugu angku. Dasug katsi makatu kyay fia gfawayan.