Alubad. 103:4 - Fanawbuid tagsibaliwas Fakayabian

⁴ Kanya nafalangfe angku siginans fakabulun, ay nafalag sa angku te, mafangesug ay mafangafanyu.

Alubad. 103:4 ပူးပေါင်းရင်းမြစ်များ

Fakasigadan 48:16

Ay tagbarita at nafalangfe angku sas fagayu fagidapun, ggubuk yangay ban nangus tuy fag duak sisian. Nangus e gamatang tua ban gugat ku ngayan ay anggan ku ngay mangaguyang Abrayam ay Isak at ngay ngayan siginan kafag duksay. Nangus kanya ban fagdua umkayu yay ste swa daga.”

Alubad. 103:12

Ay nu seyayu fakamenitan sas fakayabian, katanya yangay nu gfayayu antam siginan tam ngay asalanan.

Alubad. 21:3

Ay ankakbang tuo anya, ay nafon at fagmasineun, ay nafasangboan o anya sik sangbo at mawatan siginan at yud e suglat fag gintu.

Alubad. 34:22

Dewa katanya, Yawi gfalangfe tua at ngay fagsuguan, ay nusdi sadi di e gafaurianan tagsarirung si anya.

Alubad. 5:12

Nafamanyun o sat ngay matuyan, ay siginan am fakesugun galaga o kanya fagayu, kata sik famalabag.

Alubad. 56:13

aroro nafalangfe tuo angku siginans fakabulun ay sas fakataidun. Nu katanya, manamanwan au sam day tigyangan, ay sam fagmayamagun tagfon leleg.

Alubad. 65:11

Kayu banwa, gfayu o gutluan. Nusnga nday o, ngayu at faggutluun.

Alubad. 71:23

Aroro nafalangfe tuo angku, guro au guseganan kaduge au galubad sa emu.

Alubad. 8:5

Nawat o anya sit daga vtv ngay tagbarita, ay nafon o anya fagmabalyananun kata nu gfon o sa sik fun.

Isayas 38:17

Matuyan wan, ku nadalan fag fagidapun anke fanambagun sa angku. Aroro nesug tuo angku, nafalangfe tuo angku siginans faurianan ay nafalyam tuo ku ngay asalanan.

Isayas 54:8

Nu katanya, sik buknga sirut naubun au emu aroro ankuri au emu. Ay dewa katanya, anfanyu ktua emu, aroro nu mafangesug au, di e fakatabuan. Au, Yawi, taglong tuy.

Santiagu 1:12

Mauseganan sik taw tagagwanta dewa ngayu at famaskud sa anya, aroro nu ntabu nu gafaskudan, mul sik famonun, leleg at yud e fakatabuan, Dius at nafatuyanan sas fagayu takesug anya.

1 Pedru 5:4

Ay nu ndasug ban Tiba Tungud fag Tagalaga tupa, kanya namauseganan ayu kabavn ban.

At Nafasure 5:9

Ay kanya fagayu galubad sik bagu fag alubad te, “O wan at masine gbul at mafabilugan fag fafil ay at malusi kafag ngay fandafut. Aroro anbul o, ay siginan am taguk nabayad o ngay taw laman sas Dius, siginans fagayu kasugfunanan, ay fagayu fangaringang, ay fagayu gaban taw, ay fagayu talun.