Alubad. 103:3 - Fanawbuid tagsibaliwas Fakayabian

³ Kanya nafalyam tua fagayu ku asalanan, ay nafafia fagayu ku fakasaitun.

Alubad. 103:3 ပူးပေါင်းရင်းမြစ်များ

2 Samwel 12:13

Nu katanya, Dabid nalong sas Natan te, “Anke asalanan au sas Yawi.” Ay Natan nabalus anya te, “Yawi nafalyam wan am ngay asalanan ay di ban o kabul.

Alubad. 130:4

Dewa katanya, nafalyam tuo em ngay asalanan, laman gsuyu tuami emu.

Alubad. 130:8

Kanya tua at mafalangfe ayu siginan ay ngay asalanan.

Alubad. 147:3

Kanya ban gfasun fagayu takabalu. Ay gsifig ngay taw at bangbang laman gfafia.

Alubad. 30:2

Yawi, ku Dius, naet au sa emu gubuk. Ay nafafia tuo angku.

Alubad. 41:8

“Maksvn wan kanya at fakasaitun, wa ban kafia ya.”

Alubad. 86:5

Fun Dius, kabavn matuyan tuo. Ay mafalganan yangay o gfalyam ngay taw at asalanan, ay mafangesug tuo sas fagayu taget sa emu gubuk.

Nu Galin 15:26

“Au ay Dius Yawi. Nu gfaning tua ban am angku sas fagdaul ay amatanganan, ay nu gfakamulun tua ban am at masine sa ku daga salubangan, ay nu gfaning tua ban am fagayu ku suguan ayu ay ku faugali, kwa ban gfadasug sa ayu ngay fakasaitun kata ku nafadasug sa sangay taw Igiptu aroro au Yawi ay tagfafia.”

Nu Galin 34:7

Gfalag au ku fakesugun sas ngayuk taw, ay gfalyam au at ngay fagmauriun, at fagyudun gfaning ay at ngay asalanan, dewa katanya, gfaurianan kban ke ngay asalanan anggan at ngay sisian ay at ngay fufu anggan sas fatulu ay faufatk kasugfunanan.”

Isayas 33:24

Sis Erusalem wa ban e glong te, “E fakasaitun au.” Ay Dius ban gfalyam wan tagsanya at ngay asalanan.

Isayas 38:17

Matuyan wan, ku nadalan fag fagidapun anke fanambagun sa angku. Aroro nesug tuo angku, nafalangfe tuo angku siginans faurianan ay nafalyam tuo ku ngay asalanan.

Isayas 43:25

Au at nafalyam am ngay asalanan laman sa angku, ay kwa ban gamatangan ya.

Isayas 53:5

At matuyan, siginan tam fakamaboun kanya anke fakarukan, ay kanya nafalangan aroro sa tam fagmauriun. At nadalan wan fag fagidapun at nafae fagmasineun antam, ay siginan at faginke fakarukan anfia tua tam.

Eremyas 17:14

Yawi, o way lang at mafafia ay at mafalangfe angku. Ay o way lang ku fagfausegananun.

Tap 12:13

Nu katanya, Muisis nafainfanyuan sas Yawi te, “Ku Dius, gfainfanyuan au sa emu te, fafiai yap ku faduksay Miryam.”

Markus 2:5

Ay Isus nu nalag kafag ngay taw at fagafanudun, nalong sanya fag taw at yud malelegan te, “Sama, nalyam wan am ngay asalanan.”

Efesu 1:7

Siginan tam Fun Isus at taguk, anlangfe tam, ay nalyam wan tam ngay asalanan. Nu katanya, Dius nafon sa antam at maksvn fag fagmagalangun,

Santiagu 5:15

Ay sik tagdarangin, nu gafanud tua, umfia at ke fakasaitun, ay tam Fun gfabitsug anya ay gfalyam at asalanan.