Alubad. 101:3 - Fanawbuid tagsibaliwas Fakayabian

³ Kwa kaylat glag fagayu at yud e tungkul, ay kauri au fakamuagun, ay gsaruy au fagayu takatanya.

Alubad. 101:3 ပူးပေါင်းရင်းမြစ်များ

Ub 31:1

Ay nafatuyanan au sa ku sadili te, dewa au nadama sa sik baguina, kwa ro galabian anya.

Alubad. 119:113

Kauri au ngay taw at yud matuyan sa emu, dewa katanya, kdi kalyam am faugali.

Alubad. 119:37

Gubuki angku laman kdi gdama fagayu at yud e tungkul, ay fabitsugi angku kata am fatuyanan.

Alubad. 125:5

Dewa katanya, aiyani wan am ngay taw takamabo, kata sik taw at nalao sat mabaraud fag dalan. Ay fagamuti anya sa sangay taw tagfakamulun at mauri. Israel, sumawa nangus fia emu fagmanabayanun!

Alubad. 139:22

Maksvn nu kauri au anya fagayu, ay gtuyan au te, kanya fagayu ku ngay fawayan.

Alubad. 14:3

Dewa katanya, we matuyan ya! Fagayu taw maksvn at asalanan, ay nasaruy wan at matuyan fag dalan. Ay nusdi sadi, we gfakamulun ya at masine.

Alubad. 36:3

Ay at longan fagayu mauri ay kamuag. Kanya wa gamatangan ya gfakamulun sabaliwa at masine ay ke fagsafulun.

Alubad. 39:1

Nalong au sa ku sadili te, “Nangugatan au nandiri ku ugali, ay nangagwanta au laman di au glong at mauri. Ay kwa garingang gina au munakbang sit mauri fag ngay taw.”

Alubad. 40:4

Mauseganan sik taw nu gafanud tua sas Yawi, ay nu ddi nangakbang ya sa sangay takamatungudun, ay nu ddi gfaning tibak taw tagseg at yud matuyan fag ngay fagsegan.

Alubad. 41:9

Ay dewa ku fagadgalangan fia ay tagfasfuan angku gfangon ay ku fagananadun gugat, ankuri ay natalyuyan wa angku.

Alubad. 78:41

Kanya fagayu gfataglayun nu gfaskud ay nu gfadotama Israel at Dius yud e Malong.

Alubad. 78:57

Kanya fagayu natalyuyan ay nafamabo Dius, ay kanya fagayu kata at ngay mangaguyang at yud e tungkul ya, ay at kinkata sik godun at yud katon ya.

Alubad. 97:10

Am fag ngay taw takesug Yawi, aurii tua fagmauriun! Kanya gdiri at ngay taw, ay gfalangfe siginan at mauri fag ngay taw.

Nu Galin 20:17

Lag am galabian ay iba at bale, ay at mangena, ay at ngay fagsuguan, ay at ngay fagbaugun, ay nusnga setaw at fagagbilugun.”

Nu Galin 32:8

Kanya fagayu masakit kalyam ku ngay suguan, ay nawat sik fagsegan baka riangan, ay gseg anya ay gfon at ngay fanggalangun, ay glong te, ‘Tuy tam dius at nataban antam siginans talun Igiptu.’ ”

Fangatulun 6:12

At yud e tungkul ay at mauri fag taw at ngay nalong, fakamuagun way lang.

Fangatulun 6:13

Ay kanya gligbat ayu sirut, ay gyafe at ngay daluap, ay gfatungtung ayu sirut at darafa, laman gfaylatan at ngay iba.

Fangatulun 6:25

Lag o gafaylatan at kasinean, ay lag o gatabanan sat ngay famaylatanun.

Fangatulun 8:13

Sik taw tagsuyu Yawi, di gfakamulun sas fagmauriun. Ay kauri au takamabo ay takamatungudun, ay takamuag ay fagayu tagugali at mauri.

Takamoyung 6:9

Duan, we masuad! Kata way nu nafafalo tagmara! Nu katanya, useganani wan nusnge wain tagsi emu, abat ngate o gamatangan gugat ngay nusnge wain yud e si emu.

Isayas 30:11

Saruyani wan siginan em dalan. Lag gsalag emi. Lag gfoyung emi sabaliwas Israel at Dius at yud e Malong.’ ”

Isayas 33:15

At manamanwan sas Dius at salubangan, tagfakamulun tua at masine ay at yud kamuag, ay at yud galabian salapi, ay at yud get sik famayad. Ay at yud gfadiuganan tiba nu gfabul tibak taw, ay at yud gfakamulun fagayu nusnge wain at mauri.

Eremyas 22:17

Dewa katanya, kabavn emu am fakaylatun gfandaya way o, ay namabul at yud e asalanan, ay nanfamalingun, ay namakamulun at mauri.

Mikas 2:2

Ay gago am ay fagalabianun fag ngay daga ay fag ngay bale. Ay kamuag am sa sangay taw laman magbilug am at ngay bale ay at ngay ramraman.

Sakaryas 8:17

Lag am gamatangan sa ay ngay iba at mauri, ay lag am glong at yud matuyan aroro kanya wa masine sa angku.”

Mateu 5:28

Ay katsi glong au ayu te, nusnga sinu fag mangama nu nadama sik mangena ay anke algan mauri sa anya, sat amatanganan gfanugtug wan.

Ruma 12:9

Matuyani tua nu kedkesugan am. Aurii at mauri, ay esugi at masine.

Galasya 4:9

Ay katsi natoglag tuam Dius, ay at mafanud, Dius tua at natoglag ayu laman at ngay sisian. Nu katanya, wain ay fagfaningun yay ngay foyungan at yud e tungkul ay at yud e fanambagun? Wain ay fakaylatun yay nangafagsuguanan takatanya fagayu?

Deuterunumyu 13:17

Lag am gsuksuk nusnga setaw fag fagagbilugun sanya ginan fag furuan at nafalganan laman nangiklas. Nu gfaning tua ban am takatanya, Yawi ban gfalyam wan at maksvn fag dotama, ay kanya ban kafanyu tua ayu, ay gfayu ban ayu kata at fatuyanan sa ay ngay mangaguyang.

Deuterunumyu 15:9

Lag am gamatangan at mauri aroro munakbang wan at fafituk banwa nu gfalyam ngay bedan ay wam gfabedan ya sa ay ngay ibama tagidapan. Kanya ban fag ngay tagidapan nu naet way sa angku aroro sa ay nafakamulun, am ban at ke malong.

Ebreu 10:39

Ay itam di tam katap sa sangay taw at natalyuyan ay tagafaurianan ban, nu bunway katap tua tam sa sangay taw tagafanud sas Dius ay at kumlangfe.

Uswe 23:6

“Faksvni ay amatanganan, ay faningi fia ngay suguan ay faugali sis Muisis at nariruk fag fafil. Lag am gsaruy.

2 Pedru 2:21

Amasine yap kafag ngay taw nu ddi ngap nasaful dalan tagsas fagmatuyanun, ay abandi ngap kanya nu gubun way at matuyan fag suguan at nafoyung sa anya.

1 Uan 2:19

Ebi, kafag ngay tagfawayan tam Fun Isus magamut tua antam, ay katsi naubun wan antam. Kanya fagayu bunwa fia tam ibama, aroro nu tam ibama di, masadi tua ro tam nangus gugat. Ay kanya naubun way antam, sik famasaful te, kanya fagayu bunwa tam ibama.

1 Samwel 15:11

“Nanuran au ku nafilian Saul laman sik fun. Aroro kanya natalyuyan angku ay wa nafaning ku ngay suguan.” Samwel nu nadungug takatanya, kanya maksvn nu gafanawa, ay gdarangin sas Yawi fagngabak yabi.