Alubad. 101:2 - Fanawbuid tagsibaliwas Fakayabian

² Ay dewa kban si ku bale, nangugatan au namakamulun at matuyan. Yawi, ginain ya ban nu kadasug o sa angku?

Alubad. 101:2 ပူးပေါင်းရင်းမြစ်များ

Fakasigadan 18:19

Nafili au anya laman namafasludan sat ngay sisian ay sat kasugfunanan ku balyawvtan laman gfakamulun at matuyan ay at mafanud. Nu katanya, umfasludan ban ku ngay fatuyanan sa anya.”

2 Samwel 8:15

Dabid nafunan fagdaul talun Israel ay nafakamulun at matuyan ay at maylat sas fagayu taw.

1 Fun 11:4

Sulumun nu mafufuama wan, at ngay mangena nataban anya laman nanseg tibak fagsegan, ay kanya wa nakata at mama Dabid at matuyan tua sat Dius Yawi, sas fagdaul at amatanganan.

1 Fun 9:4

Ay nu matuyan tua ban o gfaning angku kata am mama Dabid, ay nu gfakamulun tua ban o fagayu ku suguan emu, ay gfafasludan ku ngay foyungan ay ku fon emu fag ngay fagaloan,

2 Krunika 15:17

Ay Asa deyud naiklas ngay fagnansegan sa tangabat fag ngay buknga, kaduge kanya gleleg matuyan tua gugat sas Dius.

2 Krunika 30:12

Dius nafamatangan yangay ngay taw Uda, laman namakamulun yangay fun ay at ngay tagfangguna at suguan kata Yawi at suguan.

Alubad. 101:6

Gfili kban at matuyan fag ngay taw laman ban ku faudgufudan, ay kanya ban fagayu ku ngay tagfakamulun yangay.

Alubad. 119:106

Gfafasludan au ku fatuyanan sa emu te, gfaning au am ngay faugali.

Alubad. 119:115

Am fag ngay taw tagfakamulun at mauri, ayayui angku, laman mafaning ktua ku Dius at ngay suguan.

Alubad. 26:11

Dewa katanya, au kdi e suksukan ya asalanan. Nu katanya, afanyui ay falangfei angku.

Alubad. 40:17

Ku Fun, aroro sik yud kway e kwa, ay sik tagayudan, amatangi tua nangus gugat angku. O wan ku taggubuk, ay o yangay ku tagfalangfe. Ku Dius, katsi gubuki wa angku.

Nu Galin 20:24

“Nangawat am sik fagirugan fanggalangun mawatan siginans lutuk laman sa angku, ay stie ban nu nangirug am ay ngay fanggalangun fag ngay tupa, kambing ay ay ngay baka laman ay fagirugun fag fanggalangun, ay fanggalangun laman sas fagmanabayanun. Namakamulun am tuy sa ku nafili fag buknga ay fagnansegan sa angku, ay nanlag au ayu sanya, ay namon au sa ayu nusnge wain.

Isayas 38:3

“Yawi, amatangani tua ku ngay nafakamulun at matuyan, ay nasaful wo te, fagdaul ku amatanganan nafaning ktua emu, ay fagdaul ku nafakamulun masine tua sa emu.” Ay kanya gwayway maksvn.

Deuterunumyu 6:7

Foyungi ban sa ay ngay sisian. Ay longi ban gugat gina am si ay bale ay gina am glao, ay gina am nantiug, ay gina am anfulo.

Uswe 24:15

Dewa katanya, wayam kaylat gfakamulun sas Yawi, katsi fag menit filii nusnga sinu ay fagnamausegananun. O namakamulun am sa ay ngay mangaguyang at ngay fagsegan sis dife Liskung Eufrates, o ay mannga sa sangay taw Amur at fagsegan sanya fag talun ay fagbanwanan katsi? Dewa katanya, au ay ku kalongan namakamulun ami sas Yawi.”

1 Samwel 22:14

Ay Akimelek nalong sas Saul te, “Aroro nasaful au te, Dabid am nugang ay am fagsuguan at matuyan sa emu. Nustua kanya wan am nafili laman am tagulit, ay fagayu am ngay kalongan gsuyu tua anya.