Alubad. 100:3 - Fanawbuid tagsibaliwas Fakayabian

³ Asafuli te, Yawi wan tam Dius. Sia wan at nawat antam, ay itam wan at ngay taw. Kanya gulit antam kata ngay fagbaugun sis fagfafangonan.

Alubad. 100:3 ပူးပေါင်းရင်းမြစ်များ

2 Fun 19:19

Nu katanya, Yawi em Dius, falangfei emi siginan Asirya at daluap, laman fagdaul daga at ngay taw sumaful te, o way lang Dius.”

1 Krunika 16:14

Sia wan Yawi tam Dius. Ay kanya wan fagdaul daga at fun.

Ub 10:3

O guseganan way o gfaidapan angku? Wain ro am fagaiyanun am nawat, ay gfadiuganan at mauri fag ngay taw at algan?

Alubad. 119:73

Am ngay daluap nawat ay nafaksvn angku, ay nafon o angku fagmayamagun laman sumaful au am ngay suguan.

Alubad. 12:4

Ay kanya fagayu glong te, “Siginan tam aringang, mafabul tam nusnga setaw tam fakaylatun, ay gbabo tam, ay we taw mafaragang antam.”

Alubad. 149:2

Ngay taw Israel, useganani sa ay Takawat, Ay am fag ngay taw tagbanwan sis Siun, useganani sa ay Fun Dius.

Alubad. 46:10

Ay Dius glong te, “Maragangani way, ay asafuli te, au wan Dius. Ay ngay talun at taw sas fagdaul daga gfauseganan angku.”

Alubad. 78:52

Sanya ginan, kanya nafaduksun at ngay taw siginans Igiptu, ay nalaga kata sik ngay tupa sit yud e taw fag talun.

Alubad. 79:13

Gina ban o nabalus emi, am nafili fag ngay taw, kata ngay tupa sim fagnamafangonan, gfauseganan ban mi gugat emu, ay anggan ban sat fadogan em ngay kasugfunanan dumungug yangay sabaliwa emu.

Alubad. 95:3

Aroro Yawi wan at mabalyanan fag Dius. Ay sia tua at mabalyanan fag Fun sas fagayu fagsegan.

Nu Galin 6:7

Ay nafili au ayu laman ku ngay taw, ay au wan ay Dius. Ay sumaful am te, au Yawi at nafalfas ayu siginan nu gafagsuguanan am ngay taw Igiptu.

Takamoyung 12:1

Gina yay o masisian amatangi tua at nawat emu, ay gina yud andasug at maidap nu glong o te, “Wa manabayan ya nu gleleg au.”

Isayas 63:11

Ay dewa katanya at ngay taw namatang at kinlangfe fag ngay menit, gina Muisis gtaban anya fagayu siginans talun Igiptu. Ay kanya fagayu nainto te, “Dada wan Yawi at nafadife antam sis dagat gasfuan tam tagfangguna Muisis takata sik tagulit tupa? Dada wan Yawi at nafon antam At Masine fag Falad?

Isayas 63:19

Siginan ebi o wan tagagbilug emi, ay dewa katanya natuyan o emi te, bunwa am fagagbilugun, ay kata way nu yud o gfangguna emi.

Isayas 64:7

Nusdi sadi si emi we nangakbang sa emu ay gugatan nanted emu, aroro anyayu wo emi, ay nafabayan wo nu kabul ami aroro sa em ngay asalanan.

Eremyas 10:10

Yawi way lang at matuyan ay tagleleg fag Dius, ay at yud e fakatabuan fag Fun. Ay kanya nu ndotama, fagdaul daga guigan ay we taw magwanta.

Esekyel 34:11

“Au, Fun Dius Yawi, glong au te, nanrvbvy kban ay nangalaga ku ngay tupa.

Uan 17:3

Katatuy sik taw nu e leleg at yud e fakatabuan: nu natoglag emu te, o wan at matuyan fag Dius, ay nu natoglag yangay angku am nasugu, Isus, am nafili fag Fun.

2 Kurintu. 4:6

Aroro Dius wan at nalong te, “E yamagi sasad madulum,” ay kanya yangay tagfayamag tam amatanganan laman tumoglag tam at fagmabalyananun at kinsure siginan tam Fun Isus.

Efesu 2:10

Dius nawat antam. Ay siginan tam fagmasadiun sa tam Fun Isus, ankawat tam laman gfakamulun tam at masine. Dius nafalganan takatanya sa antam siginan yay ebi taguna.

Deuterunumyu 32:15

Ngay taw Israel ansik ngay maramraman oma, dewa katanya, kanya fagayu nafamabo. Ay kanya fagayu antaglu oma ay anbitsug, dewa katanya, natalyuyan Dius at nawat anya fagayu, ay nafamabo at tagfalangfe.

Deuterunumyu 32:6

Ngay taw at yud e fagsafulun, o nunda ban katanya way ay famafoli sas Yawi? O nunda bunwa sia ay Mama at nawat ayu, ay at nafasik gaban ayu?

Deuterunumyu 4:35

Nafasure sa ayu nusnge wain laman sumaful am te, Yawi wan at matuyan fag Dius, ay we tiba ya.

Deuterunumyu 4:39

Nu katanya, toglagi katsi fag menit ay amatangani te, Yawi way lang banwa ay daga at Dius.

Deuterunumyu 7:9

Amatangani te, ay Dius Yawi sadi way. Kanya matuyan ay gfafasludan at ngay nasadian sa sangay kasugfunanan takesug anya ay tagfaning at ngay suguan.

1 Pedru 2:25

Ebi kata am sik ngay tupa at malyaman, dewa katanya, kanya nafafoli yay ayu sa tam Fun Tagalaga ayu.

1 Pedru 2:9

Dewa katanya, am sik nafili tuam fag ngay taw, ay tam Fun tuam at ngay tagfon fanggalangun, ay sik furuan at mafasamanan laman sas Dius. Dius nafili ayu laman gfoyung am at nafakamulun fag ngay madulo. Ay nauro yangay ayu siginan sad fagmadulumun laman glo am sat fagmayamagun at maksvn nu madulo.

1 Pedru 4:19

Nu katanya, anggan am at ngay tagagwantan at maidap kata Dius at fakaylatun, fatigwanani ay sadili sas Dius, at Nawat ayu. Ay fataglayuni nu gfakamulun am at masine.

1 Uan 5:20

Ay nasaful yangay tam te, Dius at Baguama andasug ay nafon sa antam fagsafulun, laman sumaful tam at Matuyan. Ay katsi gbanwan tua tam sit Matuyan aroro gbanwan tua tam sit Baguama Isus tam Fun, aroro sia wan at matuyan fag Dius ay leleg at yud e fakatabuan.