Alubad. 100:2 - Fanawbuid tagsibaliwas Fakayabian

² Useganani ay segi anya. Ay akbangi alubadi ke fagusegananun.

Alubad. 100:2 ပူးပေါင်းရင်းမြစ်များ

1 Fun 8:66

Balabag di, Sulumun nafauli wan kafag ngay taw. Kafag ngay taw get sas Dius te, “Fadantei em fun.” Ay kanya fagayu guseganan guli ay masine at ngay amatanganan aroro sas Yawi at nafakamulun fagayu at masine sat fagsuguan Dabid ay sat ngay taw Israel.

2 Krunika 29:30

Ay fun Esekyas ay at ngay tagfangguna nasugu ngay taw Lebi laman gfauseganan Yawi, siginan nu galubad fun Dabid ay Asaf fag taglong at nawat fag ngay alubad. Nu katanya, kanya fagayu galubad famauseganan fag ngay alubad kaduge garungan gseg Dius.

2 Krunika 31:2

Ay Esekyas nafud ngay tagfon fanggalangun ay ngay taw Lebi, laman kanya fagayu namakamulun at ngay mesa fakamulun sis Yawi at bale, laman namon ngay fagirugun fag ngay fanggalangun, ay ngay fanggalangun laman sas fagmanabayanun, ay laman nangalubad guseganan sis Yawi at bale at ngay sakbawan.

Alubad. 42:4

Gidapan au gamatangan nu namatang kway ebi gina au gfangguna ngayuk taw taglao sam bale, laman nangalubad ami nanseg ay nangudguroan namauseganan emu.

Alubad. 71:23

Aroro nafalangfe tuo angku, guro au guseganan kaduge au galubad sa emu.

Alubad. 95:2

Anud, nangakbang watam sit daga salubangan laman guro gfauseganan.

Deuterunumyu 12:12

Ay nu nanguseganan ban am sa tuam ay Dius Yawi at daga salubangan, gasfuan ay ngay sisian, ay ngay fagsuguan, ay anggan ngay taw Lebi tagbanwan si ay ngay furuan, at yud e afud daga.

Deuterunumyu 16:11

Ay nanguseganan am sa ay Dius Yawi at daga salubangan, sit nafili fag buknga nu inda nu gfauseganan am anya, gasfuan ay ngay sisian, ay ngay fagsuguan, ay ngay taw Lebi tagbanwan si ay ngay furuan, ngay betaw, at yud e fagtainan ya, ay anggan ngay fagbubayun tagbanwan si ay furuan.

Deuterunumyu 16:14

Nanguseganan am gasfuan ay ngay sisian, ay ngay fagsuguan, ngay taw Lebi, ngay betaw, at yud e fagtainan ya, ay ngay fagbubayun tagbanwan si ay furuan.

Deuterunumyu 28:47

Aroro wam nauseganan nafakamulun sa ay Dius Yawi gina am maramraman,

Filipus 4:4

Kabavn useganani sa tam Fun. Gdog au glong te, useganani!