Alubad. 10:4 - Fanawbuid tagsibaliwas Fakayabian

⁴ Ay aroro kanya fagayu kamatungudun, wa kaylat nangakbang sas Yawi, ay wa gamatangan ya sa baliwas Dius.

Alubad. 10:4 ပူးပေါင်းရင်းမြစ်များ

Fakasigadan 6:5

Yawi nu nalag fagdaul daga at ngay taw at fakamulun ay anggan at ngay amatanganan nu mauri,

Ub 22:17

Kanya fagayu glong sat Mabalyanan fag Dius te, ‘Fabayani way lang emi. Nataw ro am fagmafakamulunun sa emi?’

Alubad. 101:5

Gfaurianan au ngay taw taglong mauri sabaliwa at ngay iba. Ay kwa manabayan gbanwan magamut ngay taw takamatungudun.

Alubad. 18:27

Ay gfalangfe tuo takamababaun, dewa katanya, gfababa o takamatungudun fag ngay taw.

Alubad. 27:8

Yawi, nalong o te, “Rvbvyi angku,” nu katanya sa ku amatanganan grvbvy au gugat emu.

Alubad. 36:1

Asalanan gfamatangan gugat at mauri fag ngay taw; kanya fagayu we fakalimuun ay wa gsuyu Dius.

Alubad. 53:1

At yud e fagsafulun fag ngay taw gamatangan te, “We Dius!” Kanya fagayu masuya, ay at ngay nafakamulun maksvn nu mauri. Ay nusdi sadi we gfakamulun ya at masine.

Alubad. 73:11

Ay kafag ngay taw mauri glong te, “Setain ro Dius nu gsaful em fakamulun? Tiba Tungud fag Dius wa nasaful.”

Nu Galin 5:2

Ay Igiptu at fun nalong sas Muisis te, “Sinu nunda Yawi? Ay wain ro ku fagdunguganun anya laman ro ngay taw Israel glao? Kwa toglag Yawi, ay kwa gfalao ngay taw Israel ste ginan.”

Fangatulun 21:4

Fakamatungudunun ay fakamaboun, asalanan way. Katanya at mauri fag ngay taw at ngay amatanganan.

Fangatulun 30:13

E ngay taw kamatungudun, ay kanya nu gamatangan sat sadili, gtungud tua at iba.

Fangatulun 30:9

Aroro nu nramraman kway ro manga, kwa gseg ya emu, ay nu nsik yud kro e kwa, nanfangkamul kway ro manga ay gfapla au emu.

Fangatulun 6:17

takamatungudun, ay takamuag, ay takamabul,

Takamoyung 8:11

Way nafaurianan vtv sik taw at nafakamulun at mauri, at ngay iba gamatangan yangay at nanfakamulun mauri.

Isayas 2:11

Ginanya ban fag buknga, Yawi way lang ngay taw at fagfabatun ay at fagfausegananun. Kanya ban gfababa ay gfapla fagayu takamatungudun ay takamanagsag.

Isayas 3:9

Ay katoglag sit ngay kamatan te, e ngay asalanan. Ay kanya fagayu wa kapla gfakamulun at mauri kata ngay taw Suduma nu yud gsuksuk at ngay fakamulun at mauri. Ida! Kanya fagayu afanyuan way lang! Kanya yay fag ngay taw at nafadasug faurianan sat sadili.

Isayas 59:7

Gabanganan am namakamulun at mauri ay gfabul am at yud e asalanan. Kabavn ay amatanganan mauri way, ay nusnga nday am, wam e nafakamulun masine nu bunway fagmauriun way lang.

Isayas 65:2

Gfanya au gugat ku ngay taw takamabo ay yud gfaning at masine fag ugali, ay at fagfaningun at sadili way fakaylatun.

Eremyas 2:31

Katsi am fag kasugfunanan, dungugani ku longan. O nu glong am kata kway sik tagagangun fag daga, ay sik talun at madulum? Wain ay fagnalongun te, ‘Gfaning wami em fakaylatun ay wami kaylat ya nangakbang sas Yawi.’

Eremyas 4:14

“Ngay taw Erusalem, talyuyani wan ay asalanan laman umlangfe tuam. Seduge ya ban nu gamatangan am sat mauri?

Sefanias 1:12

Ay ginanya yangay ban fia fag menit, namae salung au ay nanrvbvy ay namaurianan ngay taw sis Erusalem tagbanwan manabayan ay gamatangan te, ‘Yawi wa namakamulun sa emi at mauri ay at masine.’

Sefanias 2:3

Ay am takamababaun ay tagfaning Yawi at suguan, akbangi sa anya. Fataglayuni nu gfakamulun am at masine ay nu kamababaun am. Bangaran ban Yawi gdiri tua ayu ginanya fag menit.

Markus 7:21

Aroro tagsiginan sik taw at amatanganan kasure at mauri fag ngay algan, kata nu gfanugtug sat yud e indugan, ay nu gfangkamul, ay nu gfabul,

Fakamulun 8:22

Ubuni am asalanan ay darangini sa tam Fun laman Dius gfalyam am mauri fag amatanganan.

Ruma 1:21

Kafag ngay taw dewa saful Dius, wa gseg ay wa gfauseganan anya. Abat ngate at ngay amatanganan sa way lang at yud e tungkul, ay nalyam wan at amatanganan sabaliwa at matuyan, kata wan nu ndulum.

Ruma 1:28

Aroro kanya fagayu wa kaylat gfaning Dius. Dius nafabayan wan kafag ngay taw sat mauri fag ngay amatanganan, ay sat yud matuyan fag ugali.

Efesu 2:12

Amatangani ay kayaunanan ebi, yam ansadi si tam Fun Isus, ay wam katap sas talun Israel at ngay taw, ay wam e afud Dius at fatuyanan sas taw Israel. Wam e fagsafulun sabaliwas Dius ay wam e fagsegun fakalangfean.

Deuterunumyu 8:14

tuyani fia te, di ban am nanfamatungudun ay nangayayu Yawi, at nafaduksun ayu siginans talun Igiptu nu inda nu gafagsuguanan am.