Alubad. 10:3 - Fanawbuid tagsibaliwas Fakayabian

³ Kanya fagayu gfangalabian ay kamanagsag sat ngay fakaylatun mauri, ay gfauseganan tagfangalabian fag ngay taw, ay gfalingun Yawi.

Alubad. 10:3 ပူးပေါင်းရင်းမြစ်များ

1 Fun 20:25

Ay fafuli ngay tagfawayan ay ngay fagsakayan ay faguyudan tagsud ebi at nalyam. Namawayan tam ngay taw Israel sasad datag ay gbabo wa ro tam fia anya fagayu.” Ay Ben-Adad kaylat at longan, ay nafaning.

Ub 31:24

Kwa gseg ku ramraman, ay kwa gamatangan te, kanya wan tagfon angku fagmanabayanun.

Alubad. 35:21

Kanya fagayu guro gfantabugan sa angku te, “Anud! Nalag ami am ngay nafakamulun!”

Alubad. 49:18

Kaduge kanya fagayu gleleg, gtap at sadili te, mauseganan, ay tibak taw gfauseganan anya, aroro nusnga setaw at fagdalanun, manabayan tua gugat.

Alubad. 49:6

Kafag ngay taw tagseg ay takamatungudun sat ramraman.

Alubad. 5:6

Gfamin ban o fagayu takamuag. Ay kauri yangay o anggan takamabul ay tagfandaya fag ngay taw.

Alubad. 52:1

Sik takadungug o fag taw, ay wain am fakamatungudunun sam fagmauriun? O nunda ebi ginan Dius at fagfangesugun wa gugat si emu?

Alubad. 94:4

Ngay taw mauri maksvn nu kamatungudun.

Nu Galin 15:9

Em ngay fawayan nafamatungudun glong te, ‘Namafalo au anya fagayu ay nanggamat. Ay nangafud au at ngay ramraman ay namafanudan kwa fia ku sadili. Ay gbul au ku fiso ay namamin au anya fagayu.’

Fangatulun 28:4

Sik taw mauri guseganan ngay taw at yud gfaning Yawi at faugali, dewa katanya, tagfaning at faugali, di gfadiuganan anya.

Takamoyung 7:15

Kaduge au gleleg at yud e masuad, nalag au fagayu nusnga setaw. At matuyan fag taw masakit nu kabul dewa matuyan at fakamulun, ay at mauri fag taw ngaduge nu gleleg aroro sat fagmauriun.

Isayas 37:23

Sinu am nafalingun ay am nafauri? Ay dada nu garingang o ay nu kamatungudun o? O nunda bunwa au, Israel at Dius at yud e Malong?

Isayas 57:17

Andotama au aroro ngay taw Israel gasalanan ay gfangalabian, nu katanya, nafaurianan kwan ay naiyan anya fagayu. Dewa katanya, kanya fagayu gfataglayun yay nu gasalanan.

Eremyas 22:17

Dewa katanya, kabavn emu am fakaylatun gfandaya way o, ay namabul at yud e asalanan, ay nanfamalingun, ay namakamulun at mauri.

Lebitiku 26:30

Nanrasras kwan ay ngay fagnansegan ay ay fagirugan famaebebanglu fag fanggalangun tagsi sangay buksul. Gukas kban ay ngay bilug sa ay ngay tungud fagsegan at yud gleleg, ay gaiyan kban ayu.

Abakuk 2:9

Ida am, takawat ay ngay bale siginan ay nabul fag ngay salapi sat mauri fag ngay balyawvtan. Nafaksvn am ay ngay bale laman ban malangfe am nu ndasug faurianan.

Lukas 12:15

Ay Isus nalong sanya fag ngay taw at maful te, “Amatangani, lag am gfanganuran nusnge wain, aroro sik taw at leleg amafanud yap tua at ramraman.”

Lukas 12:19

Ay glong kban sa ku sadili te, Katsi ku ramraman ngayu tua, kasakan wa ban dewa ngayuk banwa. Kamato kway ban lang ay gfangon ay ginum ay anggan guseganan.’

Ruma 1:29

Kanya fagayu gugali nusnge wain fag mauri; kata at mauri fag algan, ay tagfangalabian, ay at mauri fag amatanganan, ay tagfanganuran, ay takamabul, ay takamawayan, ay tagfandaya, ay tagfangasulup, ay tagfoyung at mauri fag fakamulun sabaliwa at iba,

Ruma 1:32

Kanya fag ngay taw nasaful oma te, fagayu ban tagfakamulun takatanya, Dius gfaurianan sas fakabulun. Dewa katanya, kanya fagayu gfataglayun gugali takatanya, ay guseganan nu nalag tibak taw nu gfakamulun takatanya.

1 Kurintu 6:10

ay tagfangkamul, ay tagfanganuran, ay tagalangu gugat, ay tagfauri tibama, ay takamasing, fagayu tagfakamulun takatanya wa ban umful sas Dius at fagfagtainanan.

Efesu 5:5

Asafuli te, tagfanugtug ay at namatugtug ay tagfakamulun at mauri ay tagfanganuran, wa ban umful sa tam Fun Isus ay sas Dius at fagfagtainanan, aroro tagfanganuran kata yay nu gseg at yud matuyan fag ngay fagsegan.

Deuterunumyu 29:19

Nusnga sinu ban at nadungug tuy fag famararang, lag ban gamatangan sat sadili te, wa ban umfaurianan dewa gfakamulun at fakaylatun. Aroro takatanya gfadasug way ayu sas faurianan.

Deuterunumyu 32:19

Yawi nalag takatanya, ay siginan at dotama, kanya naiyan at ngay sisian.

Kulusas 3:5

Nu katanya, at masine fabuli wan tagsi ayu tagfaning ste swa daga fag fakaylatun kata fagfanugtugun, ay fagamatanganun ay fagkamatoanun sanya baliwa, ay fagfaningun ay bilug at fakaylatun, ay at mauri fag fakaylatun, ay fagfanganuranun. Fagfanganuranun kata yay nu gseg at yud matuyan fag ngay fagsegan.

Santiagu 4:13

Dungugani, nusnga sinu am taglong te, “Katsi ay mannga balabag, glo ami sa sik furuan, ay sik banwa ban nu sanya ami, ay namalao ban mi nusnge wain, ay ngayu ban em bulan.”

Santiagu 4:16

At matuyan, kamanagsag way am ay kamatungudun. Nu katanya, mauri way am.

1 Uan 2:15

Lag kesug fagdaul daga, anggan at ugali. Sik taw nu kesug fagdaul daga, wa kesug tam Mama.

Tagfangguna 17:2

Sik menit, Mikas glong sat mina te, “Nadungug au nu glong o at mauri fag longan sat nafangkamul am salapi fag sadik libu ay sadik sandan. Na, am salapi, au at nabul.” Ay at mina nabul at salapi ay glong te, “Munama, Yawi nangus ggubuk emu.

1 Samwel 23:21

Saul nabalus te, “Yawi ban nangus gfon ayu nusnge wain, aroro kafanyu tuam angku.