Alubad. 1:1 - Fanawbuid tagsibaliwas Fakayabian

¹ Mauseganan tua sik taw nu ddi gbanwan kata tagasalanan fag taw at foyungan, ay nu ddi gfaning tagfakamulun at mauri, ay nu ddi galo ngay taw tagfalingun Yawi.

Alubad. 1:1 ပူးပေါင်းရင်းမြစ်များ

Fakasigadan 49:6

Kwa ban si ayu dewa am e fagmafulun, aroro ginam kadotama kamabul am, ay gfaalbi wam anggan baka tama nu kaylat wam.

1 Fun 16:31

Saman ya nu gfaning Erubuam, Nebat at baguama, at ugali, kanya andadwa ya sas Esebel, Etbaal at baguina. Etbaal talun Sidun at fun. Siginan ginanya, Akab gseg ay gfauseganan Baal.

2 Krunika 22:3

Ay Aasya nafaning Akab fag talanan at ugali, aroro at mina nafoyung anya laman gfakamulun at mauri.

Ub 10:3

O guseganan way o gfaidapan angku? Wain ro am fagaiyanun am nawat, ay gfadiuganan at mauri fag ngay taw at algan?

Ub 21:16

Aroro at mafanud, kanya fagayu nu karamraman bunwa siginan at fagmakatuun, nu katanya, kwa kaylat at ngay fangatulun.

Ub 31:5

Nu nafamuag kway ay nafandaya,

Alubad. 1:6

Yawi galaga tua at matuyan fag ngay taw, dewa katanya, tagasalanan ban at fakadasugan sa way sad faurianan.

Alubad. 106:3

Mauseganan sik taw nu gfakamulun tua gugat at matuyan ay at masine.

Alubad. 112:1

Segi Yawi! Mauseganan sik taw tagsuyu tua Yawi, ay taguseganan gfaning at ngay suguan.

Alubad. 119:115

Am fag ngay taw tagfakamulun at mauri, ayayui angku, laman mafaning ktua ku Dius at ngay suguan.

Alubad. 144:15

Mauseganan tua ngay taw at kayaunanan nu katanya tua! Ay kaugat nu mauseganan ngay taw at Dius nu Yawi tua.

Alubad. 146:5

Dewa katanya, mauseganan tua sik taw at taggubuk nu Akub tua at fagsegan fag Dius, ay at fagsegun nu siginan tuas Yawi,

Alubad. 146:9

Kanya galaga tua ngay betaw, ay ggubuk at yud e fagtainan ya anggan ngay fagbubayun. Dewa katanya, kanya gsalag way ngay taw mauri at ngay algan.

Alubad. 2:12

Fababauni sas Dius at nafili fag fun aroro nu dway am gfakamulun takatanya, kanya kadotama ay masakit gfauri ayu. Dewa katanya, mauseganan tua fagayu taw tagsarirung sis Yawi.

Alubad. 26:12

Yawi, katsi anlangfe ktua siginan ku ngay fagidapun, takata sik dalan at madangsal. Nu katanya, gseg au emu sim ngay taw at fagmafulan.

Alubad. 34:8

Faskudi ay lumag am te, Yawi matuyan tua. Mauseganan sik taw nu nansarirung tua gugat sa anya!

Alubad. 36:4

Ay kanya dewa gtaygilidan, at ngay algan sa way gugat sfagmauriun. Ay at nafili fag ugali at yud way masine. Ay wa kaylat gubun fagmauriun.

Alubad. 64:2

Dirii angku siginan kafag ngay taw at ngay algan mauri.

Alubad. 81:12

Nu katanya, nafabayan kwan ayu, ay nafaning wam ay sadili fakaylatun, aroro kamaogatun am.

Alubad. 84:12

Yawi at Mabalyanan, mauseganan sik taw tagafanud sa emu.

Fangatulun 1:15

Ku sisian, lag o nangalo kanya fagayu, abat ngate, saruyani yakman.

Fangatulun 1:22

“Am fag ngay taw at yud e fagsafulun, seduge ya ban nu katanya am gugat? Ay am fag ngay taw takamalingun, seduge ya ban nu kamanagsag am kamalingun gugat? Ay am fag ngay taw at yud mamatanganan, seduge ya ban nu yud am kaylat fagsafulun?

Fangatulun 13:15

Sik taw tagsaful gtogdungug e gsuyu tua, dewa katanya, takamabo fag taw at fakadasugan sa ways faurianan.

Fangatulun 13:20

Kabavn am fadgaloan nu sik taw tua at ke fagsafulun, umke fagsafulun yangay o, dewa katanya, am fadgaloan nu sik yud way mamatanganan, umfaurianan ban o.

Fangatulun 19:29

E faurianan at mafalganan sa sangay takamalingun, ay e famalang at mafalganan sa sangay yud mamatanganan.

Fangatulun 2:12

Fagsafulun tagfayayu emu siginan at mauri fag ugali, ay siginan yangay sangay taw taglong at mauri.

Fangatulun 3:34

Ay kanya gfauri ngay taw tagfalingun at iba, dewa katanya, kanya gfon tua nusnge wain sas fagayu takamababaun.

Fangatulun 4:19

Dewa katanya, at mauri fag ngay taw at ugali, sa ways fagmadulumun, ay wa nasaful te, kafaurianan.

Fangatulun 9:12

Nu e fagsafulun tuo, mabayan tuo, dewa katanya, nu sik takamalingun way o, gidapan way ban o.”

Eremyas 15:17

Kdi nanangalo kanya fag ngay taw nu nanguseganan ay nu nanfamanagsag. Gsadilian kway aroro nafae fakadotamaun o angku.

Eremyas 17:7

Dewa katanya, mauseganan tua sik taw tagafanud sa angku.

Esekyel 20:18

Ay gina kanya fagayu sit yud e taw fag talun, nalong au sat ngay sisian te, lag gfaning ay ngay fagtainan at ngay ugali ay lag am gfauri ay sadili siginan nu gseg am ngay fagsegan.

Mateu 16:17

Ay Isus nalong yangay anya te, “Mauseganan tuo Simun, Unas at baguama. We taw nafoyung emu takatanya. Ku Mama tua sas banwa at nafoyung emu.

Lukas 11:28

Ay Isus nalong te, “Kaugat yay nu mauseganan tagdungugan Dius at Longan ay gfaning.”

Lukas 23:51

Use wa gfadiuganan tibak tagfangguna at fakaylatun ay at fakamulun. Kanya gfanya Dius nu gfagtainan.

Uan 13:17

Mauseganan tuam, nu natogdungug tuam takatanya fagayu.

Uan 20:29

Ay Isus nalong anya te, “O gafanud wo aroro nalag wo angku? Mauseganan sik taw tagafanud tua deyud nalag angku.”

Ruma 5:2

Aroro siginan anya nabul watam tuy fag fanggalangun ay guseganan tam aroro e fagsegun tua tam te, namaudgufudan ban tam Dius sat fagmasineun.

Efesu 6:13

Nu katanya, suluni tagsiginans Dius fag famalabag, laman mafawayan tuam gugat gina ban andasug sik menit at ke fagmauriun, ay laman ban nu ntabu nu gfawayan am, mabitsug tuam gugat.

Deuterunumyu 14:6

Masine wayam kon ngay fagbaugun at mabaltakan at u tagdog tua gamsak at naon.

Deuterunumyu 33:29

Ngay taw Israel, mauseganan tuam! We gfasud ayu, aroro ay Yawi nafalangfe ayu, Yawi wan ay tagdiri ay ay taggubuk, Yawi yangay tagfawayan laman sa ayu. Ay ngay fawayan ban galafangan sabaliwa ayu, ay gsiad ban am at ngay guyuy.”

1 Pedru 4:3

Faragangi wan nu gfakamulun kata ebi ay fakamulun, kata ngay taw at yud natoglag Dius at fakaylatun gfakamulun: nu gfaning am ay bilug at fakaylatun, ay nu kamasaweun am nu guseganan am, ay nu glanguan am, ay nu gseg am at yud matuyan fag ngay fagsegan.

At Nafasure 22:14

“Mauseganan tagbakbak gugat at ngay lanbung, aroro gfasakbo ban anya sas furuan daul ay nangon tagfon leleg fag fun kayu at rawvg.