Abakuk 3:2 - Fanawbuid tagsibaliwas Fakayabian

² “Yawi, nadungug au sabaliwa am ngay nafakamulun, ay andulo au maksvn. Fakamuluni yangay sa emi kata ebi am nafakamulun. Ay gina ban o gfalag am dotama, afanyui tua emi.

Abakuk 3:2 ပူးပေါင်းရင်းမြစ်များ

Esra 9:8

“Dewa katanya, Yawi em Dius anfanyu tuo emi. Ay naylat tuo nu e kasawad ami, ay nafabanwan o emi si am nafili fag talun. Nafon o emi sik fagsegun ay nafae fagmanabayanun tuo emi, siginan nu gafagsuguanan ami.

Ub 42:5

Ebi siginan way ku iba nu gsaful au sabaliwa emu, dewa katanya, katsi nalag kwan emu.

Alubad. 119:120

Gtadtaruyan au kalimu emu, kalimu au am fagnamakamulunun fag ngay faugali.

Alubad. 25:6

Yawi, amatangi am fakafanyun ay nu mafangesug o, am nafalag sa angku siginan ebi taguna.

Alubad. 38:1

Yawi, lag yap gfaurianan angku siginan am dotama.

Alubad. 44:1

Dius, nadungug ami siginan em ngay mangaguyang am nafakamulun sa anya gina yay kanya fagayu gleleg.

Alubad. 71:20

Dewa o nafadasug sa angku ngayuk fagidapun, nafon tuo angku sik fagmabitsugun. Ay kata au sik taw at kinbul, am fagnamalelegun.

Alubad. 78:38

Dewa katanya, Dius anfanyu yay kafag ngay taw, ay nafalyam tua at ngay asalanan ay di nafamin nu gfabul. Dius dewa ngayu ginan nu kadotama maksvn, kanya gfaragang tua gugat.

Alubad. 85:6

O nunda ban wo gfafoli ya em fagmabitsugun, laman mafauseganan ami emu?

Isayas 53:1

Sinu at nafanud em foyungan? Ay dada Yawi at fagfasurean at fagmabalyananun?

Isayas 54:8

Nu katanya, sik buknga sirut naubun au emu aroro ankuri au emu. Ay dewa katanya, anfanyu ktua emu, aroro nu mafangesug au, di e fakatabuan. Au, Yawi, taglong tuy.

Isayas 63:15

Damai emi siginans banwa, am fagbanwanan at yud e malong ay at masine. Wain am fagyudun ggubuk ya emi, ay am fagyudun gfasure ya am fagmabalyananun sa emi? Wo kesug ya ay kafanyu emi.

Isayas 66:2

O nunda bunwa au at nawat fagayu? “Au Yawi, glong au te, Guseganan au ngay taw takamababaun, tagubun at ngay asalanan, ay tagfaning tua ku ngay longan.

Eremyas 10:24

Yawi, foyungi emi tagalvngvdan si em nafakamulun, ay lag o gfaurianan emi siginan am dotama, aroro mankamin ami.

Eremyas 10:7

O wan ngay talun at fun, sinu at yud kalimu emu? Masine ngay taw nu kalimu tua emu. Ay dewa at mamatanganan fag ngay taw ay fagayu fun siginan tibak talun, we mafasud emu.

Eremyas 29:10

Yawi glong te, “Nu nlangfe ban fituk safuluk banwa talun Babilunya nu gagbilug ayu, kafoli kban sa ayu ay namafasludan kban ku nafatuyanan te, namafoli au ayu sa ay fagbanwanan.

Eremyas 46:28

Nu katanya, ku fagsuguan Akub at ngay kasugfunanan, lag am kalimu, aroro gufud kban ayu. Namamin kban ngay talun nusnga nday nu gfasaruayan au ayu, dewa katanya, kwa ban gfamin ayu. Namaurianan kban ayu tagalvngvdan sa ay fagmauriun. Wa masine kway ban gfaurianan ayu. Au, Yawi, taglong tuy.”

Takabalu 3:32

Kanya dewa gfaurianan antam, gfalag sa antam at fakafanyun ay nu kesug yud e fakatabuan.

Daniel 8:17

Gina Gabriel ankakbang sa angku, anlimu au maksvn ay anlub. Dewa katanya, kanya nalong sa angku te, “Daniel, masine nu kasaful o te, am taginfan at masuad sabaliwa fagdaul daga nu katabu.”

Abakuk 3:1

Katatuy Abakuk at darangin.

Abakuk 3:16

Abakuk nalong te, “Nu nadungug au takatanya, fagdaul ku bilug ay anggan ku bibig gtadtaruyan aroro anlimu au maksvn, ay ku ngay tud anlukme. Dewa katanya, gagwantan au gfanya Yawi at nafalganan fag menit nu namauri em ngay fawayan.

Sakaryas 1:12

Yawi at tagbarita ginto te, “Yawi at Mabalyanan, seduge tua ban nu yud o kafanyu Erusalem ay tiba yak furuan sis Uda? Nu kadotama o anya fagayu fitu wak safuluk banwa.”

Uan 10:10

Sik tagfangkamul at fakadasugun at algan nanfangkamul way, nanfamabul ay namamin. Ay ku fagindasugun laman ngay taw umke leleg at matuyan ay kasakan.

Ruma 10:16

Dewa katanya, bunwa fagayu taw Israel at nafanud sat Masine fag Barita. Katatuy Isayas at longan te, “Em Fun, sinu at nafanud sa em foyungan?”

Filipus 1:6

Natuyan au te, Dius at nafasigad sa ayu fag fakamulun at masine, kanya ban gfataglayun yakmay tam Fun Isus anfoli.

Ebreu 11:7

Aroro Nui gafanud tua sas Dius, kanya nafaning tua Dius at Longan sabaliwa takadasug ban at yud yay nalag. Nui nawat sik sakayan lino laman talmanugangan umlangfe. Ay siginan Nui at fagafanudun, Dius nafadasug faurianan sas fagayu taw, dewa katanya, aroro Nui e fagafanudun tua, Dius natap tua anya kata nu yud e asalanan.

Ebreu 12:21

Ay maksvn nu malimu takalag sis buksul, ay anggan Muisis nalong te, “Maksvn nu gtadtaruyan au kalimu.”

At Nafasure 15:4

Sinu ban at yud kalimu ay gfauseganan emu, em Fun? Aroro o way lang at yud e malong. Fagayu talun at taw nangakbang ban sa emu gseg, aroro fagayu taw nalag wan am ngay nafakamulun at maksvn nu matuyan.”