Abakuk 3:13 - Fanawbuid tagsibaliwas Fakayabian

¹³ Siginan takatanya, nafalangfe o am nafili fag ngay taw, ay at mauri fag talun at tagfangguna nafabul wo, anggan at fagfanggunaun fag ngay taw.

Abakuk 3:13 ပူးပေါင်းရင်းမြစ်များ

2 Samwel 5:20

Nu katanya, Dabid nalao sas Baal-Perasim, ay nababo ngay taw Filistia. Ay Dabid nalong te, “Yawi nafamin ku ngay fawayan kata at maksvn fag lugwak nu nadalan si ku daga salubangan.” Nu katanya, nafangayan kanya fag talun te, Baal-Perasim.

Alubad. 105:15

Kanya nalong sa kafag ngay fun te, “Lag am gfaurianan ku nafili fag ngay taw ay ku ngay taglong.”

Alubad. 105:26

Kanya nasugu at taglong Muisis ay at filian Arun.

Alubad. 110:6

Ay gfaurianan yangay ban tibak talun at taw, gasfuan ngay fun sas fagdaul daga. Ay ngayu ban at mabulan sat ngay talun.

Alubad. 137:7

Yawi, amatangi ngay taw Edum at ngay nalong gina talun Babilunya at ngay tagfawayan giklas Erusalem. Kanya fagayu nalong te, “Iklasi wan ay rufai kafag furuan!”

Alubad. 20:6

Katsi nasaful au te, Yawi tua tagfababo at nafili fag fun. Ay kanya gbalus at darangin siginans banwa at yud e malong fag fagbanwanan, ay kanya gfababo siginan at fagmabalyananun.

Alubad. 28:8

Yawi, gfabitsug tuo am ngay taw. O wan sik fagsarigan, am nafili fag fun at fagnansarigan, laman kanya di e fakalimuun ya.

Alubad. 68:7

Ku Dius, nafalfas o am ngay taw siginans Igiptu, ay nataban tuo sat yud e taw fag talun.

Alubad. 77:20

Nataban o am ngay taw kata sik tagalaga tupa, ay nafili o Muisis ay Arun laman tagfangguna.

Alubad. 99:6

Kanya nafili Muisis ay Arun laman at tagfon fanggalangun, ay Samwel sik tagdarangin yangay. Ay kanya fag tulu mafandarangin; nu katanya, Yawi gbalus tua gugat.

Isayas 63:11

Ay dewa katanya at ngay taw namatang at kinlangfe fag ngay menit, gina Muisis gtaban anya fagayu siginans talun Igiptu. Ay kanya fagayu nainto te, “Dada wan Yawi at nafadife antam sis dagat gasfuan tam tagfangguna Muisis takata sik tagulit tupa? Dada wan Yawi at nafon antam At Masine fag Falad?

Isayas 64:1

Yawi, luangi banwa, ay adagai wan, ay fagayu buksul muigan sa am daga salubangan.

Esekyel 13:14

Anud, nangiklas kban ay nafasine fag alad, yakmay ban ansure at fagtungkudan turuk. Ay gina ban karasras, gfakwan ayu ay umbul am. Nu katanya, sumaful ban am te, au Yawi.

Amus 9:1

Sanya ginan, Amus nalong te, “Nalag au Fun Dius nu malindug munakbang sis fagirugan, ay nalong sa angku te, ‘Falangi ku bale at ngay fungfung turuk laman at ugun umlafi ay ngay taw umtalfi. Ay at sawad umbul sas awayan, ay nusdi sadi we malagyu ay we malangfe.

Uswe 10:11

Ngay taw Israel gfataglayun nu gfafalo, ay gina kanya fagayu gtagbung siginans Bet-Kurun sas dalan tagsas Aseka, Yawi nafarak yelu kadaul ngay gang ayu sirut, ay ngayuk fawayan anbul. Ay ginanya, at ngay fawayan at kinbul ayu yap tua at nabasingan.

Uswe 10:24

Nu nataban wan kafag ngay fun sas Uswe, Uswe nafaful fagayu taw Israel ay nalong sa sangay fun tagfawayan te, “Gewan, siadi tuy fag ngay fun at ngay liug.” Nu katanya, kanya fagayu ankakbang ay gsiad at ngay liug.

Uswe 10:42

Sayginan way Uswe nu namawayan, ay nagbilug wan fagayu sanya fag talun ay anggan at ngay fun, aroro Yawi, Israel at Dius, ggubuk at taw Israel nu gfawayan.

Uswe 11:12

Kata Yawi at fagsuguan Muisis at longan, Uswe narasras fagayu furuan ayu daul. Ay nafabul fagayu tagbanwan sanya, anggan yangay at ngay fun.

Uswe 11:8

Ay Yawi nafababo ngay taw Israel sat ngay fawayan. Ay kanya fagayu nafafalo at ngay fawayan nu dyakmay andasug sa tagbia fag furuan Sidun ay Misrefut-Maim sitsigons datag Mispa at fakamenitan baliwa. Kanya fagayu nafabul at ngay fawayan yakmay namin.