Abakuk 2:8 - Fanawbuid tagsibaliwas Fakayabian

⁸ Aroro ngayu wan ay nagbilug ramraman siginan kafag ngay talun, kanya ban fag ngay talun at ngay taw at sawad nangagbilug ay ramraman. Umfasludan sa ayu takatanya aroro nafabul am ngay taw ay nafauri at ngay tanum anggan at ngay furuan.

Abakuk 2:8 ပူးပေါင်းရင်းမြစ်များ

Alubad. 137:8

Ngay taw Babilunya, umkamin ban am. Mauseganan ban nusnga sinu at nanamaurianan ayu, kata ay nafakamulun sa emi.

Fangatulun 22:23

aroro Yawi taggubuk tua at ngay yud e kwa.

Isayas 33:1

Afanyuan am fag ngay tagrasras, am at yud batang e nagdalanan takatanya. Afanyuan am fag ngay takamabo, am at yud batang e nagdalanan nu e kamabo ayu. Ay nu ntabu wam grasras ay kamabo, am yangay ban at fagrasrasun ay at fakamaboan.

Isayas 33:4

Ay namamin ban o fagayu at ngay ramraman, ay umkata sik ngay tanuman gina ngay liung nafamin.

Isayas 47:6

Andotama au ku ngay taw ay naiyan au anya. Nu katanya, nafababawan au sa emu ay wo nfanyu ya. Ay nafaidapan o anggan at mafagtainan.

Eremyas 27:7

Fagayu ban talun namakamulun laman sas fun Nabukudunusur, ay sat baguama, ay sat fufu, yakmay ban andasug talun Babilunya nu kafaurianan. Sanya ginan ban, talun Babilunya man at namakamulun laman sa tibak talun ay sat mabalyanan fag ngay fun.

Eremyas 30:16

Dewa katanya, namaurianan kyangay ban at nafauri ayu, ay fagayu ban ay fawayan gatabanan. E namawayan yangay ban fagayu at nafawayan ayu, ay at nabul ay ngay fagagbilugun, e gbul yangay ban siginan anya.

Eremyas 50:14

“Am, at mafananadan gagbilug godun, nangatalad am sa ay fagulitan ay nanligung am talun Babilunya. Ay fanai anya fagayu aroro maksvn wan at asalanan sas Yawi.

Eremyas 50:28

“Dungugani at nalagyu fag ngay taw siginans talun Babilunya nu gfansulit sas Erusalem nu setain Yawi nu gfaurianan talun Babilunya aroro sat nafakamulun sas Yawi at bale.

Eremyas 50:37

Ay faurianan fag fiso tagsumbalian at uyup gfaurianan yangay at ngay kabayu, ay anggan tagsakay sit ngay faguyudan at ke balingkitan, ay fagayu at nanggubuk anya. Kanya fagayu ummomuy kata sik mangena. Ay gbul yangay at ngay ramraman ay gbuba wan.

Eremyas 51:13

Talun Babilunya, ngayu tagsi emu liskung ke mamam tua gugat, ay ngayu yangay am ramraman. Dewa katanya, andasug wan am fakatabuan fag menit nu gafaurianan o.

Eremyas 51:24

“Ku ngay taw, gfalag kban sa ayu nu gfasud au sas talun Babilunya ay sas fagayu tagbanwan sanya aroro mauri at nafakamulun sas furuan Erusalem. Au, Yawi, taglong tuy.

Eremyas 51:44

Gfaurianan kban Bel, talun Babilunya at fagsegan, ay gfafangkok kban at ngay naon. Ay ngay talun ban at ngay taw we nangadasug ya sa anya laman nanseg. Ay umrasras wan talun Babilunya at ngay alad.

Eremyas 51:48

Ay nu nfasludan ban takatanya, banwa ay fagdaul daga guro guseganan aroro talun Babilunya anrasras wan. Aroro ngay tagfawayan siginans fawalan fag alvngvdan nanrasras wan. Au, Yawi, taglong tuy.

Eremyas 51:8

Masakit talun Babilunya nu karasras! Abalui wan anya! Namafia am at ngay nabasingan, bangaran ban umfia yay.”

Esekyel 28:16

Am ramraman nu nkayu wan siginan nu gfabangsi o, ankayu yangay am fakamulun at mauri ay anke asalanan o. Nu katanya, gaiyan kwan emu siginan ku nafili fag buksul at yud e malong, ay naiyan kwan emu siginan at ke ngay gang taganyang.

Esekyel 39:10

Kanya ban fag ngay taw wa nanrvbvy ya sarab siginan sad araw, aroro at famaygang kanya wa fag ngay famawayan. Nu katanya, kanya ban fagayu namul yangay kafag ngay taw at fagagbilugun tiba kata kafag ngay taw at nafakamulun sa anya fagayu. Au, Fun Dius Yawi taglong tuy.

Amus 3:10

Nu katanya, katatuy Fun Dius Yawi at longan sas Samarya: “Kanya fagayu wa gfakamulun at matuyan. Ay at ngay nafangkamul mapnu sat mogat fag ngay afud. Nu katanya, at ngay fawayan ban nangiklas at ngay fagmafulan, ay namul at ngay ramraman.”

Ubadyas 1:15

Munakbang wan nu nanginsaful au fagayu talun at ngay taw. Nu setain ay nafakamulun say iba, katanya yangay ban ku fakamulun sa ayu. Nu setain ay nalong say iba, katanya yangay ban at longan sa ayu.

Abakuk 2:10

Aroro nafabul am ngayuk taw, e gfabul yangay ban ayu ay e nangiklas ay ngay bale.

Abakuk 2:17

Nafuan am ngay kayu sis Lebanun, nu katanya, anbul wan tagsanya fag ngay mangilafang. Nu katanya, am man katsi at fagfauriun, ay umlimu am maksvn. Matuyan, umfasludan sa ayu takatanya, aroro nafabul am ngay taw, ay nafauri at ngay daga ay at ngay furuan.

Sakaryas 1:15

Dewa katanya, maksvn nu kadotama au ngay talun ayu daul takaylat way gfauseganan at leleg. Ay ya oma fia son maksvn nu kadotama au anya, ay kanya yay fagayu at nafaksvn.’

Sakaryas 14:12

Yawi ban namadasug at maksvn fag faurianan sa sangay talun at nanamawayan Erusalem: Ginanya ban fag menit, kanya fagayu at bilug, ay at mata, ay anggan at leplep kadan dewa yay gleleg.

At Nafasure 6:10

Kanya fagayu maksvn nu guro te, “Em Fun at mabalyanan, ay at yud e malong ay at matuyan, seduge yaban nu gfanya ami nu namatuyan o ngay taw at asalanan ay nu namasud o sat nafabul emi fag ngay taw tagbanwan sis daga?”