Abakuk 2:6 - Fanawbuid tagsibaliwas Fakayabian

⁶ “Dewa katanya, kanya ban fag ngay talun at ngay taw namalingun anya glong te, ‘Afanyuan am, tagbul deyud ay fagagbilugun, ay tagfandaya laman kae ramraman am. Seduge tua ban nunda nu gfakamulun am takatanya?’

Abakuk 2:6 ပူးပေါင်းရင်းမြစ်များ

Alubad. 94:3

Yawi, seduge tua ban nunda at mauri fag ngay taw nu kamanagsag gugat? O nunda ban we fakatabuan ya?

Fangatulun 22:16

Nusnga sinu fag taw tagfon sat maramraman, ay tagfalingun at maidap fag ngay taw laman kaylat kae ramraman, kanya ban umsik yud e kwa.

Isayas 10:13

Aroro Asirya at fun nalong te, “Nafakamulun au takatanya, siginan ku fagmabitsugun ay ku fagsafulun. Nagbilug au ngayuk talun ay at ngay ramraman. Maseganama au ay nababo kwan kafag ngay talun at ngay fun.

Isayas 44:20

Ngay taw takawat takatanya, kata way nu kon dafug. At fagyudun mamatanganan at nafalyam anya, ay takatanya, wa mafafalangfe at sadili. Ay wa kaylat glong te, ‘Ku nawat fag fagsegan bunwa sik dius.’ ”

Isayas 5:8

Ida, afanyuan am! Am takaylat gfayu ay bale ay takaylat gfabia ay daga, yakmay am naiyan fagayu taw tagbanwan sanya, ay am way lang tagbanwan sanya fag talun.

Isayas 55:2

Wain ay fagfangulanun ay ngay salapi sat yud e tungkul fag ngay fakonun? Wain ay fagfaminun ay nalufuyan sat yud mafapsug ayu? Dungugani angku, ay oni at mataba fag ngay fakonun.

Eremyas 17:11

Sik taw at kinramraman siginan at yud masine fag balyawvtan kata way sik fanginan taglub sit yud sadili iklug. Ay gina ban swabilug at leleg, at ramraman ban umkalyam wan, ay umtuyan te, sik yud way e fagsafulun.”

Eremyas 29:22

Aroro sat kinfasludan, ngay taw Uda at natabanan sas talun Babilunya gfatuyanan sat ngay iba te, ‘Yawi nangus gfabul wan emu kata talun Babilunya at fun nu girug Sedekya ay Akab.’

Eremyas 50:13

At kaksvnan nu kadotama au kafag talun, wa ban e gbanwan ya sanya ay mabaluanan way lang ban. Ay fagayu ban tagdalan sanya umdulo.

Esekyel 32:21

At mabalyanan fag ngay tagfangguna guseganan maksvn ngay taw Igiptu ay at fagudgubukan fag ngay talun tagsi yangays fagfolian. Kanya fagayu glong te, ‘Kanya fag ngay taw natustus yangay stae! Katsi, kanya fagayu ste wan magamut ngay taw at yud gafanud sas Dius at kinbul sis awayan.’

Mikas 2:4

Ginanya ban, ngay taw gfalingun ayu siginan nu galubad at mabalu te, ‘Katsi afanyuan wami! Yawi nagbilug wan em ngay daga ay nafon sa sangay tagfandaya.’ ”

Abakuk 1:15

Ngay taw Babilunya maful guseganan aroro nataban at ngay fawayan kata ngay albon nu n-gamat sas fanggamat.

Abakuk 2:12

Ida am, takawat sik furuan daul siginan ay fagmauriun, siginan nu kamabul am ngay taw, laman ay famawat kafag furuan.

Abakuk 2:13

Dewa katanya, ay nataban fag ngay taw at nawat fag ngay bale, kairug way ban, nu katanya, wa ban e masuad ay ngay nainlufuyan. Yawi at Mabalyanan at nafalganan takatanya.

Tap 23:18

Balaam nabalus te, “Balak, Sipur at baguama, gewan, dungugani!

Tap 23:7

Sanya ginan, Balaam nalong te, “Fun Balak, nafauro o angku siginans Aram sis fakamenitan fag ngay buksul. Ay nalong o angku te, ‘Fasakiti, longi at mauri sas Akub at ngay kasugfunanan laman sa angku. Longi at mauri laman sa sangay taw Israel.’

Lukas 12:20

“Ay Dius nalong anya te, ‘Ida, o nunda wo e amatanganan ya! Katsi ro sad yabi namul kwan am falad. Nu katanya, sinu ban at nangagbilug am nafungsu fag ngay ramraman?’

1 Pedru 4:7

Fagayu nusnga setaw gakatabuun wan. Nu katanya, malukmei tua, ay kabavn famasinei ay amatanganan laman mafalganan tuam gdarangin.