Abakuk 2:5 - Fanawbuid tagsibaliwas Fakayabian

⁵ At matuyan, ngay ramraman wa mafanud. Ay fagayu taw takamatungudun ay tagfangalabian ramraman, kabavn gafanawa ay we fagmanabayanun. Kanya fagayu kata way sik takamabul yud kagwanta. Nu katanya, kanya fagayu gfangagbilug ngay talun.

Abakuk 2:5 ပူးပေါင်းရင်းမြစ်များ

2 Fun 14:10

Anud wan Amasya, nababo o Edum ay nafamatungudun wo. Useganani way, ay lag yap o glelegan siginan am talun. Nu gfawayan wayo emi, namaurianan way o am sadili ay fagayu taw Uda.”

Alubad. 138:6

Yawi, o wan tiba tungud, ay galaga tuo ngay taw at yud e kwa. Dewa katanya, kayayu way o siginan sangay taw takamatungudun.

Fangatulun 20:1

Tagfasawe nu gmamaman fanlangu, at rawvg kamalingun ay fagyudun manabayan, nu katanya, nusnga sinu fag taw tagmamaman fanlangu, we fagsafulun.

Fangatulun 21:24

Sik taw takamatungudun ay takamabo umtoglag te, sik takamalingun, ay nu katanya, maksvn wan at fakamatungudunun.

Fangatulun 27:20

Faurianan ay fakabulun we fagmanabayanun, katanya yangay taw at algan.

Takamoyung 5:10

Ngay taw tagfangalabian salapi ay tiba yak ramraman, bunwa ban kabavn nu guseganan. Wa yangay e masuad takatanya.

Isayas 14:6

kanya fagayu ebi kadotama gugat ay gfaidapan ngay taw, ay maksvn nu gfaurianan tibak talun.

Isayas 16:6

Nadungug ami te, maksvn wan ngay taw Muab nu kamatungudun. Maksvn wan nu kamalabi ay nu kamabatun, dewa katanya, we tungkul at fakamatungudunun.

Isayas 2:17

Ay ginanya ban fag buknga, Yawi way lang ngay taw at fagfabatun ay at fagfausegananun. Kanya ban gfababa ay gfapla fagayu takamatungudun ay takamanagsag,

Isayas 21:5

Sis Babilunya at ngay fagtainan gfalganan sik yafun daul, ay nasagmak sanya at ngay faglunggungan, ay kanya fagayu gfangon ay ginum. Ay e nauro te, “Falganani wan! Namawayan wam.”

Isayas 5:14

Ay fagfolian at sakbawan umbia ay umluang kata takalunus fag mela nu gfabia at bibig, laman sumakbo sanya takadungug fag ngay taw Erusalem ay at yud e fanambagun ay anggan ngay taw tagbarisanan kamanagsag.

Isayas 5:8

Ida, afanyuan am! Am takaylat gfayu ay bale ay takaylat gfabia ay daga, yakmay am naiyan fagayu taw tagbanwan sanya, ay am way lang tagbanwan sanya fag talun.

Eremyas 25:9

namadasug au sa ayu sik ngay tagfawayan siginans fawalan fag alvngvdan ay ku fagsuguan Nabukudunusur, Babilunya at fun, tagfangguna. Kanya namawayan sa ay talun, ay sa sangay tagbanwan sanya, ay anggan sa sangay furuan tagsi ay ligung. Namamin kwan ayu, ay tiba bank taw umdulo at kindasug sa ayu, ay gfalingun ban gugat ayu aroro ay talun ban marasrasan way gugat.

Eremyas 50:29

“Fauroi ngay tagsaful gagbilug godun laman namawayan talun Babilunya! Nanligung am kafag furuan laman we malagyu ya. Namasud wam fia anya fagayu sat nafakamulun mauri. Namakamulun am kata at nafakamulun sat iba aroro nafawayan Yawi, Israel at Dius at yud e Malong.

Eremyas 51:39

Ay aroro kanya fagayu kalunus, namalganan au sik fagmafulun laman sa anya fagayu. Namalangu au anya fagayu laman guseganan, ay kanya ban fagayu ngabasad nu gtiug ay wa kafulo ya fagngabak buknga.

Abakuk 1:15

Ngay taw Babilunya maful guseganan aroro nataban at ngay fawayan kata ngay albon nu n-gamat sas fanggamat.

Abakuk 1:17

Yawi, o kanya ban fagayu gfataglayun wan nu yud e afanyu nu gtaban ay nu gfauri ngay talun at taw?”

Abakuk 2:4

“Katatuy am fagnanrirukun: Damai. Takamatungudun fag ngay taw wa matuyan at ngay fakamulun. Dewa katanya, matuyan fag taw gleleg tua, aroro sat fagafanudun.

1 Tesalunika 4:11

Ugatani banwani manabayan. Lag am kasalag ay iba nu mabanwan, nu bunway ugatani tua sa ay sadili fakamulun kata em longan ayu,

Santiagu 4:6

Ay Dius at nafon sa antam at gubuk kasakan wan. Nu katanya, anriruk sis Dius at Longan te, “Dius wa gfadiuganan takamatungudun fag ngay taw, dewa katanya, kafanyu tua nusnga sinu takamababaun.”