Abakuk 2:4 - Fanawbuid tagsibaliwas Fakayabian

⁴ “Katatuy am fagnanrirukun: Damai. Takamatungudun fag ngay taw wa matuyan at ngay fakamulun. Dewa katanya, matuyan fag taw gleleg tua, aroro sat fagafanudun.

Abakuk 2:4 ပူးပေါင်းရင်းမြစ်များ

Alubad. 49:18

Kaduge kanya fagayu gleleg, gtap at sadili te, mauseganan, ay tibak taw gfauseganan anya, aroro nusnga setaw at fagdalanun, manabayan tua gugat.

Isayas 13:11

Namaurianan kwan fagdaul daga aroro sat fagmauriun ay anggan ngay tagasalanan aroro sat ngay asalanan. Ay namamin kwan fagayu taw takamatungudun. Ay gfaragang kwan ngay taw nu kamalabi.

Esekyel 18:9

Ay kanya gfaning tua ku ngay suguan ay ku ngay faugali. Kata kanya at matuyan fag taw, ay ngaduge tua nu gleleg. Au, Yawi, taglong tuy.

Daniel 11:12

Aroro kanya nababo, kanya kamatungudun ay ngayu yay at fagnamabulun. Dewa katanya, wa ban gugat gbabo.

Daniel 4:30

kanya nalong te, “Anud, Babilunya sik mabalyanan ay sik masine fag furuan daul ku nafawat siginan ku fagmabalyananun laman gfauseganan angku.”

Daniel 4:37

Nu katanya, katsi, gfauseganan au ay gfabat Dius tagsis banwa, aroro at ngay fakamulun matuyan, ay kanya gfababa ngay takamatungudun.

Lukas 18:14

Ay Isus glong yay fia te, “Gfoyung au ayu te, kanya fag taw gina guli, Dius natap anya kata sik taw at yud e asalanan, ay duan kafag taw Fariseu. Aroro nusnga sinu nu kamatungudun way, abandi ban e gfababa anya, ay kanya nu kamababaun tua, abandi ban e gfabat anya.”

Uan 3:36

Nusnga sinu tagafanud sat Baguama e leleg tua at yud e fakatabuan, ay at yud gfaning at Baguama wa ban mafabul leleg, nustua Dius kadotama way anya.”

Ruma 1:17

Aroro at Masine fag Barita gfoyung te, Dius gtap ngay taw kata nu yud e asalanan, siginans fagafanudun; kata at kinriruk te, “Sik taw at kintap kata nu yud e asalanan nu siginan tua at fagafanudun sas Dius, kanya ban gleleg tua.”

Galasya 2:16

Dewa katanya, nasaful ami te, Dius gtap sik taw kata nu yud e asalanan siginan nu gafanud sas Isus tam Fun, ay bundi siginan at nafaningan Muisis at Faugali. Ay gafanud yangay ami sa tam Fun Isus laman Dius gtap emi kata nu yud ami e asalanan siginan nu gafanud ami sa tam Fun Isus, ay bundi siginan nu gfaning Muisis at Faugali. Aroro Dius wa gtap nusnga sinu fag taw kata nu yud e asalanan nu siginan way nu gfaning kafag Faugali.

2 Tesalunika 2:4

Kanya ban kamatungudun sas fagayu fagsegan, ay gsakbo sas Dius at bale ay malunggung sanya ay gfoyung te, “Au wan Dius.”

Ebreu 10:38

“Ku ngay taw at matuyan gleleg tua ban siginan at fagafanudun sa angku, ay dewa katanya, kanya ban nu natalyuyan way angku, kwa ban guseganan ya anya.”

1 Pedru 5:5

Ay am fag ngay baguama, faningi tua ay ngay fagtainan bale fakafulan. Ay fagayu am fadfababaunani tua, aroro marirukan sis Dius at Longan te, “Dius gsalag fagayu taw takamatungudun, ay ggubuk fagayu takamababaun.”