Abakuk 2:3 - Fanawbuid tagsibaliwas Fakayabian

³ Riruki yap lang aroro ya ndasug at buknga nu kafasludan, dewa ban glugo yay, fanyai yap, aroro matuyan umfasludan ban.

Abakuk 2:3 ပူးပေါင်းရင်းမြစ်များ

2 Fun 6:33

Kaduge Elisyu garingang, kafag fagsuguan andasug ay fun glong te, “Yawi nafadasug sa antam fagidapun. Nu katanya, wain ku fagfanyaun yay at gubuk?”

Alubad. 102:13

Nasaful au te, namakamulun o laman namalangfe furuan Siun. Ay katsi andasug wan at buknga laman gfalag o am fakafanyun.

Alubad. 27:14

Afanudi sas Yawi! Faksvni ay amatanganan, ay dangay kamomuy. Afanudi tua sa anya!

Nu Galin 12:41

Gina sis faufatk sandan tuluk safuluk banwa gina taguyan fag menit, Yawi at ngay taw nalao siginans talun Igiptu, galay sik kasugfunanan gadgaloan.

Isayas 30:18

Dewa katanya, Yawi mafanyan nu nangakbang am sa anya laman kafanyu ayu. Kanya mafalganan namalag ayu at fakafanyun. Aroro Yawi wan at matuyan fag Dius, ay fagayu tagafanud sa anya mauseganan.

Isayas 7:4

Nanlong o sa anya te, ‘Madiriani tua laman di o kalimu. Ay manabayani tua am amatanganan. Lag gafanawa dewa fun Peka ay fun Resin maksvn nu kadotama emu. Aroro kanya fag dua kata way sik famaygang takanus at yud e afuy ya.

Isayas 8:17

Dewa Yawi naiyan Akub at kasugfunanan, au gafanud ktua sas Yawi. Nu katanya, gagwanta ktua gfanya anya.

Eremyas 27:7

Fagayu ban talun namakamulun laman sas fun Nabukudunusur, ay sat baguama, ay sat fufu, yakmay ban andasug talun Babilunya nu kafaurianan. Sanya ginan ban, talun Babilunya man at namakamulun laman sa tibak talun ay sat mabalyanan fag ngay fun.

Esekyel 12:25

Dewa katanya, au, Fun Dius Yawi, nu garingang au, umfasludan tua ku longan. Wa ban glugo ya nu kafasludan ku ngay nalong sabaliwa takamabo fag ngay taw. Ay nu kafasludan ban gina ya ay buknga, si yay ban ay buknga. Au, Yawi, taglong tuy.’ ”

Esekyel 30:9

“Ay ginanya yay ban, gsugu au ku ngay tagfosuk longan gsakay si sangay sakayan lino laman namalimu ngay taw Etiupya at yud gafanawa. Ginanya ban fag buknga kanya fagayu kalimu aroro talun Igiptu marasrasan wan. Matuyan, kanya fag menit kadasug wan.”

Daniel 10:14

Katsi, ste au laman namayamag au sa emu takafasludan ban sam ngay kaiban fag ngay taw Israel, aroro am ngay taginfan sabaliwa takafasludan ban.”

Daniel 11:27

“Ay kanya ban fag duak fun kasadi, dewa katanya, gsud ban kamuag ay gamatangan mauri sat iba. Ay wa ban kataglayun at mesa algan aroro ya ndasug Dius at nafalganan fag buknga.

Daniel 11:35

Tiba bank taw tagsaful at matuyan gafaurianan laman ban umsik matuyan ay umsine at leleg anggan ban andasug at fakatabuan, Dius at nafalganan fag buknga.

Daniel 8:17

Gina Gabriel ankakbang sa angku, anlimu au maksvn ay anlub. Dewa katanya, kanya nalong sa angku te, “Daniel, masine nu kasaful o te, am taginfan at masuad sabaliwa fagdaul daga nu katabu.”

Daniel 8:19

Ay kanya nalong te, “Namoyung au emu takafasludan gina ban Dius nafadasug at dotama, aroro kanya nafalganan wan taguyan fag buknga.

Daniel 9:24

“Dius nafalganan ufatk sandan siamk safuluk banwa sam furuan at yud e malong ay sa sangay taw laman gfaragang nu kamabo Dius, ay laman gfalyam at ngay asalanan, ay laman kae fagmatuyanun kabavn, ay laman gfafasludan ngay taginfan ay ngay foyungan, ay laman gdog namatigwanan Dius at bale.

Mikas 7:7

Dewa katanya au, gafanud au sas Yawi ku Dius. Gfanya au anya, ku tagfalangfe ay ku taggubuk.”

Sefanias 3:8

Nu katanya, am fag ngay taw Erusalem, fanyai at buknga nu namauri au ngay talun. Aroro anke algan au namaful ngay talun ay ngay fagfagtainanan laman namadasug sa anya fagayu ku fandotaman at maksvn takata sik afuy nu girug fagdaul daga.

Tap 23:19

Dius wa kata taw takamuag ay di gsalan sat amatanganan. O nunda kanya e nalong ay e nafatuyanan at yud anfasludan?

Lukas 2:25

Sis Erusalem e sik taw at ngayan Simyun. Kanya sik matuyan fag taw ay gafanud sas Dius, ay at Masine fag Falad si yangay anya. Ay kanya mafanyan tua gugat ngay taw Israel at tagfalangfe nu kadasug.

Fakamulun 1:7

Isus gbalus te, “Ku Mama wa kaylat nu sumaful am nu ginain ban nu kafasludan takatanya.

Fakamulun 17:26

Siginan sik taw, Dius nawat fagayu gaban taw laman nanrapyagan sas fagdaul daga, ay kanya wan at nafalganan sas galay at sadi at buknga ay at ngay taba at daga.

Galasya 4:2

Ay nafatigwanan anya sa sangay tagalaga, yakmay andasug sit mama at nafalganan fag menit.

2 Pedru 2:3

Ay kafag ngay taw gdaya ban ayu siginan at ngay fakamuagun, aroro galabian salapi. Ngaduge wan faurianan nu mafalganan sa kafag ngay taw, ay munakbang wan kanya fagayu nu kamin.

2 Pedru 3:9

Tam Fun di gfaduge nu gfafasludan at fatuyanan, kata tibak taw at namatangan. Nu bunway kanya kamanyan ay gfon yay buknga sas fagayu taw laman gubun at ngay asalanan, aroro wa kaylat nusnga sinu nu gafaurianan.