Abakuk 2:2 - Fanawbuid tagsibaliwas Fakayabian

² Katatuy Yawi at famalus: “Riruki sas gang ku fagnanlongun emu fag foyungan laman mayamag ay masakit nu katap.

Abakuk 2:2 ပူးပေါင်းရင်းမြစ်များ

Isayas 30:8

Yawi nalong sa angku te, “Gewan, riruki sa sik fafil ku nafayudan sa sangay taw Israel, laman ban gfamatang ay gfatuyan at ngay asalanan kabavn.

Isayas 8:1

Yawi nalong sa angku te, “Buli sik fagrirukan daul, ay riruki tuy fag ngay longan: ‘Maer-Salal-Kas-Bas.’

Daniel 12:4

Daniel, faluti yap tuy fag fafil ay lag yap o gfoyung sa sangay taw tuy fag longan yakmay ban andasug at fakatabuan. Kaduge tuy fag longan masuksukan, ngayu bank taw takaylat gyasafulun takafasludan.”

Daniel 7:1

Ebi taguna fag banwa gina fun Belsasar gfunan sis Babilunya, Daniel anke taginfan. Kanya nariruk at taginfan katatuy:

Ruma 15:4

Aroro fagayu at kinriruk sis Dius at Longan ebi taguna, anriruk laman gfoyung antam, laman maksvn tua tam ay gfon antam fagsegun.

1 Kurintu 14:19

Ay nu si au sa ngay tagafanud at fagmafulan, amasine yap ku fagfoyungun nu lima yakmank longan nu mayamag tua ngap fia, dewa ngap safuluk libuk longan nu at yud way katogdungug fag fangaringang.

2 Kurintu. 3:12

Ay aroro e fagsegun tuami takatanya, mabitsug tua em amatanganan nu gfakamulun ami.

Deuterunumyu 27:8

Ay riruki at mayamag Dius at ngay suguan sa ay nafalindug fag ngay gang.”

Deuterunumyu 31:19

“Nu katanya, riruki tuy fag alubad ay foyungi sa sangay taw Israel. Falubadi tuy sa anya fagayu laman kanya tagfatuyan sa anya fagayu.

Deuterunumyu 31:22

Ay ginanya fag menit, Muisis nariruk kafag alubad ay nafoyung sa sangay taw Israel.

At Nafasure 14:13

Ay nadungug au sik aringang siginans banwa nu glong te, “Riruki takatatuy, Siginan katsi, mauseganan at kinbul tagafanud sa tam Fun.” Ay at Masine fag Falad glong te, “Sabv ngaro. Kanya fagayu gfiangalay ban siginan at nainlufuyan, aroro Dius gfon ban sa kafag ngay taw kata at nafakamulun.”

At Nafasure 19:9

Ay kafag tagbarita nalong sa angku te, “Riruki takatatuy: Mauseganan at nagewanan sas Tupa Riangan at fakadadwaan.” Ay nalong yay fia te, “Dius nalong takatanya, ay matuyan at ngay longan.”