Abakuk 2:18 - Fanawbuid tagsibaliwas Fakayabian

¹⁸ Nataw ngay fagsegan at fanambagun? Kanya fagayu taw way at nawat siginan sik ngay kayu ay wa maringang.

Abakuk 2:18 ပူးပေါင်းရင်းမြစ်များ

Alubad. 97:7

Fagayu taw tagseg ay takamanagsag sa tibak ngay fagsegan, umkapla. Ay fagayu ban fagsegan nantudan sas Yawi.

Isayas 1:31

Ay at mabalyanan ban fag taw umkata sik baruk, ay at fakamulun kata sik batsio, ay fagdua umsik igang, ay wa ban e mafarabung ya kanya fag afuy.

Isayas 37:38

Sik menit, kaduge Senakerib gseg at fagsegan Nisruk sit bale fagnansegan, at baguama fagdua Adramelek ay Sareser nafabul anya siginans fiso ay duksay nalagyu sas talun Ararat. Ay at baguama Esarkadun at natubus anya laman sik fun.

Isayas 40:19

O gfaladlabian am sa sangay fagsegan? Sik takawat nawat sik fagsegan ay nadafut gintu, ay nafasanya sik famasine fag salambitan at mawatan sanbung salapi.

Isayas 41:26

Sinu si ayu at nalong te, umfasludan ban takatanya, laman sumaful ami ay lumong ami te, kanya matuyan? Fagayu am wam e nalong, ay wam e malong te, ‘Au.’

Isayas 42:17

Dewa katanya, ngay taw tagafanud sa sangay fagsegan, umkapla ban ay lumagyu.”

Isayas 44:12

Sik takawat nusnge wain siginans sanbung gfasasad afuy sanbung, ay arodi gfalang laman kawat fagsegan. Ay kanya kamomuy ay arvs wa gamatang ya aroro kalunus ay kadanum.

Isayas 45:16

Ngay takawat fagsegan umke fakaplaun.

Isayas 45:20

Yawi glong yay te, “Fagayu am at nalagyu siginan tibak talun, afuli ay akbangi sa angku. Ngay taw tagbuba at ngay fagsegan fag ngay kayu we fagsafulun. Kanya gdarangin sat ngay fagsegan at yud mafalangfe anya.

Eremyas 10:8

Ngay taw tagsiginan tibak talun kamaogatun at ngay amatanganan, ay we fagsafulun ay tagfoyung anya, at yud way e tungkul fag ngay fagsegan at mawatan siginans kayu.

Eremyas 16:19

Nalong au te, “Yawi, o wan ku fagmabitsugun ay ku tagfasun gina au kabalu. Fagayu talun at ngay taw tagsis fagdaul daga nangakbang sa emu ay nanlong te, ‘Em ngay mangaguyang at ngay fagsegan we masuad. Kanya fagayu we nafakamulun nusnge wain at masine.

Eremyas 2:8

Ay anggan ngay tagfon fanggalangun wa grvbvy ya angku. Ay ngay tagfoyung ku suguan wa yangay gtoglag ya angku. Ngay tagfangguna gfauri angku. Ay ngay taglong at foyungan sa way baliwas Baal at ngayan ay gseg at yud matuyan fag ngay fagsegan.

Eremyas 50:2

“Fadungugi sa sangay talun foyungan at yud e masuksukan ay fabati sik ramit, famasaful te, talun Babilunya anrasras wan. Ay at ngay fagsegan at mapla anrufa wan anggan at fagsegan Bel ay Marduk anrufa yangay.

Eremyas 51:17

Ngay taw tagseg ngay fagsegan sik yud way mamatanganan ay yud e fagsafulun. Ngay takawat gintu umkapla sat nawat fag ngay fagsegan aroro at awatan bunwa at matuyan fag fagsegan. Kanya fag ngay fagsegan wa gleleg,

Daniel 5:23

abat ngate, nalong way o te, gtungud tuo tagsis banwa fag Fun. Nasugu o laman namul ngay taya tagsis Yawi at bale, ay nainum am fanlangu sanya ginan, o, ay am takadungug fag ngay taw, am ngay mangena, ay tiba ya am ngay mangena fag ngay fagsuguan. Saman kanya, naseg o tibak fagsegan at mawatan sanbung salapi, gintu, tansu, sanbung, kayu ay gang. Kafag ngay fagsegan wa glag, ay wa gdungug, ay we fagsafulun. Dewa katanya, wo nafauseganan Dius tagbakvd am leleg ay am ngay fakamulun.

Amus 2:4

Katatuy Yawi at longan sabaliwas Uda: “Ngay taw Uda gfataglayun way gugat nu gasalanan, nu katanya, namaurianan kban anya fagayu. Kanya fagayu nafamabo ku ngay suguan ay wa nafaning ku ngay fangatulun. Ay siginan nu gseg at ngay mangaguyang at ngay fagsegan, kanya fagayu ansik malyaman.

Unas 2:8

Ngay taw tagseg at yud e tungkul fag ngay fagsegan, wa kesug emu.

Sakaryas 10:2

At mafanud, tibak fagsegan ay ngay taginsaful glong way at yud matuyan, ay kamuagan nu gfoyung at ngay taginfan at masuad. Kanya dewa gfabitsug ngay taw at amatanganan, we fanambagun, nu katanya, ngay taw Israel kata ngay tupa ginkalyaman. Kanya fagayu gidapan aroro we gfangguna.

Ruma 6:21

Nataw ay nabul siginan ay nafakamulun ebi ay fakaplaun katsi? Takatanya fag ugali at fungfung fakabulun way.

1 Kurintu 12:2

Saful wam te, ebi gina am yud gafanud, gafaylatan am laman nanseg am sat yud maringang fag ngay fagsegan.

At Nafasure 19:20

Ay tagfangagat fag mela nagamatan gasfuan takamuagan fag taglong, kanya at nafakamulun at ngay madulo fag ngay fakatoglagan si tagfangagat fag mela at daga salubangan. Siginan at nafakamulun fag ngay madulo, kanya nadaya ngay taw at nafae fakatoglagan sit ngay bilug tagfangagat fag mela, ay at naseg at aninu. Ay gina yay kanya fag dua gleleg, e naukas anya fag dua sas asupri fag afuy daul tagigang.

Tagfangguna 17:4

Ay Mikas nu nafafoli wan kafag ngay salapi sat mina, at mina nabul duak sandank salapi ay nafon sa takawat ngay fagsegan. Ay takawat nafadafut kafag salapi sat fakawatun fag fagsegan. Sanya ginan, nanamoli kafag fagsegan sas Mikas at bale.

1 Samwel 12:21

Lag am nanseg ngay fagsegan, kanya fagayu we tungkul. Ay we fanggubukun ay wa yangay mafalangfe ayu.