Abakuk 2:14 - Fanawbuid tagsibaliwas Fakayabian

¹⁴ Aroro nu setain mamam nu mapnu sis dagat, umkayu yangay ngay taw at fagsafulun sabaliwas Yawi at fagmabalyananun.

Abakuk 2:14 ပူးပေါင်းရင်းမြစ်များ

Alubad. 22:27

Ngay taw sas fagdaul daga nangamatang ay nangafoli sas Yawi. Ay fagayu talun at taw nanseg anya.

Alubad. 72:19

Nu katanya, kabavn segi anya. Ay at fagmasineun nangus umfagdaul sas fagdaul daga. Anud! Katanya wa fia!

Alubad. 86:9

Fagayu am nawat fag ngay gaban taw tagsiginan sangay talun kadasug sam daga salubangan, laman nanrungan nanseg emu, ay namauseganan am ngayan,

Isayas 11:9

Wa ban e mananrasras ya Siun, ku filian fag buksul at yud e malong. Aroro fagdaul daga at ngay taw tumoglag ban Yawi, kata mamam nu nkapnu sas dagat.

Isayas 33:6

Kanya wan tagbakvd ayu, ay gdiri wa fia ayu ay namon ayu sik fagmamatanganun ay fagsafulun. Ay at mafanud tua fag fagmaramramanun, tagsuyu tua Yawi.

Isayas 40:5

Umsure ban Yawi at fagmabalyananun, ay fagayu ban taw lumag takatanya. Umfasludan ban takatanya, aroro au Yawi at nalong.”

Isayas 6:3

Ay kafag ngay awatan nasfuan nauro te, “Yud e malong, yud e malong, yud e malong, Yawi at Mabalyanan! At kamasuloan ankapnu sas fagdaul daga.”

Eremyas 31:34

Wa ban e glong ya sat ngay kaiban ay sat faduksay te, ‘Toglagi tua Yawi,’ aroro kanya fagayu toglag wan angku, siginan tagafalingunan ay anggan sat ngay takadungug. Namalyam kban kanya fagayu at ngay nafakamulun at mauri, ay kwa ban gamatangan ya at ngay asalanan.

Esekyel 47:5

Ay kanya gdog yay fia nafasud kaba yangay fia nya, at kabasadan sak kafioan, at yud kadife.

Mikas 2:9

Naiyan am at ngay mangena siginan at ngay bale. Ay naago am at ngay sisian ku ngay famonun sa anya, nu katanya, kanya fag ngay sisian wa manangafoli ya sat ngay fagtainan kabavn.

Abakuk 2:15

Ida am! Aroro nafae fakaplaun am ay fakbangan fag ngay talun. Kata nu nafalangu am anya laman lumag am nu malulasan.

Abakuk 3:3

O wan at yud e malong fag Dius takadasug siginans Teman ay buksul Paran. Am fagmasuloun anfagdaul banwa, nu katanya, fagayu taw sas fagdaul daga, sumeg emu.

Sefanias 3:9

Sanya ginan, namasine au ngay taw at amatanganan laman gfaning tua ay nangasadi sa angku.

Tap 14:21

Dewa katanya, au Yawi, gfatuyanan au te, kaksvn nu gleleg au ay ku fagmasineun nu kapnu fagdaul daga,

At Nafasure 11:15

Ay at fafituk tagbarita nu nauyup at budyung, e nadungug au sik ngay aringang ayu daul siginans banwa te, “Fagmafagtainanun ste swa daga siwa tam Fun ay si tam Fun Isus. Kanya ban gfagtainan kabavn.”

At Nafasure 15:4

Sinu ban at yud kalimu ay gfauseganan emu, em Fun? Aroro o way lang at yud e malong. Fagayu talun at taw nangakbang ban sa emu gseg, aroro fagayu taw nalag wan am ngay nafakamulun at maksvn nu matuyan.”