Abakuk 1:9 - Fanawbuid tagsibaliwas Fakayabian

⁹ At ngay tagfawayan kadasug laman namaidapan at fawayan fag ngay taw. Kanya fagayu kata sik maksvn fag tagmara siginans fakamenitan. Ay kanya fagayu nataban ngayuk taw, kayu lagnas.

Abakuk 1:9 ပူးပေါင်းရင်းမြစ်များ

Fakasigadan 41:49

Ay at nafaful fag ngay gutluan ngayu tua, kayu lagnas sis tigyangan dagat, ay at kayuan wa mafatap ya.

2 Fun 12:17

Ginanya, Aram at fun Kasael, nafawayan ay naago furuan Gat. Ay sanya ginan, nafawayan yangay Erusalem.

Ub 29:18

Nu glong au, ngaduge tua ban nu gleleg au, ay kabul kban mafufuama magamut ku ngay kalongan,

Alubad. 139:18

Nu nantap kway ro, ayu yap tua ngay lagnas. Ay galay au kafulo, si ktua gugat emu.

Isayas 27:8

Yawi nafabayan wan at ngay taw nu gatabanan laman gafaurianan. Ay nafalayug anya fagayu sa sik maksvn fag tagmara tagsiginans fakamenitan.

Eremyas 15:8

Namayu kban ay ngay fagbubayun kayu lagnas sis tigyangan dagat. Sis buknga menit ban namadasug au at namaurianan ay ngay baguama at ngay mina. Ay gfadasug kban masakit sa ayu fakabaluun ay at malimu.

Eremyas 25:9

namadasug au sa ayu sik ngay tagfawayan siginans fawalan fag alvngvdan ay ku fagsuguan Nabukudunusur, Babilunya at fun, tagfangguna. Kanya namawayan sa ay talun, ay sa sangay tagbanwan sanya, ay anggan sa sangay furuan tagsi ay ligung. Namamin kwan ayu, ay tiba bank taw umdulo at kindasug sa ayu, ay gfalingun ban gugat ayu aroro ay talun ban marasrasan way gugat.

Eremyas 34:22

gsugu kyay ban anya fagayu laman namadog namawayan, nangagbilug, ay nangirug ayu. Fagayu ban furuan sis Uda namasik mabaluanan au ay wa ban e gbanwan ya.”

Eremyas 4:11

Kadasug ban sik menit, Yawi glong sa sangay taw Uda ay sa sangay taw Erusalem te, “Siginan ban baliwas talun at yud e taw fag ngay tagbudbuksulanun, gtagmara masugba kadasug sa ku ngay taw, ay kafag tagmara bundi famalayug ngay upa.

Eremyas 4:7

Tagrasras ngay talun kadasug wan kata sik liun at nalfas siginan at luib, laman namaurianan ay talun, kata ngay liun nu masakit gduksun siginan at fagsuksuanan. Ay fagayu ay furuan umrasras, ay wa ban e gbanwan ya.

Esekyel 17:10

Ay dewa ban e natanum yay kafag wat sa tibak daga, wa gtugbung ya, ay kagong ban nu natagmara masugba.’ ”

Esekyel 19:12

Dewa katanya, aroro siginan sik maksvn fag dotama, nagulad kanya fag tanum ay anfuan sas daga. Ay at ngay rawvg an-gong, aroro sik tagmara masugba tagsiginans fakamenitan nauyup, ay at mogat fag sanga an-gong yangay, ay antong.

Daniel 11:17

Ay tagsis fawalan baliwa fag fun maksvn nu kaylat namawayan tagsis fasiunan fag fagfagtainanan sas fagdaul at fagmabitsugun. Taguna, kanya gfon at baguina laman namae bubay sa tagsis fasiunan fag fun, laman nangasadi sa anya. Sa takatatuy fag balyawvtan kanya maiklas tagsis fasiunan baliwa fag fagfagtainanan. Dewa katanya, wa ban kafasludan at algan.

Usea 1:10

Dewa katanya, kadasug ban tibak menit, gdog kyay ban kafanyu anya fagayu ay kanya ban fagayu umkayu kata lagnas sis tigyangan dagat at yud katap ya. Ay kadasug ban sik menit kanya fagayu kangayan te, ‘ku ngay sisian.’

Usea 13:15

Dewa am kata sik sigbo tagtugbung, gfadasug kban at masugba fag tagmara siginans fakamenitan, ay siginans talun at yud e taw, laman ay ngay bulbug ay anggan ay ngay bubun umlanggang. Ngay tagfangkamul ban gbul ay ngay ramraman.

Abakuk 1:17

Yawi, o kanya ban fagayu gfataglayun wan nu yud e afanyu nu gtaban ay nu gfauri ngay talun at taw?”

Abakuk 1:6

Ngay taw Babilunya gfangadotama ay kamabul, ay gsugu au anya fagayu laman namawayan. Kanya fagayu masakit nu gfawayan ngay talun sas fagdaul daga, laman nangagbilug ngay taw at fagbanwanan.

Ruma 9:27

Ay katatuy Isayas at maksvn fag foyungan sabaliwas taw Israel: “Kanya ban fag ngay taw, dewa kayu lagnas sis tigyangan dagat, wa ban ngayu at kumlangfe.

Tagfangguna 7:12

Ngay taw Midyan, taw Amalek, ay tiba yak kasugfunanan maful sis lod buksul sis fakamenitan baliwa, at kayuan kayu sliung. Ay at ngay kamelyu kayu slagnas sis tigyangan dagat.