Abakuk 1:8 - Fanawbuid tagsibaliwas Fakayabian

⁸ At ngay kabayu amatarung yap ngay leupardu, ay amadot yap ngay idu talun tagfanloan sad yabi. Ay at ngay kabayu gtarung yangay siginan tangayayu fag talun, kata sik bio at masakit nanyukfu at fagnangonun.

Abakuk 1:8 ပူးပေါင်းရင်းမြစ်များ

Ub 9:26

Ay nu glangfe masakit mandi, kata at masakit fag sakayan lino, ay kata sik bio tagabanganan nanyukfu at fagnangagatun.

Isayas 11:14

Ay kanya ban fag ngay taw masadi nu namawayan ngay taw Filistia sas fakayabian, ay anggan ngay taw tagsas fakamenitan, nangago at ngay ramraman sanya ginan fag ngay talun. Ay kanya ban nangagbilug ngay taw Edum ay Muab, ay namagtainan ngay taw Amun.

Eremyas 4:13

Damai! Tam ngay fawayan kadasug kata sik ngay linyabu. At ngay faguyudan fangawayan kata sik tagbaribungan fag tagmara, ay at ngay kabayu asakit yap bio. Afanyuan tam aroro katsi wan tam fakatabuan!

Eremyas 48:40

Yawi glong yay fia te, “Damai! Muab at ngay fawayan kata sik bio at masakit nu glayug laman nanggamat at fagnangonun.

Eremyas 5:6

Nu katanya, at ngay fawayan namaurianan anya fagayu kata sik idu talun, ay kata sik mela tagfanya at fagnangonun tagduksun siginans furuan. Umfasludan takatanya sa anya fagayu aroro ngayu ginan gtalyuyan Yawi.

Eremyas 50:42

Kanya fagayu e ngay godun ay e ngay bangko, ay madot ay we afanyu. Ay kaduge gsakay sit ngay kabayu, at aringang kata sik lugwak nu gfawas. Kanya fagayu kadasug laman namawayan ayu, ngay taw Babilunya.

Takabalu 4:19

Tagfafalo emi fag ngay fawayan asakit yap sik bio. Ay kanya fagayu gfafalo emi sa sangay buksul ay nanbalabag emi sat yud e taw fag talun, laman namawayan.

Esekyel 17:12

“Nanginto o sa takamabo fag ngay taw Israel te, ‘O nasaful am kanya fag faydayuanan at masuad?’ Ay nanlong o sa anya fagayu te, ‘Katatuy at masuad. Babilunya ban at fun nalao sas furuan Erusalem ay nataban furuan Israel at fun anggan at ngay tagfangguna ay nataban sas Babilunya.

Esekyel 17:3

Nanlong o sanya fag ngay taw te, au, Fun Dius Yawi, glong au te, e sik bio daul glayug sabaliwas Lebanun. At fakfak marafad ay at sigyu marabung ay gridrirukun. Ay kanya naafun sa sik kayu sidru,

Esekyel 26:11

Ay umkapnu ban ay ngay dalan at ngay tagfawayan tagsakay sit ngay kabayu at masakit ay namabul ban fagayu tagbanwan si ay furuan siginan at fiso tagsumbalian at uyup. Ay umsuak yangay ban anggan ay ngay turuk at mabakvd.

Usea 8:1

Uyupi ay ngay budyung laman sik famararang sa ku ngay taw, aroro at ngay fawayan namawayan anya fagayu kasakit sik bio, aroro ku ngay taw wa nafae masuad em nasadian ay wa nafaning ku ngay foyungan.

Naum 2:5

Fun nasugu at ngay tagfawayan at maseganama. Ay kanya fagayu kataid gina glao sat furuan at alad, ay gabanganan gfae famalabag laman at ngay fawayan wa marufa at alad.

Sefanias 3:3

At ngay tagfangguna kata sik liun gsubang. Nu gakayabiun wan kanya fagayu kata sik idu talun tagrvbvy at fagnangonun, ay balabag di, we fasawadan ya.

Mateu 24:28

Kata sik faydayuanan te, ‘Nusnga nday ke mabulan, ugak nangaful sanya.’

Lukas 17:37

Ay at ngay tagadal ginto te, “Em Fun, nu katanya, dada ban nu kafasludan takatanya?” Ay Isus gfaydayuanan te, “Nu inda ngay bilug at mabulan, sanya ugak nu nangaful.”

Deuterunumyu 28:49

Yawi ban namafawayan ayu sa sik gaban taw tagsaman ayu at fangaringang, tagsiginan sik fungfung daga. Kanya ban fagayu namawayan ayu kata sik bio nu gyukfu at ngay fagnanggamatun.