Abakuk 1:6 - Fanawbuid tagsibaliwas Fakayabian

⁶ Ngay taw Babilunya gfangadotama ay kamabul, ay gsugu au anya fagayu laman namawayan. Kanya fagayu masakit nu gfawayan ngay talun sas fagdaul daga, laman nangagbilug ngay taw at fagbanwanan.

Abakuk 1:6 ပူးပေါင်းရင်းမြစ်များ

2 Fun 24:1

Gina Yuyakim gfunan, Nabukudunusur, Babilunya at fun, nanamawayan anya. Kaduge tuluk banwa Nabukudunusur nafagsuguan Yuyakim, dewa katanya, sis fatuluk banwa, Yuyakim nafawayan anya.

2 Fun 24:2

Yawi nafadasug sa anya ngay taw Babilunya, taw Aram, taw Muab, ay taw Amun fag ngay tagakabayuan laman namarasras Uda, kata Yawi at nalong sat ngay fagsuguan fag ngay taglong.

2 Krunika 36:17

ay naylat ngay taw Babilunya nu namawayan anya fagayu. Ngay taw Babilunya gfabul kafag ngay taw at ngay baguama dewa sis Yawi at bale. Kanya fagayu we afanyu ya sas nusnga sinu fag taw, mangama ay mangena, ay at mafagtainan ay at mamomuy. Dius nafagbilug at ngay taw sas fun Nabukudunusur.

2 Krunika 36:6

Ay Nabukudunusur, Babilunya at fun, nanamawayan anya, ay nasiuk salambitan ay nataban sas Babilunya.

Isayas 23:13

Fagayu am, damai talun Babilunya. Dada wan tagbanwan sanya? Taw Asirya narasras wan at maksvn fag afud, ay nafabayan wan nu marasrasan ay tagbanwan sanya, ngay mela way lang.

Eremyas 13:20

Banawani ngay fawayan takadasug siginans fawalan fag alvngvdan. Furuan Erusalem, dada wan am ngay tagbanwan am fakamatungudunun fia, ebi ku nafatigwanan sa emu te, alagai?

Eremyas 21:4

‘Katatuy Yawi, Israel at Dius, at longan: Wa ban e fanambagun ay ngay famawayan laman namawayan am fun Nabukudunusur ay sat ngay tagfawayan at maligung si ayu. Nu katanya, namaful au anya fagayu ste swabilug furuan.

Eremyas 21:7

Ay o Sedekya, Uda at fun, ay am ngay tagfangguna, ay anggan ban fagayu at kinsawad at yud anbul sas faurianan, sas awayan, ay sas lunus, namon au ayu sa ay fawayan Nabukudunusur, Babilunya at fun. Ay kanya ban we afanyu ya gfabul ayu. Au, Yawi, taglong tuy.’

Eremyas 25:9

namadasug au sa ayu sik ngay tagfawayan siginans fawalan fag alvngvdan ay ku fagsuguan Nabukudunusur, Babilunya at fun, tagfangguna. Kanya namawayan sa ay talun, ay sa sangay tagbanwan sanya, ay anggan sa sangay furuan tagsi ay ligung. Namamin kwan ayu, ay tiba bank taw umdulo at kindasug sa ayu, ay gfalingun ban gugat ayu aroro ay talun ban marasrasan way gugat.

Eremyas 4:11

Kadasug ban sik menit, Yawi glong sa sangay taw Uda ay sa sangay taw Erusalem te, “Siginan ban baliwas talun at yud e taw fag ngay tagbudbuksulanun, gtagmara masugba kadasug sa ku ngay taw, ay kafag tagmara bundi famalayug ngay upa.

Eremyas 4:6

Fadasugi sik famararang sa sangay taw Erusalem laman kanya fagayu masakit glagyu, aroro namadasug au tagrasras siginans fawalan fag alvngvdan.”

Eremyas 4:8

Nu katanya, suluni ay ngay lanbung famatoglag te, kabalu am ay waywayi te, “Yawi kadotama yay gugat antam.”

Eremyas 5:15

Yawi glong te, “Ngay taw Israel, namadasug au sa ayu sik gaban taw tagsiginan tangayayu fag talun laman namaurianan ayu. Kanya sik gaban taw taglugo wan nu gbanwan sit talun, ay ay fagyudun togdungug at fangaringang.

Eremyas 8:10

Nu katanya, namon kban at ngay mangena ay at ngay gamasun sa tibak taw. Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.

Esekyel 16:40

Kanya ban fagayu gtaban emu sa sangay taw at namana emu ay at namasadsamanan am ngay afud bilug siginan at fiso tagsumbalian at uyup.

Esekyel 21:31

Namadasug kban sa ayu ku dotama, ay namagbilug kban ayu sa sangay taw tagsaful gfabul.

Esekyel 28:7

gsugu kban sa emu tibak talun at taw at madot tagsiginan tangayayu laman namawayan emu. Kanya ban fag ngay taw namamin wan am ngay ramraman at masine am nabul siginan am fagmamatanganun. Ay am fakadungugun ban kalyam yangay.

Esekyel 31:12

Ay tagsiginan ban tangayayu fag talun at taw at madot namuan anya, ay gubun way lang ban. Ay at ngay sanga ban karabas ay umrapyag ban sa sangay buksul, sas datag ay sas liskung. Ay ngay talun ban tagsarirung si anya glo wan.

Uel 2:3

Ngay liung masakit nu gfamin ngay tanum kata afuy nu girug. Gina kafag ngay liung kadasug, kafag talun masine oma kata tanuman Eden. Dewa katanya, ngay liung nu naon wan we fasawadan ya, ay ankata way lang at yud e taw fag talun.