Abakuk 1:4 - Fanawbuid tagsibaliwas Fakayabian

⁴ Nu katanya, am faugali we tungkul ya. Ay wa yangay e fagmatuyanun ya aroro tagfawabilugan at fagfadiugananun at ke asalanan way fag ngay taw, bunwa at yud e asalanan. Nu katanya, fagmatuyanun we tungkul ya.”

Abakuk 1:4 ပူးပေါင်းရင်းမြစ်များ

1 Fun 21:13

Ay duak taw mauri andasug ay namalunggung sis Nabut at salubangan. Nalong te, “Nabut nafauri Dius ay tam fun.” Nu katanya, kanya fagayu nataban Nabut sas day furuan daul ay nafana gang yakmay anbul.

Ub 21:7

Wain at mauri fag ngay taw at faglelegun tua gugat ay kadanama ay nustua kabalyanan ya?

Alubad. 11:3

Tain ya ro at matuyan fag taw at fagmafakamulunun nu gakarasrasun wan fagayu nusnge wain?”

Alubad. 119:126

Yawi, fakamuluni wan, aroro ngay taw wa gfaning ya am faugali.

Alubad. 22:12

Ngayuk fawayan tagligung angku, kata sik ngay baka tama at madot.

Alubad. 22:16

Ay at mauri fag ngay taw gligung angku, kata ngay idu. Kanya fagayu nasulbung ku ngay daluap ay ku ngay darafa.

Alubad. 59:2

Falangfei angku siginan at mauri ay takamabul fag ngay taw.

Alubad. 59:4

Kdoma e nafakamulun at mauri, dewa katanya kanya fagayu mafalganan laman namawayan angku. Yawi, at Mabalyanan fag Dius, ay Israel at Dius, fakamuluni wan! Faurianani wan tibak talun at ngay taw at yud gafanud sa emu. Lag o kafanyu ya takamuag fag ngay taw.

Alubad. 94:3

Yawi, seduge tua ban nunda at mauri fag ngay taw nu kamanagsag gugat? O nunda ban we fakatabuan ya?

Nu Galin 23:2

“Dangay am galoan sas fagngayuan nung way gfakamulun at mauri. Nung am gfatuyanan sa sik malong, lag gfadiuganan at fagngayuan laman gsaruy at matuyan.

Nu Galin 23:6

“Fae katuyanani tua fia at ngay yud e kwa at ngay malong.

Isayas 5:20

Ida, afanyuan am! Am taglong te, masine way at mauri, ay mauri way at masine, ay taglong te, at madulum mayamag, ay at mayamag madulum, ay taglong te, at mayat matamis, ay at matamis, mayat way.

Isayas 59:12

Aroro maksvn wan tam asalanan sis Dius at daga salubangan, ay kanya wan fag ngay asalanan fagsafulan te, gafaurianan tam. Anud! Saful oma tam te, gfakamulun way tam at mauri.

Eremyas 12:1

Yawi, kabavn matuyan tuo dewa au nafamayud sa emu. Ay katsi e fagintoun au sa emu: wain ro at mauri fag ngay taw at fakaramramanun? Ay wain ngay taw takamabo emu fagmanabayanun?

Eremyas 12:6

Dewa am ngay faduksay ay am kalongan at nafamabo emu. Ay kanya fagayu anke algan mauri sa emu. Nu katanya, lag o gafanud kanya fagayu dewa mafalukmeanan fia nu garingang.”

Eremyas 26:8

Ay Eremyas nu ntabu garingang, ngay tagfon fanggalangun, ay ngay taglong, ay ngay taw naligung anya, ay nalong te, “Masine nu kabul wo!

Eremyas 8:7

Ngay manuk tungud saful tua nu ginain nu nanlayug sa tibak talun ay nu ginain nu kafoli, dewa katanya, ku ngay taw wa nasaful ku ngay faugali.

Esekyel 9:9

Kanya gbalus angku te, “Maksvn wan taw Israel ay taw Uda at asalanan. Ay maksvn wan nu gfadfabulan sit furuan ay we fagmatuyanun ya. Kanya fagayu glong te, ‘Yawi wa gdungug ya antam, ay natalyuyan wan.’

Usea 10:4

Kanya fagayu garingang way lang, dewa katanya, we fakamulun. Kanya fagayu kamuag nu gfatuyanan, ay dewa e nasadian, wa gfafasludan. Ay nu katanya, at ngay mamalong kata way sik maganga fag makmak tagtugbung sit naali fag daga.

Amus 5:12

Aroro saful kway at kayuan ay nu se aksvn ay ngay asalanan. Gfalingun am ngay taw at yud e asalanan ay gbul at ngay salapi. Ay wa gsud nu gfawabilugan am sat yud e kwa.

Amus 5:7

Afanyuan am! Aroro abat ngate am gfae masuad at fagmatuyanun, gfakamulun wayam at mauri!”

Markus 7:9

Isus glong yangay te, “Maksvn nu gafayudun am Dius at suguan laman gfaning am taw at faugali.

Fakamulun 7:52

Ay ngay mangaguyang nafauri Dius at taglong fagayu. Ay kanya fagayu nafabul fagayu tagfoyung te, Kadasug ban at Matuyan. Ay kanya nu ndasug nafoyung am anya sat mauri fag ngay taw ay nafabul.

Fakamulun 7:59

Kaduge ngay taw gfana, Esteban gdarangin te, “Ku Fun Isus, gfatigwanan kwa sa emu ku falad.”

Ruma 3:31

Nu katanya, o gfae yud tam e tungkul Muisis at Faugali, siginan tam fagafanudun? Anud, duan. Nu bunway kaugat nu gfae tungkul tam Muisis at Faugali.

Deuterunumyu 16:19

Kanya nangus fagayu nu gfawabilugan di gfainbalian at matuyan, ay di e fagfadiugananun. Ay lag gbul famayad, aroro takatanya gsalag way at ke fagsafulun, ay gfaurianan at matuyan, ay gfaylatan sat ngay algan.