Abakuk 1:3 - Fanawbuid tagsibaliwas Fakayabian

³ Wain yay am fagfalagun sa angku ngay fagmauriun? Dewa nday gfadfabulan, ay e fagmauriun, ay kadkaurian ay gbadbaboan.

Abakuk 1:3 ပူးပေါင်းရင်းမြစ်များ

Takamoyung 4:1

Nadog au nalag ngay nu e kamalingun stes fagdaul daga. Nalag au ngay tagafalingunan nu gwayway ay at yud ya e gfasun, aroro tagfalingun mabalyanan.

Takamoyung 5:8

Lag o kadulo dewa o e nalag si ay furuan ngay yud e kwa nu gafalingunan, ay nu yud gfon fagmabayanun ay fagmakatuun. Aroro tagfaidapan kanya fag ngay yud e kwa, sik tagfangguna, ay e gfadiuganan yangay kafag tagfangguna tiba yak tagfangguna tagtungud tua anya.

Isayas 46:12

Dungugani angku, am fag ngay taw takamabo, ay at yud matuyan.

Isayas 5:7

Yawi at Mabalyanan at tanuman wat ubas, ngay taw Israel wan. Ay at fagusegananun fag ngay wat ubas at bagu gtugbung, ngay taw Uda wan. Yawi at fagsegun at tanuman namasure nangus fagmatuyanun, dewa katanya, kanya fagayu nafamabul way. Ay kanya gseg yangay te, at tanuman namasure at fagyudun e malong, dewa katanya, at fakamulun, kamalingun way.

Eremyas 15:10

Afanyuan au! Ku mina nangus wa nafasalug ya angku! Ngay taw Uda gfawayan gugat angku. Kwa oma e bedan ay kwa yangay e fagfabedanan sas nusnga sinu, dewa katanya, kanya fagayu kadotama angku.

Eremyas 20:18

Wain ro ku faginsalugun yay? O laman nandalan au at maksvn fag fagidapun, o ay nangabul au sas fakaplaun?

Eremyas 20:8

Yawi, galay au namoyung am longan, ku fagfoyungun gugat sa way lang baliwa nu karasras ay fakabulun! Nu katanya, ngay taw kase ay gfalingun angku.

Esekyel 2:6

Lag o kalimu anya fagayu. Lag o kalimu dewa at ngay longan kata sik dugi ay sik libaga nu nagat. Kanya fag ngay taw sik ngay takamabo way.

Mateu 10:16

“Katsi gsugu au ayu kata sik ngay tupa sas wa idu talun. Ay am, mamatangani tua kata ule nu mamatanganan, ay katai yangay sik labikung nu magup.

2 Pedru 2:8

Lut maksvn nu kabalu aroro siginan at nalag ay at nadungug fag ngay fagmauriun kayu menit, gina gbanwan magamut kafag ngay taw at mauri.