Abakuk 1:16 - Fanawbuid tagsibaliwas Fakayabian

¹⁶ Aroro ngayu at nataban, kanya fagayu kamatungudun at ngay fagmakatuun kata sik tagfangalbon nu gseg at fanggamat, siginan nu gfon at mabebanglu fag fanggalangun sat fanggamat. Siginan at fanggamat, kanya anke ngay ramraman ay anke ngay fakonun.

Abakuk 1:16 ပူးပေါင်းရင်းမြစ်များ

Alubad. 22:29

Fagayu taw, at maramraman nangadgaloan sas fagmafulun laman namauseganan anya. Ay fagayu takabul grungan gtudan sit daga salubangan.

Isayas 37:24

Nagbilug o am ngay fagsuguan laman gfalingun o angku, Nalong o sa angku te, “Siginan ku ngay faguyudan fangawayan naundaud au sa tangabat fag ngay buksul, anggan tungud buksul Lebanun. Nafuan kwan sanya fag ngay kayu tangabat, ay nalag au tangayayu fag fungfung tangrawan, ay at masine fag araw.

Eremyas 44:17

Gfakamulun ami nusnge wain em fakaylatun. Nangirug ami ngay famaebebanglu sa em fagsegan at nafangayan te, Tagsis Banwa fag Mangena fag Fagsegan! Ay namon ami sa anya fanginum fag ngay fanggalangun kata em nafakamulun si sangay furuan tagsis Uda ay sis Erusalem at ngay fagaweanan, kata em ngay mangaguyang, ay em ngay fun, ay em ngay tagfangguna at nafakamulun. Ebi manabayan tua nu gbanwan ami: ngayu tua em fakonun, ay di e kadasug sa emi at mauri.

Eremyas 44:8

Wain ay fakauriun angku siginan nu kawat am tibak fagsegan? Ay girug am ngay famaebebanglu laman sa kafag ngay fagsegan sanya sis talun Igiptu nu inda nu gbanwan am. Ay nafauri am ay ngay sadili ay nafa sik ngay masuya ay nafae fakaplaun am ayu sa sangay talun sas fagdaul daga.

Esekyel 28:3

Gamatangan o te, amamatanganan yap tuo Daniel ay wo e fagyudun saful at masuksuk.

Esekyel 29:3

‘Au, Fun Dius Yawi, glong au te, Faraun, Igiptu at fun, o wan ku fawayan. Kata o sik aktat daul at masurungan sisad liskung. Ay longi yangay te, o wan tagagbilug Liskung Nilu laman am fagnangigusan.

Daniel 4:30

kanya nalong te, “Anud, Babilunya sik mabalyanan ay sik masine fag furuan daul ku nafawat siginan ku fagmabalyananun laman gfauseganan angku.”

Daniel 5:23

abat ngate, nalong way o te, gtungud tuo tagsis banwa fag Fun. Nasugu o laman namul ngay taya tagsis Yawi at bale, ay nainum am fanlangu sanya ginan, o, ay am takadungug fag ngay taw, am ngay mangena, ay tiba ya am ngay mangena fag ngay fagsuguan. Saman kanya, naseg o tibak fagsegan at mawatan sanbung salapi, gintu, tansu, sanbung, kayu ay gang. Kafag ngay fagsegan wa glag, ay wa gdungug, ay we fagsafulun. Dewa katanya, wo nafauseganan Dius tagbakvd am leleg ay am ngay fakamulun.

Abakuk 1:11

Sanya ginan, kanya fagayu masakit glao, kata tagmara nu gdalan. Nu katanya, kanya fagayu anke asalanan, aroro we fagtoglagun ngay fagsegan, nu bunway gseg wan at sadili fagmakatuun.”

Deuterunumyu 8:17

Malong ban am sa ay ngay sadili te, “Nagbilug au tuy fag ngay ramraman siginan ku fagmakatuun ay ku fagmabitsugun.”