Abakuk 1:12 - Fanawbuid tagsibaliwas Fakayabian

¹² Abakuk nalong te, “Yawi, o wan ku Dius siginan ebi. O wan at yud e malong ay at yud e fakatabuan fag Dius. Yawi ku fagsarigan, nafili o ngay taw Babilunya laman gfaurianan emi.

Abakuk 1:12 ပူးပေါင်းရင်းမြစ်များ

Fakasigadan 21:33

Abrayam natanum sik fun kayu sis Beerseba ay sanya ginan, kanya naseg at yud e fakatabuan fag Dius, Yawi.

2 Fun 19:25

Anud, narasras o ngay furuan ayu daul at ke ngay dingding alad. O nunda yo nasaful te, glugo wan nu e algan au takatanya? Siginan yay ebi anke algan kwan, ay katsi nafafasludan kwan.

Alubad. 102:24

Ay nalong au te, “Ku Dius, lag yap gbul ku leleg, aroro mabaguama kyay. Gleleg tuo kabavn,

Alubad. 118:17

Dewa ngayu ku ngay fawayan, kya nbul, gleleg kyay dasug katsi, laman gfoyung kban gugat Yawi at ngay nafakamulun.

Alubad. 149:2

Ngay taw Israel, useganani sa ay Takawat, Ay am fag ngay taw tagbanwan sis Siun, useganani sa ay Fun Dius.

Alubad. 17:13

Yawi, fawayani ay baboi ku ngay fawayan. Falangfei angku siginan am fagmabalyananun takata sik fiso at maglat.

Alubad. 18:1

Yawi, kesug au emu, siginan wa emu ku fagmabitsugun.

Alubad. 74:12

Em Dius, siginan ebi sfagsigadan, o wan ku Fun. Ay ngayu ginan wo gfalangfe ngay taw sas fagdaul daga.

Alubad. 90:1

Em Fun, siginan ebi, o wan em fagsarigan.

Alubad. 90:2

Dius, gina yay o yud nawat ngay buksul ay fagdaul daga, sanya wo. O wan Dius, siginan ngay ebi ay kabavn ban.

Alubad. 93:2

Siginans fagsigadan, nafaogat o am fagbanwanan. Siginan ngay nu kae buknga, sanya wo gugat.

Isayas 31:1

Afanyuan, fagayu am at nanget gubuk sas talun Igiptu. Gsarig am sat matarung fag ngay kabayu, ay at tangayu fag faguyudan fangawayan, ay at magaras fag ngay tagsaful gsakay sis kabayu. Dewa katanya, wam gseg Yawi, Israel at Dius at yud e Malong, ay wam nanget gubuk sa anya.

Isayas 37:23

Sinu am nafalingun ay am nafauri? Ay dada nu garingang o ay nu kamatungudun o? O nunda bunwa au, Israel at Dius at yud e Malong?

Isayas 37:26

Anud, narasras o ngay furuan ayu daul at ke ngay dingding alad. O nunda yo nasaful te, glugo wan nu e algan au takatanya? Siginan yay ebi anke algan kwan ay katsi nafafasludan kwan.

Isayas 40:28

O nunda yam saful ay yam batang gdungug te, Yawi, at yud e fakatabuan fag Dius, at nawat fagdaul daga? Kanya di kamomuy ay di kalufuy ay we taw saful at amatanganan.

Isayas 43:15

Au Yawi, ay Dius at yud e malong, at nawat ayu, ngay taw Israel. Au ay Fun.

Isayas 49:7

Yawi wan Israel at Tagfalangfe fag Dius at yud e Malong. Ngay talun at ngay taw ay ngay fun at ngay fagsuguan nafalingun ay nafauri Yawi at fagsuguan. Ay Yawi glong sat fagsuguan te, “Ngay fun ban lumag emu, ay nangalindug gsuyu emu. Ngay fun ban nanmalub laman gseg emu. Umfasludan ban takatanya fagayu aroro au wan, Yawi at matuyan, ay Israel at Dius at yud e Malong, at nafili emu.”

Isayas 57:15

Ay Tiba Tungud fag Dius at yud e malong ay tagleleg kabavn, glong yay fia te, “Gbanwan au sa tangabat ay yud e malong fag buknga, dewa katanya, gbanwan kyangay maful si sangay taw takamababaun ay at naubun at asalanan, laman gfabitsug au anya fagayu.

Eremyas 30:11

Gufud ktua ban ay gfalangfe ayu. Ay grasras kban fagayu talun nu inda nu gfasaruayan au ayu, dewa katanya kwa ban gfakamulun sa ayu takatanya. Ay bunwa at masuad te, kwa ban gfaurianan ya ayu, nu bunway gfalag au sa ayu at matuyan.”

Eremyas 4:27

Katatuy Yawi at longan te, “Fagdaul talun umrasras, dewa katanya, kya ban fia grasras.

Eremyas 46:28

Nu katanya, ku fagsuguan Akub at ngay kasugfunanan, lag am kalimu, aroro gufud kban ayu. Namamin kban ngay talun nusnga nday nu gfasaruayan au ayu, dewa katanya, kwa ban gfamin ayu. Namaurianan kban ayu tagalvngvdan sa ay fagmauriun. Wa masine kway ban gfaurianan ayu. Au, Yawi, taglong tuy.”

Eremyas 5:18

“Dewa katanya, ginanya ban fag menit kwa ban gfamin ayu.

Takabalu 5:19

Yawi, o wan tagfunan kabavn ban, gfataglayun tua ban nu gfunan o sas fagayu kasugfunanan.

Esekyel 30:25

Namabitsug kban Babilunya at fun at ngay take, dewa katanya, gfae yud kban e tungkul Igiptu at fun at ngay take. Nu nafated kban ku fiso sas Babilunya at fun laman nangagbilug talun Igiptu, kanya ban fag ngay taw Igiptu sumaful te, au Yawi.

Mikas 5:2

Yawi nalong te, “Betleem Efrata, dewa o sik talay way fag furuan sis talun Uda, siginan ban emu, sik taw at namakamulun sa angku laman at namangguna taw Israel. Aroro at ngay mangaguyang sik takadungug siginan ebi.”

Abakuk 3:2

“Yawi, nadungug au sabaliwa am ngay nafakamulun, ay andulo au maksvn. Fakamuluni yangay sa emi kata ebi am nafakamulun. Ay gina ban o gfalag am dotama, afanyui tua emi.

Abakuk 3:6

Ay nu nlindug o, fagdaul daga guigan, ay nu nadama o, ngay talun gtadtaruyan kalimu, ay taguna fag ngay buksul kabaras. Ay am ngay balyawvtan di gbadbalian kabavn.

Malakyas 3:5

Yawi at Mabalyanan glong te, “Kadasug kban laman nanginsaful ayu. Ay gfatuyan kban vtv te, mauri ngay tagfangabalo, takamuagan fag tagwabilug, at yud gfakasakan at famayad sat ngay fagsuguan, tagfauri ngay fagbubayun ay at yud e fagtainan ya, ay at yud matuyan sat ngay betaw. Namakamulun kban takatanya sa ayu, at yud gsuyu angku.”

Malakyas 3:6

“Au Yawi at yud gbadbalian. Ay katanya am fag ngay taw, Akub at kasugfunanan, ay fagyudun namin.

Fakamulun 3:14

Ay kanya dewa sik matuyan ay yud e malong, ankuri am anya, ay naet am te, falfasi sik takamabul fag taw.

Deuterunumyu 32:4

Kanya ku fagsarigan fag gang, ay at fakamulun matuyan, ay fagayu at balyawvtan mafanud. Sia wan at matuyan fag Dius ay di gfakamulun at mauri; kanya matuyan tua ay di e fagfili.

Deuterunumyu 33:27

At yud e fakatabuan fag Dius ay fagsarirungan. Kanya ban gfabitsug ayu siginan at fagmabalyananun at yud e fakatabuan. Ay gfayayu ban ay ngay fawayan siginan ay daga salubangan. Ay gsugu ayu laman gbabo am anya fagayu.

1 Timuteu 1:17

Sadi way tam Dius at mabalyanan, at yud e fakatabuan fag Fun, ay at yud kabul, ay at yud kalag. Kabavn segi anya. Anud.

1 Timuteu 6:16

Kanya at yud kabul kabavn ay tagbanwan sisad mayamag yud e manangakbang, ay we taw batang glag anya, ay wa ban batang e glag. Siwa anya at yud e fakatabuan fag famauseganan ay fag fagmabalyananun Anud.

Ebreu 13:8

Tam Fun Isus di gbadbalian. Nu setain kanya ebi, katanya yangay anggan katsi ay kabavn ban.

At Nafasure 1:11

Ay nalong te, “Riruki ro fagayu am nalag ay fadasugi sas fituk furuan: sas Efesu, ay sas Esmirna, ay sas Pergamu, ay sas Tiatira, ay sas Sardis, ay sas Filadelfia, ay sas Laudisya.”

At Nafasure 1:8

Dius tam Fun tagleleg katsi ay ebi ay takadasug yay ban, ay at tiba tungud nu mabalyanan, glong te, “Au wan taguna ay taguyan.”

1 Samwel 2:2

Yawi way lang at yud e malong. We mafasud anya. We tibak fagsarigan at mafasud Dius.