2 Uan 1:2 - Fanawbuid tagsibaliwas Fakayabian

² Kesug ami ayu, aroro at Matuyan gbanwan tua si antam ay gufud antam kabavn.

2 Uan 1:2 ပူးပေါင်းရင်းမြစ်များ

Uan 14:16

Ay nanget au sa ku Mama laman gfon sa ayu sadi yak Tagfasun, laman ay ufud ban kabavn.

Uan 15:7

Nu gbanwan tuam si angku, ay ku ngay longan gbanwan si ayu, eti nusnge wain ay fakaylatun, ay gfon kwa fia ayu.

1 Kurintu 9:23

Gfakamulun au takatanya fagayu laman mafafamoyung au at Masine fag Barita, laman ban e kwa kyangay tam Fun at famonun.

2 Kurintu. 4:5

Gfoyung ami sa ayu sabaliwas Isus tam Fun, ay bunwa sabaliwa em sadili. Gfakamulun ami laman sa ayu aroro sas Isus.

Kulusas 3:16

Fabanwani fia tam Fun Isus at longan si ay ngay amatanganan. Ay fadfamatangani sas galay am at sadi ay fodfoyungani sas fagdaul ay fagsafulun. Ay alubadi siginans Dius at Longan fag ngay alubad, ay siginan ay ngay fafil fag ngay alubad, ay siginan ay amatanganan fag ngay alubad, ke fagusegananun sas Dius.

2 Timuteu 1:5

Kwa kalyam am matuyan fag fagafanudun, kata am fufuina Luida ay am mina Yunisi at fagafanudun. Natuyan au te, katanya yangay nu gafanud o.

2 Pedru 1:12

Gfamatang ktua gugat ayu, dewa am nasaful wan takatanya fagayu, ay dewa am maksvn wan sa ay nabul fag fagmatuyanun.

1 Uan 1:8

Nu glong tam te, wa tam e asalanan, gdaya way tam antam, ay we si antam fagmatuyanun.

1 Uan 2:14

Griruk au sa ayu, ku ngay sisian, aroro natoglag tuam tam Mama. Griruk au sa ayu, ngay mama, aroro natoglag wam tagsiginans fakasigadan. Griruk au sa ayu, ngay baguama, aroro mabitsug tuam, ay aroro Dius at longan gbanwan tua si ay ngay amatanganan, ay aroro nababo wam Satanas.

1 Uan 2:17

Ay fagdaul daga umkamin ban, anggan at fagfangalabianun, ay dewa katanya, nusnga sinu tagfaning Dius at fakaylatun, gleleg tua ban kabavn.