2 Samwel 7:9 - Fanawbuid tagsibaliwas Fakayabian

⁹ Naufud au emu dewa nday nu glao o ay nafababo au emu sas fagayu am ngay fawayan. Ay katsi namasik takadungug au emu kata tibak taw takadungug sas fagdaul daga.

2 Samwel 7:9 ပူးပေါင်းရင်းမြစ်များ

Fakasigadan 12:2

Ay namayu kban am kasugfunanan, ay gfadante au emu, ay namasik takadungug au am ngayan. Ay siginan emu gfadante kban ngayuk taw.

2 Samwel 22:1

Dabid nalubad sas Yawi gina Yawi nafalangfe anya siginans Saul ay tiba at ngay fawayan.

2 Samwel 22:30

Siginan am gubuk, makatu ktua gfawayan dewa ngayu, ay masakfo kway at fagsarigan fag dingding alad.

2 Samwel 22:43

Narufa au anya fagayu kata lukbu. Ay naukas au anya fagayu nusnga nday kata sik ngay nakaurian.

2 Samwel 23:1

Tiba Tungud fag Dius nafasik takadungug tua Dabid, Ese at baguama. Ay Akub at Dius nafili anya laman sik fun, ay sik tagriruk Israel at ngay alubad at masine. Katatuy Dabid at ngay longan taguyan:

2 Samwel 5:10

Ay Dabid ankaksvn nu mabalyanan aroro Yawi, Dius at Mabalyanan, ggubuk anya.

2 Samwel 8:13

Ay Dabid ankugat yay nu sik takadungug siginan nu gfabul labi waluk libuk taw Edum sis datag Barara.

2 Samwel 8:14

Ay kanya nafawat sik ngay fagmafulan sis fagdaul talun Edum laman sat ngay tagfawayan, ay nafagsuguan fagayu taw Edum. Dewa nday Dabid nu gfawayan, Yawi gfababo tua anya.

2 Samwel 8:6

Ay Dabid nafawat at fagmafulan sis Damasku, si sangay taw Aram at fagbanwanan. Ay Dabid nagbilug wan kafag furuan, ay sanya ginan, ngay taw Amur nu gfon at famayad sawas Dabid. Yawi nafababo Dabid sas fagayu at nafawayan.

1 Krunika 17:8

Naufud au emu dewa nday nu glao o ay nafababo au emu sas fagayu am ngay fawayan. Ay katsi namasik takadungug au emu kata tibak taw takadungug sas fagdaul daga.

Alubad. 21:6

Yawi, Tiba Tungud fag Dius, nafon o anya ngay famonun at yud kamin, ay nafamanabayan o anya sim day tigyangan, aroro kanya gafanud tua sa emu. Ay siginan nu mafangesug o, kanya di kataygilid.

Alubad. 89:23

Gbabo au ay gfabul at ngay fawayan, ay anggan ngay taw takauri anya.

Lukas 1:52

Dius nafababa ngay funan siginan at fagmafunanun, ay nafabat ngay taw tagafalingunan.

Uswe 6:27

Yawi gufud Uswe, ay nafasik takadungug sas fagdaul talun.

1 Samwel 18:14

Dabid nafafasludan tua at ngay fakamulun aroro Yawi gufud tua anya.

1 Samwel 18:30

Ngay taw Israel ay ngay taw Filistia gawayan way gugat. Ay galay gfawayan, Dabid gbabo tua gtungud yap tua at ngay ibama tibak fun tagfawayan, Saul at ngay fagsuguan. Ay at ngayan andungug sas fagdaul talun.

1 Samwel 2:8

Kanya ggubuk at maidap fag ngay taw siginans fagidapun. Yawi e fagmabalyananun gfae fanambagun at maidap fag ngay taw magamut ngay fun ay gfae fagusegananun. Yawi wan tagagbilug fagdaul daga at fagtungkudan.

1 Samwel 31:6

Nu katanya, ginanya fag menit, Saul talamean ay tagbuba at famawayan ay fagayu at tagfawayan gasfuan anbul.

1 Samwel 5:10

Nu katanya, ngay taw Gat nabuba sas Ekrun Fagsuadan Nasadian. Gina kanya fagayu gakadasugun sanya, ngay taw Ekrun wa kaylat ay glong te, “Kanya fagayu nabuba stae Fagsuadan Nasadian laman namabul yangay antam.”