2 Samwel 7:12 - Fanawbuid tagsibaliwas Fakayabian

¹² Ay nu nbul ban o namoli emu sa am ngay mangaguyang at fagfolian, ku fantubus ban emu am baguama tua at sadi, ay gfaksvn kban at fagfagtainanan.

2 Samwel 7:12 ပူးပေါင်းရင်းမြစ်များ

Fakamulun 2:30

Dabid sik taglong ay nasaful Dius at fatuyanan te, at sadi ban at kasugfunanan umsik fun kata anya.

1 Fun 8:20

“Ay katsi, Yawi nafafasludan at fatuyanan. Natubus au ku mama Dabid, ay katsi gfunan au ngay taw Israel kata Yawi at nafatuyanan. Ay nafawat kwan tuy fag bale laman fagnamauseganan Yawi, Israel at Dius.

1 Fun 2:1

Dabid nu gakabulun wan, nalong at fangatulun sat baguama Sulumun.

Fakamulun 13:36

Kafag rirukan bunwa sabaliwas Dabid, aroro kanya nu nafafasludan wan Dius at fakaylatun sa anya kaduge kanya gleleg, kanya nbul ay e nanamoli anya sat mangaguyang at day fagfolian, ay kanya andan.

1 Krunika 17:11

Ay nu nbul ban o namoli emu sa am ngay mangaguyang at fagfolian, ku fantubus ban emu am baguama tua at sadi, ay gfaksvn kban at fagfagtainanan.

Deuterunumyu 31:16

Ay nalong sas Muisis te, “Munakbang wan nu kabul o ay nu nangalo o am ngay mangaguyang. Nu nbul ban o, ngay taw ban nanseg tibak fagsegan, sa ban at fakadasugan fag talun at ngay fagsegan. Kanya ban fagayu gtalyuyan angku, ay namayud ban e masuad ku nawat fag nasadian laman sa anya fagayu.

1 Tesalunika 4:14

Gafanud tam te, Isus anbul ay nadog yay naleleg, nu katanya, gafanud yangay tam te, Dius ban nantaban fagayu at kinbul tagafanud sas Isus.

1 Kurintu 15:51

Dungugani, gfoyung au sa ayu sik foyungan at masuksukan te, bunwa ban tam fagayu takabul, dewa katanya, fagayu ban tam bilug umtubus.

Isayas 11:10

Ginanya ban fag menit, kafag fun tagsiginans Dabid at kasugfunanan umkata sik famasaful fag ramit sa sangay talun at ngay taw, laman fagayu taw umful sa anya, ay at fagbanwanan fag talun umsik takadungug.

Isayas 9:7

Wa ban e fakatabuan kanya nu gfunan, ay nu gfae fagmanabayanun. Kanya namataglayun ay namaksvn Dabid at fagfagtainanan siginan nu matuyan nu gfunan yud e fakatabuan. Anud, umfasludan ban takatanya, aroro Yawi at Mabalyanan nu kesug kata tua tagigang fag afuy.

1 Fun 1:21

Way ro wo nalong, ay nu nbul ro wo, ngay taw ro glong emi talanak te, sik takamuag ami.”

Daniel 12:2

Ay ngayuk taw at kinbul ay at mafolian sis daga gdog yay ban gleleg. Tiba ban e leleg tua at yud e fakatabuan, ay tiba ban gaiyanan way sas fakaplaun at yud e fakatabuan.

Alubad. 89:29

Gfasiginan ktua ban gugat at kasugfunanan talun Israel at ngay fun; gfaksvn ktua ban gugat at fagfagtainanan, kata banwa nu yud gbadbalian.

Fakasigadan 15:4

Ay Yawi nabalus te, “Bunwa ban am fagsuguan at nangagbilug am ngay ramraman, nu bunway am sisian tua ban fia.”

Mateu 1:1

Katatuy Isus tam Fun at ngay mangaguyang nu gdaddagan. Kanya Dabid ay Abrayam at kasugfunanan.

Lukas 1:32

Kanya ban mabalyanan ay gfangayan ban te, Tiba Tungud at Baguama. Ay Dius tam Fun namon ban anya at mangaguyang Dabid at fagmafunanun.

Lukas 24:27

Ay Isus gfataglayun gfayamag sas duama sabaliwa at sadili siginans Muisis ay anggan Dius at ngay taglong at rirukan sabaliwa anya.

1 Fun 1:48

Ay Dabid namalub sit fagtaygilidanan laman gseg Yawi, ay glong te, ‘Fauseganani Yawi, Israel at Dius, at nafalag sa angku katsi fag menit tagungbus angku laman sik fun.’ ”

1 Fun 2:4

Nu gfaning tua ban o takatanya, Yawi namafasludan at fatuyanan sa angku te, ‘Am ngay kasugfunanan ban nu gugali tua at masine, ay nu gbanwan tua at matuyan sa ku daga salubangan sas fagdaul at amatanganan ay at basad taw, kanya tua ban gugat tagfunan sas Israel.’

1 Fun 5:5

Nu katanya katsi, namatangan au te, namawat kwan Yawi at bale, kata Yawi at suguan sa ku mama Dabid te, ‘Am baguama ban, ku famaungbus emu laman sik fun, kanya ban at namawat sik bale laman sa angku.’

1 Fun 8:15

ay nalong te, “Segi Yawi ngay taw Israel at Dius. Kanya nafafasludan at ngay fatuyanan sa ku mama Dabid. Aroro kanya nalong te,

1 Fun 8:19

Dewa katanya, bunwa ban o at namawat, am baguama way ban at namakamulun takatanya laman sa takafauseganan ku ngayan.’

1 Fun 9:5

siginan tua ban gugat am kasugfunanan tagfunan ngay taw Israel kabavn. Nafatuyanan au takatanya sa am mama Dabid, gina au glong sa anya te, ‘Di ban kamin am kasugfunanan laman at nanfunan sa sangay taw Israel.’

2 Fun 8:19

Yawi wa kaylat gfamin ngay taw Uda aroro kanya nawat sik nasadian sas Dabid te, at ngay kasugfunanan ban gfunan tua gugat.

2 Krunika 1:9

Ay katsi, Yawi em Dius, fafasludani am fatuyanan sa ku mama Dabid, aroro katsi nafili o angku laman sik fun sa sangay taw takayu ngay lagnas.

2 Krunika 13:5

O nunda wam nasaful te, Yawi ngay taw Israel at Dius, wa nawat at nasadian sas Dabid te, siginan tua ban gugat at kasugfunanan at nanfunan talun Israel kabavn?

2 Krunika 21:7

Yawi wa kaylat gfamin Dabid at kalongan aroro kanya nawat sik nasadian sas Dabid te, at ngay kasugfunanan ban gfunan tua gugat.

2 Krunika 23:3

nasas Yawi at bale ay nawat at nasadian sas Uas, fun at baguama. Ay Euyada nalong sa sangay taw te, “Katsi wan at buknga fun at baguama nu gfunan, kata Yawi at fatuyanan te, siginan tua ban gugat Dabid at kasugfunanan tagfunan.

2 Samwel 22:51

Nafon tuo sam nafili fag fun at madulo fag ngay famabo. Ay kabavn ban gfalag o te, mafangesug tuo sas Dabid ay anggan sat ngay kasugfunanan.

1 Fun 2:10

Ay Dabid nu nbul, ngay taw nanamoli anya sas Erusalem.

2 Krunika 6:9

Dewa katanya, bunwa ban o at namawat, am baguama way ban at namakamulun takatanya laman sa takafauseganan ku ngayan.’

2 Krunika 6:15

“Nafafasludan o am ngay fatuyanan sa ku mama Dabid am fagsuguan. Nafatuyanan o sa anya, ay nafafasludan yangay o katsi fag menit.

Eremyas 33:17

Yawi nalong yangay fia te, “Dabid ban e kasugfunanan tua gugat at nanfunan ngay taw Israel.