2 Samwel 13:4 - Fanawbuid tagsibaliwas Fakayabian

⁴ Sik menit, Unadab nainto sas Amnun te, “Nataw am fakabaluun ay o wan fun at baguama? Aroro kayu menit nu glag au emu katanya way o gugat. Agvd longi sa angku nataw fia am fagidapun.” Ay Amnun nalong sa anya te, “Galabian au Tamar, ku kaka Absalum at faduksay.”

2 Samwel 13:4 ပူးပေါင်းရင်းမြစ်များ

2 Samwel 13:3

Amnun e fagadgalangan tagsaful gfaylatan, kanya at lagbe Unadab, Dabid at faduksay Simya at baguama.

2 Samwel 13:5

Ay Unadab nafoyung anya te, “Dewa gina ro nantaygilidan o kata nu e fakasaitun maksvn. Ay am mama ro nu nananlag emu, longi ro sa anya te, ‘Fastiei yap Tamar aroro gyalagun au anya, ay laman kanya namalganan ku fakonun ay ku ngay fagayudanun, ay kanya yangay ro tagfafangon angku.’ ”

1 Fun 21:5

Ay at mangena Esebel nananlag anya ay nainto te, “Wain am fakabaluun? Ay wain am fagyudun gfangon?”

1 Fun 21:7

Ay Esebel nalong yangay te, “O nunda bunwa o Israel at fun? Malunggungi ay fangoni. Useganani aroro namon au sa emu Nabut at tanuman.”

Isayas 3:9

Ay katoglag sit ngay kamatan te, e ngay asalanan. Ay kanya fagayu wa kapla gfakamulun at mauri kata ngay taw Suduma nu yud gsuksuk at ngay fakamulun at mauri. Ida! Kanya fagayu afanyuan way lang! Kanya yay fag ngay taw at nafadasug faurianan sat sadili.

Eremyas 8:12

O kanya fagayu kapla at ngay fakamulun at maksvn nu mauri? Duan! Kanya fagayu we apla ya! Nu katanya, glong au te, kanya fagayu umfaurianan yangay kata at ngay iba. Ay gina kban gfaurianan, kanya fagayu umkamin. Au, Yawi, taglong tuy.

Lebitiku 18:9

“Lag gfataladan am faduksay fag mangena, dewa am duksay sim mama ay mannga sim mina, ay dewa am magamut ay fakagurangan ay mannga duan.

Lebitiku 20:17

“Sik mangama nu ndadwa way sat faduksay fag mangena, nu duksay way sat mama ay mannga sat mina, kafag mangama nafae fakaplaun at faduksay, ay kanya anke malong. Kanya fag dua nafakamulun at maksvn fag fagmauriun, nu katanya, lag gtuyan ya anya fag dua te, ay kaiban.

Mikas 7:3

Kanya fagayu annanad wan gfakamulun at mauri. At ngay tagfangguna ay at ngay tagwabilug gbul famayad laman namakamulun at mauri. Ay gfaning way at mabalyanan fag ngay taw at fakaylatun, ay masadi yangay laman gfayud e masuad fagmatuyanun.

Lukas 12:32

“Lag am gafanawa, deyud am ngayu, aroro ay Mama naylat gfagtainan ayu.