2 Samwel 1:2 - Fanawbuid tagsibaliwas Fakayabian

² Ay sis fatuluk menit, sik taw andasug sas Siklag siginans awayan, at lanbung marasrasan ay at alfuyu gadafugun laman gfalag te, kabalu. Ay kanya ankakbang sas Dabid ay narungan laman kamababaun.

2 Samwel 1:2 ပူးပေါင်းရင်းမြစ်များ

Fakasigadan 22:4

Ay nu glao nu siwas fatuluk menit, Abrayam nalag te, wa ngayayu ya kanya fag talun.

Fakasigadan 37:29

Ay Rubin nu nfoli sas bubun, nalag te, Use wa sanya ya, ay kanya nagirat at lanbung laman gfalag te, gafanawa.

Fakasigadan 37:34

Ay Akub nagirat wa vtv at lanbung ay nasulun saku laman gfalag te, kabalu. Ay ngaduge Akub nu kabalu at baguama at nabulan.

Fakasigadan 43:28

Ay duksayan gbalus te, “Em mama gleleg yay, ay mabayan tua.” Ay sanya ginan, kanya fagayu gdog yay narungan.

2 Samwel 1:3

Ay Dabid nainto sa anya te, “Daginan o?” Ay kanya nabalus te, “Nalagyu au siginans taw Israel at ngay tagfawayan at fagmafulan.”

2 Samwel 13:19

Ay Tamar nagirat at lanbung ay nafasat alfuyu dafug. Ay kanya glao gwayway gtaup at mata.

2 Samwel 14:4

Ay kafag fagbubayun nalao sas fun ay garungan laman gsuyu, ay nalong te, “Gubuki angku, ku fun!”

2 Samwel 15:32

Dabid ay at ngay ufud nu ndasug wan sas tungud buksul Ulibu nu inda ngay taw nu maful laman gseg Yawi, Kusay fag taw Ark sanya wan laman namablang Dabid. At lanbung magiratan ay nafoli dafug sat alfuyu laman gfalag te, kabalu.

2 Samwel 24:20

Ay Arauna nu nalag fun Dabid ay at ngay tagfawayan nu kadasug, kanya naduksun ay natudan sas Dabid at daga salubangan laman gfababaun.

2 Samwel 4:10

ebi gina au sis Siklag, e ndasug sa angku ay nalong sa angku te, ‘Saul anbul wan.’ Kanya fag taw gamatangan te, at barita ro masine sa angku. Nu katanya, nasugu au te, ‘Gamati ay fabuli anya!’ laman ku famasud sa anya.

Ester 4:16

“Namaful o fagayu taw Udyu tagbanwan ste sfuruan Susa ay darangini yud gfangon laman sa angku. Lag am gfangon ay ginum kaduge tuluk menit. Au ay ku ngay fagsuguan fag mangena nandarangin yangay mi yud gfangon. Sanya ginan, sa kro sfun dewa gsalan way sis faugali. Ay nu nafabul wa ro angku, mafalganan kwa kabul.”

Ester 5:1

Gina sis fatuluk menit, Ester nasulun at fagsulunun gugat fag lanbung at famatoglag te, fun at mangena, ay kanya namalindug sis fun at basad bale gsalubang sat fun at suluk. Ginanya, fun malunggung sit faglunggungan ay gsalubang sabaliwas sakbawan.

Alubad. 66:3

Fagayu am, longi sas Dius te, “Am ngay fakamulun maksvn nu madulo! Siginan am fagmabalyananun, am ngay fawayan grungan kalimu emu.

Esekyel 27:30

Kanya ban fag ngay taw gwayway maksvn, ay gfasat tungud alfuyu lukbu ay gdagingan sis wa dafug laman gfalag te, kabalu.

Usea 6:2

Ay kata nu nbul watam, ay kanya yangay at mafaleleg antam, laman mabanwan tam sit daga salubangan.

Uel 2:13

Ubuni wan ay fagmauriun sas fagdaul ay amatanganan siginan nu ggirat am ay ngay lanbung, laman gfasaful am sa sangay taw te, gubun am ay ngay asalanan. Afolii sa ay Dius Yawi, aroro kanya mafangafanyu ay mafamamatang, ay mafangesug ay di masakit gfangadotama. Ay mafalganan tua gfabali at amatanganan laman di gfadasug ngay faurianan.

Mateu 12:40

Aroro kata yangay ebi Unas nu tuluk menit ay tuluk yabi nu sisad albon daul at ungdan, katanya yangay ban au, Taw at Baguama, tuluk menit ay tuluk yabi nu sisad luib.

Mateu 16:21

Siginan ginanya, Isus gfasigad gfoyung sat ngay tagadal te, “Glo kban fia sas furuan Erusalem. Ay sanya ban ngayu ku fagnandalanun faurianan siginan sangay fagtainan ay ngay fun tagfon fanggalangun ay anggan ngay tagfoyung Muisis at Faugali. Ay e gfabul ban angku, ay gdog kyay ban gleleg sis fatuluk menit.”

Uswe 7:6

Aroro siginans fakabaluun Uswe ay anggan at ngay fagtainan sis Israel nagirat at ngay lanbung, ay nafae lukbu at mesa alfuyu, ay anlub sis salubangan Fagsuadan Nasadian anggan andulum.

At Nafasure 3:9

Dungugani, namasalubang kban sa ayu ay namalub sa ay daga darafa Satanas at ngay taw, at nafamuag ay at nafamaningan te, kanya fagayu sik ngay taw Udyu. Namakamulun au takatanya sa anya fagayu laman sumaful te, kesug au ayu.

1 Samwel 20:41

Ay kafag munama nu nalao wan, Dabid naduksun siginan at fagsuksuanan ay namalub sas Yunatan at daga salubangan tulu ginan ay at kamatan nafatayuk sas daga laman gfalag te, gsuyu anya. Sanya ginan, Dabid naugwan Yunatan ay duama nawayway ay Dabid amaksvn yap tua nu gwayway.

1 Samwel 25:23

Abigail nu nalag Dabid, masakit nu gtustus siginan at asnu ay anlub masakit sas Dabid at daga salubangan,

1 Samwel 4:12

Ginanya yangay fag menit, sik taw gtarung siginans fagawayanan ay ndasug sas Silu; kanya siginans Benamin at kasugfunanan. Ay nagirat at lanbung ay nafasat alfuyu dafug, fagtoglagan te, maksvn nu kabalu.

1 Samwel 4:16

ay glong te, “Bagu kyay kadasug siginans awayan. Nalagyu au.” Ay Eli ginto te, “Nataw at kindasug?”